އިންޑިއާގެ އެކި ހިސާބުތަކަށް ކުރަމުންދާ ވިއްސާރާގައި ޕޫނާއާއި ޕޫނާ ކައިރި ހިސާބުތަކުގައި ފެންބޮޑުވުމުގެ ސަބަބުން ހިނގި އެކި ހާދިސާތަކުގައި މަރުވި މީހުންގެ އަދަދު 16 އަށް އަރައިފިއެވެ.
ޑިވިޝަނަލް ކޮމިޝަނާ އޮފް ޕޫނާ ޑިވިޝަން ދީޕަކް މަހޭސިކާރު އާންމު ކުރެއްވި ބަޔާނެއްގައިވާ ގޮތުން، ފެންބޮޑުވުމުގެ ސަބަބުން 28000 އަށްވުރެ ގިނަ އާއިލާއިން 132000 އަށްވުރެ ގިނަ މީހުން މިހާރު ވަނީ ރައްކާތެރި ހިސާބުތަކަށް ބަދަލުކުރެވިފައެވެ.
ބޯކޮށް ވާރޭ ވެހެމުން ދިއުމުގެ ސަބަބުން، ޕޫނާގެ ކައިރި ބައެއް ޑިސްޓްރިކްޓްތަކުގެ ސްކޫލްތަކާ ކޮލެޖުތަކުގެ ކިޔެވުންވެސް ވަނީ މެދުކަނޑާލާފައެވެ.
މި ދުވަސްވަރަކީ އިންޑިއާގެ އެކި ހިސާބުތަކަށް ގަދައަށް ވިއްސާރަކުރަމުންދާ ދަނޑިވަޅެކެވެ. މި ވިއްސާރާގައި އެކި ހިސާބުތަކުން ގިނަ ބައެއްގެ ފުރާނަ ގެއްލިފައިވާއިރު ގިނަ އަދަދެއްގެ ބަޔަކު ވަނީ ރައްކާތެރި ހިސާބުތަކަށްވެސް ބަދަލުކޮށްފައެވެ.
