ކުޑަދުވަސްކޮޅެއްގެ ތެރޭގައި ރިލީޒް ކުރުމަށް ހަމަޖެހިފައި ވާ "ރާމްބޯ" ފްރެންޗައިޒްގެ އެންމެ ފަހުގެ ފިލްމް "ރާމްބޯ: ލާސްޓް ބްލަޑް"އަކީ، އާދަޔާ ހިލާފަށް ބާރުގަދަ އަސްކަރީ މެމްބަރެއްގެ ރޯލުން ސިލްވެސްޓާ ސްޓެލޯން ފެނިގެންދާނެ އެންމެ ފަހު ފަހަރަށް ވުން އެކަށީގެން ވާކަމަށް ޚަބަރު ލިބިއްޖެއެވެ.
"ރާމްބޯ: ލާސްޓް ބްލަޑް"ގެ ޕޯސްޓަރު ރިލީޒް ކޮށްފައިވާ އިރު ސްޓެލޯންގެ އުމުރުން ދުވަސްވި ހެނެއް ހީއެއް ނުވެއެވެ.
މި ފިލްމުގެ ޓީޒާ ޓްރޭލާ އާންމު ކުރީ މިއަހަރުގެ މެއި މަހުގެ ފަހުކޮޅުގައެވެ.
މި ފިލްމަކީ އިސްރާއީލުގެ ފިލްމެއް ކަމަށްވާ "ދަ އައިސްމޭން"ގެ ރީބޫޓެއްގެ ގޮތުގައި އުފައްދަން އުޅުނު ފިލްމަކަށް ވީ ނަމަވެސް، އެކަން މިހާރު ވަނީ ބަދަލުވެފައެވެ. ނަމަވެސް މިފަހަރުގެ ފިލްމުވެސް ގަދަ "ތަޅާލުންގަނޑެއް" ފެނިގެން ދާނެ ކަމަށް މައުލޫމާތު ލިބެއެވެ.
"ރާމްބޯ: ލާސްޓް ބްލަޑް"، ސިނަމާތަކާ ހިސާބަށް އަންނާނީ، އަންނަ ސެޕްޓެމްބަރު މަހުގެ 20 ވަނަ ދުވަހުއެވެ.
