ރާއްޖޭގައި މިހާރު އޮތީ އެންމެ ސަރުކާރެއް ނޫން ކަމަށާ، ދެ ސަރުކާރެއް އެބައޮތް ކަމަށް ފޮނަދޫ ދާއިރާގެ ކުރީގެ މެންބަރު އަބްދުއްރަހީމް އަބްދުﷲ (އަދުރޭ) ވިދާޅުވެއްޖެއެވެ.
އިދިކޮޅު އިއްތިހާދުގައި ހިމެނޭ ޕީއެންސީގެ ރައީސްކަން ވެސް ކުރައްވާ އަދުރޭ ވިދާޅުވީ މިހާރު ފެނިގެން ދަނީ އެއް ސަރުކާރެއް ހިނގާތަން ނޫން ކަމަށާއި ދެ ސަރުކާރެއް ހިނގަމުންދާ ކަމަށެވެ. އެގޮތުން ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު މަޖިލިސް ހިންގަވަނީ ވަކި ސަރުކާރެއްގެ ގޮތަށް ކަމަށާއި، ރައީސް އިބްރާހިމް މުހައްމަދު ސޯލިހު ސަރުކާރު ހިންގަވަނީ ވަކިގޮތަކަށް ކަމަށެވެ.
އަދުރޭ ވިދާޅުވީ ނަހަމަގޮތުގައި މިއަށްވުރެ ބޮޑަށް ހިންގާ ސަރުކާރެއް ފެނިވަޑައިނުގަންނަވާ ކަމަށެވެ. އަދި މިއަށްވުރެ އަނިޔާވެރި ސަރުކާރެއް މި ރާއްޖޭގެ ތާރީހު ދެކެފައި ނެތް ކަމަށާއި، އެންމެ ބޭއިންސާފުން ކަންކުރަނީ ވެސް މި ސަރުކާރުން ކަމަށް އަދުރޭ ވިދާޅުވިއެވެ. އޭނާ ވިދާޅުވީ މިއަށްވުރެ ބޮޑަށް އާއިލީ ވެރިކަމެއް ކުރައްވަން މަސައްކަތް ކުރި ވެރިއަކު ވެސް ނެތް ކަމަށެވެ.
އަދުރޭ ވިދާޅުވީ އެންމެ ބޮޑަށް ކޮރަޕްޝަނަށް މަގުފަހިވާގޮތަށް މަސައްކަތް ކުރާ ސަރުކާރަކީ ރައީސް ސޯލިހުގެ ސަރުކާރު ކަމަށާއި، ސަރުކާރު އުފެދިގެން އަށް މަސްވީ އިރު ތަރައްގީއަށް ކުރެވުނު އެއްވެސް ކަމެއް ނެތް ކަމަށެވެ. ނަމަވެސް ސަރުކާރުގެ ބޭފުޅުންގެ ކުންފުނިތަކަށް ދޭންެޖެހޭ ފައިސާދީ ބަޖެޓް ހުސްވެއްޖެ ކަަމަށް އަދުރޭ ވިދާޅުވިއެވެ.
ނުކިޔަވާހުރި ކޮރަޕްޓް މީހާ ޤާނޫން ތިކަހަލަ މީހުންނާ އަރާ ހަމަކުރާނެ...ނުހައްޤު މުއްސަނދިކަމާއި މީހުންނަށް އަނިޔާކުރުން މިޤަުމުގަ ހުއްޓޭނީ ތިކަހަލަ ނުބައި މީހުންނަށްހައްގު އަދަބުދީގެން. ޢިންޝާﷲ އަދުރޭއަށް ޙައްޤު އަދަބު ލަހެެއްނުވެ ލިބޭނެ...