ކާރަކާއި ސައިކަލެއް ޖެހި ހިނގި އެކްސިޑެންޓެއްގައި އަންހެނެއްގެ ފައި ފަޅައިގެން ހިނގައްޖެއެވެ.
މި ހާދިސާ ހިނގާފައި ވަނީ މިއަދު މެންދުނު 2:08 ހާއިރު ކަމަށް ފުލުހުން މައުލޫމާތުދެއެވެ. ފުލުހުން ބުނީ މި ހާދިސާ ހިނގާފައި ވަނީ ބްރިޖް ހައިވޭ އިން ހުޅުމާލެ އަށް ދަތުރުކުރި ކާރަކާއި ސައިކަލެއް ޖެހި ކަމަށެވެ.
ބްރިޖް ހައިވޭ ނިމޭ ހިސާބުގައި ހިނގި މި އެކްސިޑެންޓްގައި އަނިޔާވީ ސައިކަލުގައި ތިބި ދެ މީހުންނަށް ކަމަށް ފުލުހުން މައުލޫމާތުދެއެވެ. އެގޮތުން، ސައިކަލު ދުއްވަން އިން 55 އަހަރުގެ ފިިރިހެން މީހާ އާއި 52 އަހަރުގެ އަންހެން މީހާގެ ކޮނޑު މަށައިގެން ގޮސް އަނިޔާވެފައިވާ ކަމަށް ފުލުހުން ބުނާއިރު، ކާރު ދުއްވަން އިން އުމުރުން 43 އަހަރުގެ މީހާއަށް އެއްވެސް އަނިޔާއެއް ނުވާ ކަމަށް ވެސް ފުލުހުން ބުނެއެވެ.
މި ހާދިސާގައި އަނިޔާވި ދެ މީހުން ހުޅުމާލެ ހޮސްޕިޓަލަށް ގެންގޮސް ފަރުވާ ދީފައިވާ ކަމަށް ފުލުހުން މައުލޫމާތުދޭ އިރު، މި ހާދިސާގައި އަނިޔާވި އަންހެން މީހާގެ ފައި ގޭނިގެން ގޮސް ފަޅައިގެން ދިއުމުގެ ސަބަބުން ފައި ފަހާފައިވާ ކަމަށް އޭނާގެ އާއިލާއިން ބުނެއެވެ.
މި ހާދިސާ ފުލުހުން ތަހުގީގު ކުރަމުންދާއިރު، މި ހާދިސާގައި ހިމެނޭ ދެ އުޅަނދު ދުއްވި ދެ މީހުންގެ އަތުގައި ވެސް އެއްގަމު އުޅަނދު ދުއްވުމުގެ ލައިސެންސް އޮންނަ ކަމަށް ފުލުހުން ބުނެއެވެ.
ތީ ހާދަ ފިރިހެން ފައިތިލައެއް