ކ. ގުޅީފަޅުގައި އަޅާފައި އޮތް "ސާހިބާ" ނަމަކަށް ކިޔާ މަސްވެރިކަން ކުރާ ދޯންޏެއްގެ ނަގިލި ނަގަން ފޭބި ބިދޭސީއަކު ގެއްލިގެން ހޯދަން ފަށައިފިއެވެ.
އެމްއެންޑީއެފުން ބުނީ ކޯސްޓްގާޑުގެ ޑައިވަރުން ގެއްލުނު މީހާ ހޯދުމުގެ މަސައްކަތް ކުރަމުން ދާކަމަށެވެ.
އެމްއެންޑީއެފުން ބުނީ މި ހާދިސާ ރިޕޯޓް ކޮށްފައި ވަނީ މިއަދު ހެނދުނު 08:50 ގައި ކަމަށެވެ. އަދި އެ ހާދިސާގައި ގެއްލިފައި ވަނީ ދޯނީގައި މަސައްކަތް ކުރާ ބިދޭސީ ފަޅުވެރިއެއް ކަމަށެވެ.
މި ހާދިސާ ހިނގި އިރު ދޯނީގައި ނުވަ މީހުން ތިބި ކަމަށާއި، އޭގެ ތެރެއިން އެކަކީ ބިދޭސީއެއް ކަމަށެވެ. އަދި ނަގިލި ނަގަން ފޭބި ފަހުން ގެއްލިގެން ހޯދަމުން ދަނީ ބިދޭސީ މީހާކަމަށް އެމްއެންޑީއެފުން ބުނެއެވެ.
