މާލޭގެ ހެންވޭރު ސަރަހައްދުގައި ހުރި ގެއެއްގައި މިއަދު އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފުން ބުނީ، މި ހާދިސާ ރިޕޯޓްކޮށްފައި ވަނީ މިއަދު ހެނދުނު 11:11 ހާއިރު ކަމަށެވެ. އަލިފާނުގެ ހާދިސާ ހިނގާފައިވަނީ ސޯސަންމަގުގައި ހުންނަ ހ. ޓެންސްޓާ ނަމަކަށް ކިޔާ ގޭގެ ޓެރަސް ގައި ހުރި ކުޑަގެ ގަނޑެއްގައި ކަމަށް އެމްއެންޑީއެފުން ބުނެއެވެ. އަލިފާނުގެ ހާދިސާއިން މުޅި އެ ސަރަހައްދުގައި ވަނީ ދުންގަނޑު ފެތުރިފައެވެ.
އަލިފާން ނިއްވާލުމަށް އެމްއެންޑީއެފްގެ ފަޔާ އެންޑް ރެސްކިއު ޓީމުން މަސައްކަތްކޮށް އެ އަލިފާން ކޮންޓްރޯލްކޮށް އެއްކޮށް ނިއްވާލެވިފައި ވަނީ ހެނދުނު 11:35 ހާއިރު ކަމަށް އެމްއެންޑީއެފުން ބުނެއެވެ. މި ހާދިސާގައި އެއްވެސް މީހަކަށް ގެއްލުން ނުވާ ކަމަށްވެސް އެ އެމްއެންޑީއެފުން މައުލޫމާތު ދެއެވެ.
މި ހާދިސާ ހިނގަން މެދުވެރިވި ސަބަބު ފުލުހުން ދަނީ އިތުރަށް ބަލާ ތަހުގީގު ކުރަމުންނެވެ.
