އަވަށްޓެރި އިންޑިއާގައި 6 ވަނައަށް އެންމެ ބޮޑު ސިޓީކަމަށްވާ ޗެންނާއީ (މެޑްރާސް)އިން ފެން ހުސްވެ، ހާލުގައި ޖެހިއްޖެއެވެ.
ޗެންނާއީއަށް ފެން ލިބެމުންދިޔަ 4 ރިޒަވޮޔާ ނުވަތަ ފެން އާރުތައް ހިނދި، ހުސްވެފައިވާކަމަށް ޚަބަރު ލިބެއެވެ.
ސަރުކާރުން ބަހައްޓާފައިވާ ފެން ތާނގީތައް ދޮށުގައި އާންމުން ގިނަ ވަގުތުތަކެއް ކިއު ހަދައިގެން ހޭދަކުރަމުންދާއިރު، ފެން ނުލިބިގެން ގިނަ ހޮޓާތަކާ ރެސްޓޯރަންޓްތައްވެސް މިހާރު ވަނީ ބަންދުކޮށްފައެވެ.
ޗެންނާއީގެ އޮފިޝަލަކު ވިދާޅުވީ، އެ ސިޓީއަށް މިހާރު ފެން ލިބެން އޮތް ހަމައެކަނި ގޮތަކީ ވިއްސާރަކޮޅެއް ވެހިގެން ކަމަށެވެ.
ޗެންނާއީ ފެނަށް ޖެހެމުން އަންނަތާ ހަފުތާތަކެއް ވެފައިވާއިރު، މިހާރު މުޅި ސިޓީއިންވެސް ފެން ނުލިބޭ ކަމަށް ޚަބަރު ލިބެއެވެ. މެޓްރޯ ސްޓޭޝަންތަކުން އެއާކޯންގެ ހިދުމަތްތައް ކަނޑާލާފައިވާއިރު، އޮފީސްތަކުގެ މުވައްޒަފުން ގޭގައި ތިބެގެން މަސައްކަތްކުރުމަށް ކަމާ ބެހޭ ފަރާތްތަކުން ވަނީ އަންގާފައެވެ.
ބޮޑު ސިޓީއެއް ފެނަށް ޖެހިފައިވާ އިޖުތިމާއީ ހަމަނުޖެހުންތައް އުފެދި، ތަޅާފޮޅުންތައްވެސް އިތުރުވަމުން އަންނަ ކަމަށް ޚަބަރު ލިބެއެވެ.
މޯދީ މާތާހިރެއްނު ގައުމުގެ މިފަދަ ކަންތައް ހައްލު ކުރިއްޔާ ކަން ދައްކަން އެހެން ގައުމުތަކަށް އެހީވުމުގެ ބަދަލުގަ އަބަދުވެސް ފެނަށްޖެހިފަ އޮންނަ ތަނެއް ތިޔަ އިންޑިއާ އަކީ