ބޭންކަކަށް އޮޅިގެން އެކައުންޓަކަށް "ޖަމާކުރެވުނު" 120000 އެއްހާ ޑޮލަރު ބޭނުންކުރި ދެމަފިރިއަކާ ދެކޮޅަށް ވައްކަމުގެ ދައުވާ އުފުލައިފިއެވެ.
މައުލޫމާތު ލިބޭ ގޮތުގައި ރޮބާޓް އާއި ޓިފަނީ ވިލިއަމްސް ވަނީ އެފައިސާ އެއްކޮށްހެން ބޭނުންކޮށް، ހުސްކޮށްލާފައެވެ. މި ފައިސާއަށް ވިލިއަމްސްގެ ދެމަފިރިން ގަތް ތަކެތީގެ ތެރޭގައި އެންމެ ޒަމާނީ ފެންވަރުގެ އަގުބޮޑެތި ކާރުތަކާ، ގެވެހިކަންވާރުގެ ސާމާނުތައް ހިމެނޭ ކަމަށް ފުލުހުން މައުލޫމާތުދެއެވެ. މީގެ އިތުރުން ރަހުމަތްތެރިންނަށް އެހީވުމުގެ ނަމުގައި 15000 އެއްހާ ޑޮލަރު ޚަރަދުކުރިކަމަށްވެސްވެއެވެ.
ވިލިއަމްސްގެ ދެމަފިރިން މި ފައިސާ ބޭނުންކޮށްފައިވަނީ އެއީ އެމީހުންގެ ފައިސާ ނޫންކަން އެނގި ހުރެކަމަށްވެސް ޝަރުއީ ލިޔުންތައް ބުނެއެވެ.
ވައްކަމުގެ ތުހުމަތުގައި ހައްޔަރުކުރެވުނު ދެމީހުންގެ މައްޗަށް ކުށް ސާބިތު ވާ މިންވަރަށް ހެކި ހުރި ނަމަވެސް، ކަފާލާތުގެ ދަށުން، ވިލިއަމްސްގެ ދެމަފިރިން ވަނީ ދޫކޮށްލާފައެވެ.
އުމުރުން 36 އަހަރާއި 35 އަހަރުގެ މި ދެމަފިރިންގެ އެކައުންޓަށް ޖަމާވި ފައިސާއަކީ އިންވެސްޓްމަންޓް ކުންފުންޏެއްގެ އެކައުންޓަށް ޖަމާވާންޖެހުނު ފައިސާއެވެ. މި ދެމަފިރިންގެ އެކައުންޓަށް މި ފައިސާ ޖަމާވީ މިއަހަރުގެ މޭ މަހުގެ ފަހުކޮޅުއެވެ. ފައިސާ ޖަމާކުރެވިފައިވަނީ ނުބައި އެކައުންޓަކަށްކަން ފަޅާއެރީ ޖޫން 20 ވަނަ ދުވަހުއެވެ. އެހާ ހިސާބުން ވިލިއަމްސްގެ ދެމަފިރިންގެ އެކައުންޓުން ހަމަ އެ އަދަދަށް ފައިސާ ނަގާ، ރަނގަޅު އެކައުންޓަށް ފައިސާ ބަދަލުކޮށްފައިވާކަމަށް ވެއެވެ.
ބޭންކަށް އޮޅިގެން 120000 އެއްހާ ޑޮލަރު ވިލިއަމްސްގެ އެކައުންޓަށް ޖަމާކުރެވުނުއިރު އެ އެކައުންޓްގައި ހުރީ އެންމެ 1000 އަށް ޑޮލަރެވެ.
