ސިންދިތާ އޮފީހުގައި ހުރި 2 ތިޖޫރީއެއް ފަޅާލައި އޭއިން ގިނަ ފައިސާތަކެއް ވަގަށް ނަގައިފިއެވެ.
ފުލުހުން ބުނީ، މި މައްސަލަ ފުލުހުންނަށް ރިޕޯޓްކޮށްފައި ވަނީ މިއަދު ހެނދުނު 9:07 ހާއިރު ކަމަށެވެ. ސިންދިތާ އޮފީހުގައި ހުރި ދެ ތިޖޫރީއެއް ހަލާކުކޯށްލައިގެން އޭގެއިން ވަށްކަން ކޮށްފައިވާ ކަމަށާއި ވަގަށް ނަގާފައިވަނީ 4700 ޑޮލަރާއި 30،000 ރުފިޔާ ކަމަށް ފުލުހުން މައުލޫމާތު ދެއެވެ.
މި މައްސަލަ އަދި ފުލުހުން ދަނީ ތަހުގީގު ކުރަމުންނެވެ.
ވައްކަމާއި ފޭރުމުގެ މައްސަލަތައް އިތުރުވަމުން އަންނަ އިރު މި މަހުގެ 16 ވަނަ ދުވަހު ވަނީ، ގަލޮޅުގައި ހުރި މޯބައިލް ފިހާރައެއް ފަޅާލައިގެން ވައްކަންކޮށް ފިލަން އުޅުނު މީހަކު ހައްޔަރު ކޮށްފައެވެ. ފުލުހުން ބުނީ އެ މައްސަލަ ފުލުހުންނަށް ހުށަހަޅާފައި ވަނީ އެރޭ 4:40 ހާއިރު ކަމަށެވެ. އަދި ފުލުހުން އެ ސަރަހައްދަށް ދިޔައިރު އެ ފިހާރަ ތެރެއިން ދަބަހެއް ހިފައިގެން ނުކުތް މީހަކު ފުލުހުން ފެނުމާ އެކު ދަބަސް އެއްލައިލުމަށްފަހު ދުއްވެ ފިލަން މަސައްކަތް ކޮށްފައިވާ ކަމަށެވެ. ނަމަވެސް އެ މީހާގެ ފަހަތުން ގޮސް ފުލުހުންގެ ބެލުމުގެ ދަށަށް އޭނާ ގެނެސްފައިވާ ކަމަށާއި، އޭނާ އަކީ އުމުރުން 24 އަހަރުގެ ދިވެހި ފިރިހެނެއް ކަމަށް ފުލުހުން ބުނެއެވެ. އެ މީހާ ފުލުހުންގެ ބެލުމުގެ ދަށަށް ގެނެސް ބަލައި ފާސް ކުރިއިރު އޭނާ އެއްލައިލި ދަބަސް ތެރެއިން ގިނަ އަދަދެއްގެ މޯބައިލް ފޯނާއި ޓެބްލެޓަކާއި މޯބައިލް ފޯނާ ގުޅުން ހުރި އެހެނިހެން ތަކެތި ފެނިފައިވާ ކަމަށް ފުލުހުން މައުލޫމާތުދެއެވެ.
