ވެސްޓް ޕާކް ސަރަހައްދުގައި ހުންނަ މަސްބާނަންދާ ފިޝިންގް ޕޮއިންޓްގެ ޝީޓް ވެއްޓި ދެމީހަކަށް އަނިޔާ ވެއްޖެއެވެ.
ވެސްޓް ޕާކް ސަރަހައްދުގައި ހުންނަ ފިޝިންގް ޕޮއިންޓުގައި ވާ ޝީޓް ވެއްޓިފައި ވަނީ ގިނަ ދުވަސްވެ ފީވެގެންނެވެ. އަދި އަނިޔާ ލިބުނު ދެމީހުން މިހާރު އެމަޖެންސީގައި ވަނީ ހޮސްޕިޓަލަށް ގެންގޮސްފައި ކަމަށް މައުލޫމާތު ލިބެއެވެ.
ފުލުހުން ބުނީ، މިއަދު ހަވީރު 5:57 ހާއިރު ރަސްފަންނު ވެސްޓް ޕާކު މަސް ބާނާ ޖެޓީ މަތިން ދެ މީހަކު ވެއްޓިގެން އުޅެކަމުގެ މައުލޫމާތު ލިބިފައިވާ ކަމަށެވެ. މި ހާދިސާ ހިނގަން މެދުވެރިވެފައިވަނީ އެ ޖެޓީގައި ހުރި 4 ބްލޮކްގެ ތެރެއިން މެދުގައި ހުރި ދެ ބްލޮކް ބިންދައިގެން ދިޔަ ގަޑީގައި އެ ބްލޮކްގައި ތިބި މީހުން ވެއްޓިގެން ކަމަށް ފުލުހުން ބުނެއެވެ.
ވެއްޓުނު ދެ މީހުންގެ ތެރެއިން އެކަކުގެ ފައިގެ ދަށްފުށް ކަފައިގެން ގޮސްފައިވާއިރު، އޭނާ ވަނީ ފަރުވާ ދިނުމަށް ހޮސްޕިޓަލަށް ގެންގޮސްފައި ކަމަށް ފުލުހުން މައުލޫމާތުދެއެވެ. އަދި އޭނާގެ ހާލު ސީރިއަސް ނޫން ކަމަށް ވެސް ފުލުހުން ބުނެއެވެ.
ފުލުހުން ބުނީ، ޖެޓީގެ ހާލަތާ ބެހޭ މައުލޫމާތު މިހާރު ސިޓީ ކައުންސިލާއި ހިއްސާ ކޮށްފައިވާނެ ކަމަށެވެ.
މައުލޫމާތު ލިބިފައިވާ ގޮތުގައި އަނިޔާ ލިބިފައިވާ ދެމީހުންނަކީ އެތަނުގައި މަސްބާނަން ތިބި ދެމީހުންނެވެ. ރަސްފަންނުގެ ނިމޭ ސަރަހައްދުގައި ހުންނަ މި ފިޝިންގް ޕޮއިންޓު ހުންނަތާ 15 އަހަރަށް ވުރެ ގިނަ ދުވަސްވަނީ ވެފައެވެ.
