ކަނޑުމަތީގެ ހާދިސާއެއް ހިނގައިގެން އެމްއެންޑީޢެފުން ހަރަކާތްތެރިވަނީ / ފައިލް ފޮޓޯ
ހަނިމާދޫއަށް ދަތުރުކުރި ލޯންޗު ބަންޑުން ޖަހާލި އިރު އޭގައިދަތުރުކުރި އެންމެން ފެނިއްޖެކަމަށް އެމްއެންޑީއެފުން ބުނެފިއެވެ.
ލޯންޗު ބަންޑުން ޖަހާލާ ހިނގި މި ހާދިސާގައި އޭއިން ދަތުުރުކުރި ފަސް މީހަކު މަރުވެފައިވާކަމަށް މައުލޫމާތު ލިބެއެވެ. އޭގެ ތެރޭގައި ހިމެނެނީ ދެމަފިރިންނާ، 1 އަހަރުގެ ކުޑަ އަންހެން ކުއްޖަކާ ދެ އަންހެނުންނެވެ.
އެމްއެންޑީއެފް ކޯސްޓް ގާޑުން ބުނީ، ހދ ނޮޅިވަރަމްފަރުން މި ލޯންޗް ފުރިފަހުން ހަބަރެއް ނުވެގެން އެމްއެންޑީއެފް ނޮދާން އޭރިއާ އިން ހަރަކާތްތެރި ވަމުން ދާކަމަށެވެ. ޖުމްލަ 10 މީހުންނާއެކު ހަނިމާދޫއަށް ދަތުރުކުރި ލޯންޗެއް ގެއްލިގެން އެމްއެންޑީއެފްގެ ނޮދާން އޭރިއާ އަށް ރިޕޯޓް ކޮށްފައިވަނީ މިއަދު މެންދުރު 12:25 ހާއިރު ކަމަށް އެމްއެންޑީއެފުން ބުނެއެވެ.
މި ލޯންޗް ބަންޑުން ޖަހާލާފައިވަނީ ހަނިމާދޫ ކަންމައްޗަށް ކަމަށް އެމްއެންޑީއެފުން މައުލޫމާތު ދެއެވެ. އެމްއެންޑިއެފް ކޯސްޓްގާޑްގެ ޑިންގީއެއްގެ އިތުރުން ސީ އެމްބިއުލަންސްވެސް މީހުން ހޯދުމުގައި ހަރަކާތްތެރިވަމުން ދާކަމަށް ކޯސްތް ގާޑުން މައުލޫމާތު ދެއެވެ.
އިތުރަށް ވިދާޅުވޭ...
29 August 2019, 15:15
ޢާއިޝަތު ޝާޒްލީން
ކަނޑުމަތިން ނެގި މީހުންނަށް ސީޕީއާރު ދީ ފަސްޓް އެއީޑްގެ ހިދުމަތްތައް ފުރިހަމައަށް އެމްއެންޑީއެފުން ދީފައިވާ ކަމަށް އެމްއެންޑިއެފުން ބުނެއެވެ. އަދި ކަނޑުމަތިން ނެގި މީހުން ހަނިމާދޫ ހޮސްޕިޓަލަށް ގެންދިއުމުން އެމީހުން މަރުވެފައިވާކަން ކަށަވަރުކޮށްދީފައި ވަނީ ހޮސްޕިޓަލުން ކަމަށް އެމްއެންޑީއެފުން ބުނެއެވެ. މި ހާދިސާގައި 5 މީހުން މަރުވެފައި ވާއިރު ދެން ތިބި 5 މީހުންނަށް މިހާރު ހަނިމާދޫ ހޮސްޕިޓަލުން ދަނީ ފަތުވާ ދެމުންނެވެ.
