ކަލަންޑަރުން ފޮހެލި 2020
ނިމެމުން މިދާ އަހަރަކީ، ކަލަންޑަރުގައި ނުހިމެނޭ އަހަރެއްކަމުގައި އެތައްބަޔަކު ދަނީ ބުނަމުންނެވެ. ދުނިޔަވީ ހުރިހާ ދާއިރާއަކަށް ހުއްޓުން ގެނުވި އަހަރެއްގެ ގޮތުގައެވެ. އިޖުތިމާއީ، އިގުތިސޯދީ، ތައުލީމީ، ސިއްހީ އަދި ޖަމާއަތުގައި ކުރާ ދީނީ އަޅުކަމަށްވެސް ހުރަސް އެޅިގެން ދިޔައެވެ. "ދަޕްރެސް 2020" މި ހާއްސަ ކޮށްލަނީ ނިމެމުން މިދާ އަހަރުގެ ހަނދާން ތަކާއެކު 2021 އަށް ކުރާ އުއްމީދު އާކުރަމުންނެވެ.
ހާރިޖީ ސިޔާސަތުގައި އިންގިލާބީ ކުރިއެރުމެއް ލިބުނު އަހަރެއް
2020: ކަލަންޑަރުގައި ނުހިމެނޭ އަހަރެއް؟
"ވާނުވާ ބަންދެއް"ގައި ކުރަން ޖެހުނީ ތަފާތު ތަޖުރިބާ އެއް!
2020: އޮފީސް ބަދަލުވީ ގެއަށް، އާދަޔާ ހިލާފު ތަޖުރިބާއެއް!
ސިޔާސީ
ނިމެމުން މިދާ އަހަރަކީ، ކޮވިޑުގެ ބަލިމަޑުކަމާއެކު ނަމަވެސް ސިޔާސީ ގޮތުން އަޑިގުޑަން ބޮޑު އަހަރެކެވެ. ރާއްޖޭގައި މަސައްކަތް ކުރާ ބިދޭސީންގެ އަޑު ގަދަވުމާއި ބިދޭސީންގެ ހައްގުތަކަށް ވަކާލާތު ކުރަމުންނެވެ. ރާއްޖޭގެ ބާޒާރުގައި އޮންނަ ބިދޭސީންގެ ކޮންޓްރޯލް ވަރުގަދަ ކުރި އަހަރެއްގެ ގޮތުގައެވެ. ރެކޯޑް އަދަދަކަށް މަސްތުވާތަކެތި އަތުލި އަހަރެއްވެސް މެއެވެ. މަސްވެރިންނާއި މަތިންދާބޯޓު ދުއްވަން ދަސްކުރާ ކުދިންނަށް ހައްލެއް ހޯދައި ނުދެވި ނިމޭ އަހަރެކެވެ.
މަސްވެރިންގެ ދުވަސް: ބާނާ މަސްކޮޅު ނުކިރޭ، މިފްކޯއަށް ފަރުވާއެއް ނުދެވުނު!
ފްލައިން ސްކޫލް މައްސަލައިގައި އާންމުންގެ ފާޑުކިޔުން ސަރުކާރަށް!
"އިންޑިއާ އައުޓް" އަކީ އިދިކޮޅުގެ ފިކުރެއް ނޫން: ސުދީރު
ދުނިޔެ
ލޮލަށްވެސް ނުފެންނަ ކުޑަކުޑަ ވައިރަސް، މާ ސިންގާ ބޮޑު ދުނިޔެ ހުއްޓުމަށް ގެނައެވެ. ސްޕާ ޕަވަރުން ކުޑަކަކޫ މައްޗަށް ތިރި ކުރިއެވެ. ހަަތިރާރުގެ ވާދަވެރިކަމުގައި އޮތް ދުނިޔެ ހިމޭން ކޮށްލިއެވެ. ތެލުގެ އަގު ސުމަކަށް ތިރި ވިއެވެ. ނަސްލީ ތަފާތު ކުރުންތަކުގެ އަޑުގަދަވިއެވެ. ޗައިނާއާއި އިންޑިއާ އަދި އެމެރިކާގެ ކޯޅުންތަކަށްވެސް ހުރަސްތައް ކުރިމަތިވިއެވެ.
2020: މީގެ ކުރިން ދުނިޔެ ކޮށްފައިނުވާ ތަޖުރިބާތަކެއް!
