ރާއްޖެ އަޅުވެތިކޮށް އިންޑިއާގެ ބާރުގެ ދަށަށް ގެންދިއުމަށް ގޮވާލައި، ހިތަދޫ ރީޖަނަލް ހޮސްޕިޓަލުގައި މަސައްކަތް ކުރަމުންދާ ޑޮކްޓަރެއްގެ ނަމުގައި ހަދާފައިވާ ޓްވީޓާ އެކައުންޓަކީ ފޭކް އެކައުންޓެއް ކަމަށް އެ ހޮސްޕިޓަލުން ބުނެފި އެވެ.
ހިތަދޫ ރީޖަނަލް ހޮސްޕިޓަލުން ކުރި ޓްވީޓުގައި ބުނެފައިވަނީ، ހޮސްޕިޓަލުގައި މަސައްކަތް ކުރަމުން ދާ އިންޑިޔާގެ ޑޮކްޓަރެއް ކަމަށްވާ ޑރ. ޕްރަދީޕް ކަޓްވާލުގެ ނަމުގައި ހަދާފައިވަނީ ފޭކް އެކައުންޓެއް ކަމަށެވެ.
އެ އަކައުންޓު މެދުވެރިކޮށް ރާއްޖެއަށް ފާޑުކިޔާ ރާއްޖޭ އިންޑިޔާގެ ބާރު ދަށަށް ގެންދަން ޖެހޭ ކަމަށް ބުނެ އެކައުންޓުން ވަނީ ޓްވީޓް ކޮށްފައެވެ. އަދި މިކަން ވަރަށް ސީރިއަސް މައްސަލައެއްގެ ގޮތުގައި ބަލަމުންދާ ކަމަށް ހިތަދޫ ރީޖަނަލް ހޮސްޕިޓަލުން ބުނެއެވެ.
ޑރ. ޕްރަދީޕް ކަޓްވާލުގެ ނަމުގައި ހަދާފައިވާ ޓްވީޓާ އެކަންޓު ހަދާފައިވަނީ މިދިޔަ މަހު ތެރޭގައެވެ. އެ އެކައުންޓުގައި ޑރ. ޕްރަދީޕް ކަޓްވާލަކީ އިންޑިޔާއަށް ނިސްބަތްވާ ފަރާތެއް ކަމަށް ބުނެފައި އޮތަސް، އޭނާއަކީ ނޭޕާލް މީހެއް ކަމަށް މައުލޫމާތު ލިބެއެވެ. އަދި މިހާރު އެ އެކައުންޓް ވަނީ ޑިލީޓް ކޮށްފައެވެ.
ތީހަމަ ތެދު ޑިފެންސް މިނިސްޓަރ އިންޑިއާ ގޮވާލާފައި އޮތީވެސް ރާއްޖެ ހިފަން އަންނާށެވެ.