29 August 2019, 15:13
ޢާއިޝަތު ޝާޒްލީން
ކުރިއަށް އޮތް ދުވަސްތަކުގައި ވެސް މޫސުން ގޯސްވާނެ ކަމަށް ލަފާ ކުރެވޭތީ ކަނޑު ދަތުރުފަތުރު ކުރާ ފަރާތްތައް ސަލާމަތީ ފިޔަވަޅުތައް އެޅުމަށް ސަމާލުކަން ދިނުން މުހިއްމު: އެމްއެންޑީއެފް
29 August 2019, 15:12
ޢާއިޝަތު ޝާޒްލީން
މި ހާދިސާގައި ކަނޑުމަތިން ނެގި އެއްވެސް ފަރާތެއް ލައިފް ޖެކެޓް ބޭނުންކޮށްފައި ނުވާކަން ފާހަގަކުރެވުނު: އެމްއެންޑީއެފް
29 August 2019, 15:07
ޢާއިޝަތު ޝާޒްލީން
އުތުރުގެ އަތޮޅުތަކަށް މޫސުން ގޯސްވާނެކަމަށް މެޓް އޮފީހުން ބުނި
މޫސުމާ ބެހޭ އިދާރައިން މިއަދު މެނދުރު 11:30 އިން ފެށިގެން މެނދުރު ފަސް 2:30 އާ ދެމެދަށް ވަނީ ހއ. އަތޮޅުން އދ އަތޮޅާ ދެމެދަށް ޔެލޯއެލާޓް ނެރެފައެވެ. މެޓް އޮފީހުން ބުނެފައި ވަނީ އެ ސަރަހައްދަށް ބޯކޮށް ވާރޭ ވެހޭނެ ކަމަށާއި ވިލާގަނޑުގައި 50 މޭލަށް ވައިގަދަވާނެ ކަމަށެވެ. މިއަދު ރާއްޖޭގެ ބޮޑު ސަރަހައްދަކަށް ވިއްސާރަ ކުރާނެ ކަމަށް މޫސުމާ ބެހޭ އިދާރާއިން ލަފާކޮށްފައިވާއިރު އެ އިދާރާއިން ވަނީ ދަތުރު ފަތުރު ކުރާއިރު ސަމާލުވުމަށްވެސް އިލްތިމާސްކޮށްފައެވެ.
29 August 2019, 14:43
ޢާއިޝަތު ޝާޒްލީން
ދެންމެ މައުލޫމާތު ލިބުނު ގޮތުގައި މަރުވީ 5 މީހުންނަކީ ދެމަފިރިއަކާއި އެ މީހުންގެ މާމަ/ކާފަ ދަރިފުޅުގެ އިތުރުން ދެ އަންހެނުންނެވެ.
29 August 2019, 14:40
ޢާއިޝަތު ޝާޒްލީން
ލޯންޗުގައި ދަތުރުކުރި 10 މީހުންގެ ތެރއިން 5 މީހުން މަރުވެއްޖެ
ލޯންޗުގައި ދަތުރުކުރި 10 މީހުންގެ ތެރެއިން މިހާތަނަށް ޖުމްލަ 5 މީހުން މަރުވެއްޖެއެވެ.
29 August 2019, 14:37
ޢާއިޝަތު ޝާޒްލީން
އެއް އާއިލާ އަކުން 4 މީހުން މަރުވެއްޖެ
ލޯންޗު ބަނޑުން ޖަހާލައިގެން ގެލިގެން ފަހުން ހޯދި އަނހެންމީހާ ވެސް ވަނީ މަރުވެފައި ކަމަށް އެމްއެންޑީއެފުން ބުނެއެވެ. ފަހުން މަރުވި އަންހެން މީހާއަކީވެސް ކުރިން މަރުވި 3 މީހުންގެ އާއިލާ މީހެއް ކަމަށް އެމްއެންޑީއެފުން މައުލޫމާތު ދެއެވެ.
29 August 2019, 14:29
ޢާއިޝަތު ޝާޒްލީން
ގެއްލުނު އަންހެން މީހާ ފެނިއްޖެ
ގެއްލިފައިވާ އަންހެން މީހާ ފެނިއްޖެއެވެ.
29 August 2019, 14:27
ޢާއިޝަތު ޝާޒްލީން
ލޯންޗުގައި ދަތުރު ކުރި 3 މީހަކު ނިޔާވެއްޖެ
ލޯންޗުގައި ދަތުރުކުރި 3 މީހަކު ނިޔާވެފައި ވާއިރު އެއީ ދެމަފިރިންނާއި އެ ދެމަފިރިންގެ ކާފަ ދަރިފުޅެވެ. ކުޑަ ކުއްޖާގެ އުމުރަކީ ގާތްގަނަޑަކަށް އެއް އަހަރެވެ. އަދި މަރުވެފައިވާ ފިރިހެން މީހާއަކީ ނޮޅިވަރަންފަރު ސްކޫލްގެ އެންމެ ގިނަ ދުވަސްވީ ޓީޗަރު، ހުސައިން އަބްދުﷲ އެވެ.