ދުނިޔޭގެ ކަންކޮޅުތަކުން: 2020 ފަތަހަ ކުރި "ކަރަންޓީނު ޖާފަތް"
ކޮވިޑް-19 
އަހަރުގެ ފަހުކޮޅަށް އައިއިރު ރާއްޖޭގެ ކޮވިޑްގެ ހާލަތު ބޮޑުތަނުން ރަނގަޅު ވި ނަމަވެސް އަހަރު ނިމެން 2 ދުވަހަށް ވީ އިރު ރާއްޖޭގެ ކޮވިޑްގެ ގްރާފު މައްޗަށް މިސްރާބު ޖަހައިފިއެވެ. ކޮވިޑްގެ ކުއްލި ގިނަ ވުމެއް އައީ ދާދި ފަހުން ބޭއްވި ކައިވެނި ޕާޓީއަކަށް ފަހުއެވެ. ކޮވިޑަށް އޮތް ފަރުވާގެ ގޮތުގައި ދުނިޔެ ހޯދަމުން ދާ ވެކްސިން ރާއްޖެ އަންނާނެ ކަމަށް ކުރެވޭ އުއްމީދު އިތުރުވެގެން ގޮސްފައި ވާއިރު ކޮވިޑާ ގުޅިގެން އައި ލޮކްޑައުންއާއެކު ކުރިމަތިވި ނަފްސާނީ މައްސަލަތައްވެސް ރާއްޖޭގައި މިއަހަރު އިންތިހާއަށް ވަނީ ގޮސްފައެވެ.
"ރާއްޖޭގައި އުޅޭ އެންމެނަށް ކޮވިޑް ވެކްސިން ޔަގީން"
"ހުރީ އެންމެ 5 އެނދު، އިތުރު އެހީ ބޭނުންވޭ"20 އިން 20
1. ކޮވިޑް-19 އާ ބެހޭ މައުލޫމާތު ފޯރުކޮށް ދިނުމަށްޓަކައި ބޭއްވި ނޫސްވެރިންގެ ބައްދަލުވުމެއްގެ ތެރެއިން. 2020 އަހަރަކީ މީގެ ކުރިން ނުބާއްވާހާ ގިނަ އަދަދަކަށް ނޫސްވެރިންގެ ބައްދަލުވުންތައް ބޭއްވި އަހަރެއް. އެގޮތުން ކޮވިޑް-19ގެ މައުލޫމާތު ފޯރުކޮށް ދިނުމަށް ދުވާލަކު ދެފަހަރު ދަރުބާރުގޭގައި ނޫސްވެރިންގެ ބައްދަލުވުންތައް ބޭއްވި / ފޮޓޯ: ރައީސް އޮފީސް
2. މާލެ ސަރަހައްދުން ކޮވިޑް-19ގެ ޕޮޒިޓިވް ކޭހެއް ފުރަތަމަ ފަހަރަށް ފެނުނު ދުވަހު ރައީސް އިބްރާހިމް މުހައްމަދު ސޯލިހް ގައުމާ މުހާތަބު ކުރައްވާ ވާހަކަ ދެއްކެވުން. ގައުމާ މުހާތަބުކޮށް ވާހަކަ ދައްކަވަމުން ރައީސް ސޯލިހް ވަނީ ކީރިތި ކުރައްވާފައި / ފޮޓޯ: ލައިވްސްޓްރީމްގެ ސްކްރީންޝޮޓެއް
3. ޗައިނާގެ ވޫހާން ސިޓީގައި ކޮވިޑް-19 ފެތުރެމުން ދިއުމާ ގުޅިގެން އެ ސިޓީ ލޮކްޑައުން ކުރުމާއެކު، އެ ސިޓީގައި ތިބި 7 ދިވެހިން އިންޑިއާގެ އެހީއާއެކު މާލެ ގެނައުން. އެ 7 ދިވެހިން މާލެ ގެނެސްފައި ވަނީ އިންޑިއާގެ މަތިިންދާ ބޯޓެއްގައި އެ ގައުމަށް ގެންގޮސް އެ ގައުމުގައި 14 ދުވަހުގެ މުއްދަތަކަށް ކަރަންޓީނުކޮށް، ކޮވިޑް-19 އަށް ޓެސްޓު ކުރުމަށްފަހު / ފޮޓޯ: ދަ ޕްރެސް
4. ކޮވިޑް-19 ފެތުރުން ކޮންޓްރޯލް ކުރުމަށްޓަކައި މާލެ ސަރަހައްދު ލޮކްޑައުން ކުރުމުން މާލޭގެ މަގުތައް ހުސްވެފައި. މާލެ ސަރަހައްދުގައި ހިންގާ ކެފޭ ރެސްޓޯރެންޓްތައް ބަންދު ކުރި. މި ބަލި ފެތުރުން ކޮންޓްރޯލް ކުރުމަށްޓަކައި މިސްކިތްތަކާއި ސްކޫލުތައް ވެސް ވަނީ އެތައް މަހެއް ވަންދެން ބަންދުކޮށްފައި / ފޮޓޯ: ދަ ޕްރެސް
