2018 ވަނަ އަހަރާ 2019 އަހަރު އިންޑިއާގެ އެކި ހިސާބުތަކުން އަތުލައިގަތް ވަގުނޫޓުގެ ތެރެއިން 5.6 ޕަސެންޓް ނޫޓު އަތުލައިގެންފައިވަނީ އިންޑިއާގެ ރިޒާވް ބޭންކުން ކަމަށް ޚަބަރު ލިބިއްޖެއެވެ.
ރިޒާވް ބޭންކް އޮފް އިންޑިއާގެ އަހަރީ ރިޕޯޓް ބުނާ ގޮތުގައި އަނެއް 94.6 ޕަސެންޓް ނޫޓު އަތުލައިގެންފައިވަނީ އިންޑިއާގެ އެކި ހިސާބުތަކުގައި އޮޕަރޭޓްކުރާ އެހެން ބޭންކުތަކުންނެވެ.
އިންޑިއާގެ ކަރުދާސް ނޫޓުގެ ގޮތުގައި ބޭނުންކުރާ 10 ރުޕީޒް އިން ފެށިގެން މަތީގެ ހުރިހާ އަދަދެއްގެ ފައިސާގެ ނޫޓުގެ ވަގު ނޫޓުތައް ދައުރުވެފައިވާކަމަށާ، މީގެ ކުރީ އަހަރާ އަޅާ ބަލާއިރު، ފާއިތުވީ އަހަރުގެ ތެރޭގައި ދައުރުވި ވަގު ނޫޓުގެ މިންވަރު އިތުރުވެފައިވާކަމަށް ރިޕޯޓްގައި ފާހަގަކޮށްފައިވެއެވެ.
އިންޑިއާގައި ކަރުދާސް ނޫޓުގެ ގޮތުގައި ބޭނުންކުރަމުން ދަނީ 2، 5، 10، 20، 50، 100، 200، 500 އަދި 2000 ރުޕީޒްގެ ނޫޓެވެ. ވަކި ލާރީގެ ގޮތުގައި ބޭނުންކުރަނީ 50 ޕައިސޭއާއި 1، 2، 5 އަދި 10 ރުޕީޒްއެވެ.
