ހޮނިހިރު ދުވަހުގެ ހަވީރު ފައިމަގުގައި ހިނގާފައި އުޅޭ ވަގުތެއްގެ ގޮތުގައި މާލެސިޓީ ކައުންސިލުން ހަމަޖައްސައިފިއެވެ.
ސިޓީކައުންސިލުން ނެރުނު ސާކިއުލާއެއްގައި ބުނެފައިވަނީ އެ ދުވަހުގެ މެންދުރު 3:30 އިން ހަވީރު 6:30 އަށް ދުއްވާއެއްޗެހި ދުއްވުމަކީ މަނާކަމެއް ކަަމަށެވެ.
މާލެ ސިޓީ ކައުންސިލުން ބުނެފައިވަނީ މިއަހަރުގެ މިނިވަން ދުވަހުގެ މުނާސަބަތުގައި އެމްއެމްޑީއެފާއި ގައުމީ ކެޑޭޓް ކޯގެ ފަރާތުން ބައިވެރިވާ ހަތަރު ބޭންޑާއެކު ޖުމްލަ ފަސް ބޭންޑުގެ ރޫޓްމާޗާއި ޕެރޭޑް ހޮނިހިރު ދުވަހު މާލެސިޓީގެ މަގުތަކުގައި ބާއްވާ ގޮތަށް ހަމަޖެހިފައިވާ ކަމަށެވެ.
އަދި މިނިވަންދުވަހުގެ އުފާފާޅުކުރުމުގެ ގޮތުން މާލޭގެ މަގުތަކުގައި ބާއްވާ ޕެރޭޑާއި ރޫޓްމާޗް ބެލުމަށް ދޮށީ އުމުރުގެ މީހުންނާއި ކުޑަކުދިންނާއި ޒުވާނުންގެ ތެރެއިން ގިނަ އަދަދެއްގެ މީހުން މަގުމައްޗަށް ނުކުމެއުޅޭ ވަގުތުގައި މީހަކަށް ގެއްލުމަށް ލިބިދާނެކަމަށްޓަކައި އަދި ޕެރޭޑް ކުރިއަށްދާ އިރު ޓްރެފިކަށް ދިމާވެދާނެ މައްސަލަ ހައްލުކުރުމަށްޓަކައި މެންދުރު 3:30 އިން ހަވިރު 6:30 އަށް މާލެސިޓީގެ މަގުތަކުގައި ދުއްވާއެއްޗެހި ދުއްވުން މަނާވާނެ ކަަމަށެވެ.
