ދުނިޔޭގެ އެކި ގައުމުތަކުގައި އިސްލާމް ދީނުގެ މައުލޫމާތު ދެއްވަމުން ގެންދަވާ ދީނީ އިލްމުވެރިޔާ ޑރ. ޒާކިރު ނައިކް ރާއްޖެ ވަޑައިގަންނަވަން އުޅުއްވި ކަމަށާއި އެކަމަށް ސަރުކާރުން ހުއްދަ ނުދިނީ ކަމަށް ރައީސް މުހައްމަދު ނަޝީދު ވިދާޅުވާ ކަމުގައި އިންޑިއާގެ ނޫސްވެރިއަކު ބުނެފިއެވެ.
ރައީސް ނަޝީދު މިހެން ވިދާޅުވީ ރައްޔިތުންގެ މަޖިލީހުގެ ވަފުދެއް އިންޑިއާއަށް ކުރައްވަމުން ގެންދަވާ ރަސްމީ ދަތުރުގައި ދިއްލީގައި ބޭއްވި ނޫސްވެރިންގެ ބައްދަލުވުމެއްގައި ކަމަށް އިންޑިއާގެ ޑަބްލިއުއައިއޯއެން (ވިއޯން) ގެ ނޫސްވެރިއާ ބުނެއެވެ.
އިތުރު ތަޕްސީލެއް ހާމަ ނުކޮށް އޭނާ ބުނެފައި ވަނީ ޒާކިރު ނައިކް ރާއްޖެ ވަޑައިގަންނަވަން އުޅުއްވި ކަމަށާއި އެކަމަށް ސަރުކާރުން ހުއްދަ ނުދިނީ ކަމަށް ރައީސް ނަޝީދު، ނޫސްވެރިންގެ ބައްދަލުވުމުގައި ވިދާޅުވި ކަމަށެވެ.
ޒާކިރު ނައިކު އަކީ އިންޑިއާގެ ރައްޔިތެއް ނަމަވެސް އޭނާއަށް އެގައުމުގައި ދީނީ ދަރުސް ދެއްވުން އޮންނަނީ މަނާ ކޮށްފައެވެ. އަދި ތަފާތު ގިނަ ފިއްތުންތަކާ ހުރެ އޭނާ ދިއިއުޅުއްވަނީ މިހާރު މެލޭޝިއާގައެވެ.
މީގެ އިތުރުން އިންޑިއާގައި މިހާރު އެންމެ ހޫނުވެފައިވާ ރަށްވެހި ކަމުގެ ބިލް (ކެބް) އާ ބެހޭ ގޮތުންވެސް ރައީސް ނަޝީދު ވާހަކަ ދައްކަވާފައި ވާކަމަށާއި، އިންޑިއާގެ ޑިމޮކްރަސީއަށް އިތުބާރު ކުރައްވާ ކަމަށް ނަޝީދާ ހަވާލާދީ އެނޫސްވެރިއާ ބުނެއެވެ.
އަދި ޗައިނާގެ މައްޗަށް ރާއްޖޭގެ ދަރަނި އޮތް ގޮތާ ބެހޭ ގޮތުންވެސް ވާހަކަ ދައްކަވާފައިވާ ކަމަށާ، ރައީސް ނަޝީދު އިތުރުފުޅު ހައްދަވާ ކަމަށް ޗައިނާއިން ބުނާނެ ކަމަށް ވެސް ނަޝީދު ވިދާޅުވެފައި ވެއެވެ.
އިންޑިއާގެ ލޯކް ސަބާ ޓީވީއަށް ދެއްވި ބަސްދީގަތުމެއްގައި އިންޑިއާ އާއި ރާއްޖޭގެ ގުޅުމާ ބެހޭގޮތުންވެސް ނަޝީދު ވާހަކަ ދައްކަވާފައި ވެއެވެ.
