ރާއްޖޭގެ ގިނަ ރަށްތަކެއް ގިރަމުންދާ މައްސަލައިގައި މާދަމާ މަޖިލީހުގައި ކޮމިޓީ ބައްދަލުވުމެށް ބާއްވަން ހަމަަޖައްސައިފިއެވެ.
ރައްޔިތުން މަޖިލީހުން މިއަދު ނެރުނު ނޫސްބަޔާނުގައި ބުނީ، މަޖިލީހުގެ އެންވަޔަރަމަންޓް އެންޑް ކްލައިމެޓް ޗޭންޖް ކޮމިޓީގެ ކުއްލި ބައްދަލުވުމެއް މާދަމާ 11:00 ގައި ބޭއްވުމަށް ހަމަޖެހިފައިވާ ކަމަށެވެ. މާދަމާ ބޭއްވުމަށް ހަމަޖެހިފައި ވާ ކުއްލި ބައްދަލުވުމަކީ ގިނަ ރަށްތަކެއް ގިރަމުންދާ މައްސަލައިގައި މަޝްވަރާ ކުރުމަށް ބާއްވާ ބައްދަލުވުމެއް ކަމަށް ރައްޔިތުން މަޖިލިހުން ބުނެއެވެ.
މީގެ އިތުރުން މި ބައްދަލުވުމުގެ އަޑުއެހުން އާންމުންނަށް ހުޅުވާލެވިފައިވާ ކަމަށް ވެސް އެ އިދާރާއިން ބުނެއެވެ.
ރަށް ގިރަމުންދާ މައްސަލައަކީ ތިރިކޮށް ހެދިފައިވާ ޖަޒީރާ ރަށްތަކަށް ދިމާވާނެ އެންމެ ބޮޑު އެއް މައްސަލައެވެ. މިޙާރު ޜާއްޛޭގެ ބައެއް ރަށްތައް ކުރިއަށް ވުރެ ބޮޑަށް ގިރާ ކަމުގެ އެތައް މައްސަލަަތަކާއި ޝަކުވާތަކެއް އެބަހުއްޓެވެ. އެގޮތުން ރ. ފައިނު ގިރުމުގެ ސަބަބުން އެ ރަށުގައި ހުރި 200 އަހަރަށްވުރެ ގިނަ ދުވަސްވެފައިވާ ގަހެއް ވަނީ މޫދަށް ވެއްޓިފައެވެ. އެގޮތުން ޏ، ގއ، ގދ، ނ، ބ އަދި އ އަތޮޅުގެ ގިނަ ރަށްތަކެއްވެސް ދަނީ ގިރަމުންނެވެ.
