ކަނޑުމަތީގައި އޮތް ލޯންޗަކަށް ހޮނު އަޅާއިފިއެވެ
ފުލުހުން ބުނީ، ކުޑަވިލިނގިއްޔާ ދިމާލު ބޭރުގައި ބަޔަކު މަސްބާނަން ތިބި ލޯންޗަކަށް ހޮނު އަޅާފައިވާ ކަމުގެ މައުލޫމާތު މިއަދު 3:00 ހާއިރު ކ. ތުލުސްދޫ ޕޮލިސް ސްޓޭޝަނަށް ލިބިފައިވާ ކަމަށެވެ. މި ހާދިސާގައި އެއްވެސް މީހަކަށް ގެއްލުމެއް ނުވާ ކަމަށް ފުލުހުން ބުނެއެވެ.
މީހަކަށް ގެއްލުމެއް ނުވި ނަމަވެސް މި ހާދިސާގައި އެ ލޯންޗަށް އެކިވަރުގެ ގެއްލުން ވެފައިވާ ކަމަށް ފުލުހުން ބުނެއެވެ. އަދި މައުލޫމާތު ލިބުމާއެކު ތުލުސްދޫގައި މަސައްކަތްކުރާ ފުލުހުން ވަނީ އެ ލޯންޗު އޮތް ސަރަހައްދަށް ގޮސް އެ ލޯންޗު ކަފު ޖަހައިގެން ތުލުސްދޫއަށް ވައްދާފައި ކަމަށް ފުލުހުން ބުނެއެވެ.
މި ދުވަސް ވަރަކީ ރާއްޖެއަށް ވަރަށް ބޮޑަށް ވިއްސާރަ ކުރަމުންދާ ދުވަސް ވަރެއް ކަމުން ކަނޑުމައްޗަށް ނުކުމެ އުޅޭ އިރު ސަމާލު ވުމަށް މެޓް އޮފީހުން ވަނީ ބުނެފައެވެ. މިއަދުގެ 2:30 އިން އިރުއޮއްސި 6:30 އާ ދެމެދު ހއ. އަތޮޅުން ފ. އަތޮޅަށް ގުގުރުމާއެކު ބޯކޮށް ވާރޭ ވެހޭނެ ކަމަށް މެޓް އޮފީހުން ބުނެ ވަނީ ވައިޓް އެލާޓްވެސް ނެރެފައެވެ.