އިންޑިއާ ސަރުކާރުގެ ލޯބި ހޯދުމަށްޓަކާ ކިޔާފަ ނުކިޔާނެ އެއްޗެއް ނޭނގިގެން މިއުޅެނީ ހަނދާންވާގޮތުން މީނަގެ ވެރިކަމުގަ ޒާކިރުނަޔަކް ރާއްޖެ ވަޑައިގަތީވެސް އެއިގެ އިތުރުން ރާްއްޖެ ގެއްނަން ބަޔަކު އުޅެ ހުއްދަނުދިން ޚަބަރެއް އިވިފައެއް ނެތް. އެމްޑީޕީގެ މެމްބަރުންވެސް މިހާރު ގަބޫލުކުރޭ މީނަގެ ލާދީނީ ފިކުރު އެބުނާ އަނެއް ދިވެހިރާއްޖެ ފޮރުވިފައިވާ އެޖެންޑާ އެމްޑީއެން ސަރުކާރުގެ އިސްމަޤާމް ތަކުގައި ތިބެގެން އަހަރެމެން އަތުން ނުހައްގު ޓެކްސްތައް ނަގައި އިތުރަށް ބިކަ ކޮށްލުން ނޫން ކުރިކަމެއް ދައްކަބަލަ. އަހަރެންގެ ދުޢާއަކީ މާތްﷲ ސވތ މި ލާދީނީ ސަރުކާރުގެ ނުބައި ރޭވުންތައް ބާޠިލްކޮށް ފަޟީޙަތްކޮށް މިކަމުން އަޅަމެން މިންޖު ކޮށްދެއްވުން. އާމީން
ޝައްކެއްނެއް ނަޝީދު އެބުނީތެދެއް އިސްލާމް ދީން ފެތުރުމުގެ މަސައްކަތްކުރާ ދުނިޔޭގެ މަޝްހޫރު އެއްވެސް ޢިލްމްވެރިއަކު ރާއްޖެ އައުމަކަށް އޭނާ ނޭދޭނެ އެހެނެއްނޫން އިންޑިއާގެ ހިންދޫން ގެއްނަން އޭނާ ދައުވަތު ދޭނެ މީކީ ޙައިރާންވާންޖެހޭ ކަމެއްނޫން ދެކިބަލަ އޭނާ އެމްޑީއެން ގެ ދިފާއުގަ ނުކިޔަނީ ކޯންޗެއް މަޖިލީހުން އެކަންބަލައި ތަހުގީގުކޮށް ބެލިބެލުމުން ކީރިތިﷲ އަށާއި އެކަލާނގެ ރަސޫލާއަށް ނިސްބަތްކޮށް ކޮށްފައިވާ ފުރައްސާރަ އަކީ އޭނާގެ ނަޒަރުގައި އެމީހުނަށް ލިބިގެންވާ ހައްގެއް އެހެންތާ ވާނީ ހައްގާއި ބާޠިލް ނޭނގުނީމަ މީ އަހަރެމެން މައިންބަފައިންނާއި ސަރުކާރުގެ އިހުމާލެއް ދަރީން ތަރުބިއްޔަތު ކުރުމުގައި ވެފައިވާ ބޮޑު އިހުމާލެއް މިކަން މިކަން އިތުރައް ގޯސްވާނެ ސްކޫލް ތަކުގައި ކިޔަވައިދޭ މުޤައްރަރު ބަދަލުކޮށް ޓީޗަރުންނަށް ކުޅެން ފުރުޞަތު ދީފިއްޔާ މިހާރު އެކުރަނީ އެކަން ތައުލީމާ އެކުޅެނީ، މިރާއްޖެ ގައި ޣައިރު މުސްލިމުން އަޅުކަން ކުރާނެ ގޮތް ހެދޭނެގޮތް ހަދަން ވަކާލާތު ކުރަން ފަށާނީ މާދަމާ ކަންނޭގެ ހޭއަރާތިބޭ ދަރީންނޭ