5. މާލެ ސިޓީ ލޮކްޑައުން ކޮށްފައި ވަނިކޮށް ބޭރުގައި އުޅުނު މީހަކު ފުލުހުން ހިފަހައްޓާފައި. ލޮކްޑައުންގައި ބޭރަށް ނިކުމެ އުޅުމަށް ފުލުހުން ދޭ ވަގުތީ ހުއްދަ އޭނާ އަތުގައި އޮތްތޯ ބެލުމަށް ފުލުހުން އެ ދަނީ ޗެކް ކުރަމުން / ފޮޓޯ ޕޮލިސް
6. ކޮވިޑް-19 އަށް ޓެސްޓު ކުރުމަށް ރެންޑަމް ސާމްޕަލް ނެގުން. 2020 ވަނަ އަހަރު ތެރޭގައި ރާއްޖޭގައި ވަނީ 3 ލައްކަ އަށް ވުރެ ގިނަ ސާމްޕަލް ނަގާފައި / ފޮޓޯ: ދަ ޕްރެސް
7. ކޮވިޑް-19އާ ހަނގުރާމަ ކުރަމުންދާ. މިއީ ހުޅުމާލެ މެޑިކަލް ފެސިލިޓީގެ އައިސީޔޫގައި ކޮވިޑް ބަލިމީހަކަށް ފަރުވާދޭ މަންޒަރު / ފޮޓޯ: އެޗްއީއޯސީ
8. ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު. ކޮވިޑް-19ގެ ސަބަބުން ގައުމު މާދުޖެިފައިވާ ދަނޑިވަޅުގައި ވެސް ރައްޔިތުންގެ މަޖިލިސް ވަނީ މަޑުޖެހުމެއް ނެތި ކުރިއަށް ގޮސްފައި / ފޮޓޯ: މަޖިލިސް
9. ކޮވިޑް-19އާ ހެދި ލޯކަލް ކައުންސިލް އިންތިހާބު ބޭއްވޭނެ ޖާގަ ނެތުމުން، ކައުންސިލް އިންތިހާބު ފަސް ކުރުމަށްޓަކައި ގާނޫނު އަސާސީ އިސްލާހު ކުރުމަށްްްްް ޖޫން 2 ވަނަ ދުވަހުގެ މެންދަމު ބޭއްވި ރައްޔިތުންގެ މަޖިލީހުގެ ޖަލްސާގައި ހިނގި ހަމަނުޖެހުން. ހަމަނުޖެހުން ހިނގާފައި ވަނީ އިދިކޮޅު މެންބަރަކު މަޖިލިސް ތަޅުމުން ބޭރު ކުރުމަށް ކުރި މަސައްކަތުގެ ތެރެއިން / ފޮޓޯ: ލައިވްސްޓްރީމްގެ ސްކްރީންޝޮޓެއް
10. ކޮވިޑާ ގުޅިގެން ރާއްޖޭގެ ވަޒީފާގެ ބާޒާރަށް ހުއްޓުން އައި ދަނޑިވަޅުގައި ރާއްޖޭގައި މަސައްކަތް ކުރާ ބިދޭސީން ރަށަށް ދާން ބޭނުންވެ، ދެވުން ލަސްވާތީ މާލެތެރޭގައި މުޒާހަރާ ކުރި. އަދި މާލެގައި ހުންނަ ބަންގްލަދޭޝްގެ އެމްބަސީ ކައިރިއަށް އެއްވެ އަޑުގަދަކޮސްފައި ވޭ. ބައެއް މީހުން އިހުތިޖާޖު ކުރުމަށް މަޖީދީ މަގު، ހީނާމާގެ ކައިރިއަށްވެސް އެއްވި / ފޮޓޯ: ދަ ޕްރެސް
11. ކޮވިޑްގެ ހާލަތު އައި އިރު ހެލްތް މިނިސްޓަރަކަށް ހުންނެވި އަމީން އާއި، ރާއްޖޭގައި ހުންނަ ޑަބްލިއުއެޗްއޯ ރެޕްރެޒެންޓޭޓިވް. އަމީން ހެލްތް މިނިސްޓަރު ކަމުގެ މަގާމުން ވަކި ކޮށްފައި ވަނީ ކޮވިޑް-19 ބަލި މީހުންނަށް ފަރުވާ ދިނުމަށް ބޭނުންވާ ވެންޓިލޭޓަރުތައް ރާއްޖެ ގެނައުމަށް ދުބާއީގެ ކުންފުންޏަކާ ހަވާލުކޮށް، ހިޔާނާތްވި ކަމަށް ތުހުމަތު ކުރެވޭ މައްސަލައެއްގައި، ދުބާއީ ކުންފުނި ހަމަޖެއްސުމުގައި ޑަބްލިއުއެޗްއޯގެ ރެޕްރެޒެންޓޭޓީވްގެ ދައުރު ބޮޑުކަންވެސް ވަނީ ހާމަވެފައި / ފޮޓޯ: އެންއީއޯސީ
12. ރޭޕް ކުރުމާއި ކުޑަކުދިންނަށް ޖިންސީ ގޯނާ ކުރުމާ ދެކޮޅަށް މާލެ ސިޓީގައި މުޒާހަރާ ކުރުން. މިފަދަ މުޒާހަރާތައް 2020 ވަނަ އަހަރުގެ ތެރޭގައި އެކި ފަހަރު މަތިން ކޮށްފައި ވޭ. މި މުޒާހަރާތައް ފަށާފައި ވަނީ ދެކުނުގެ ރަށެއްގައި އުމުރުން 2 އަހަރުގެ ކުއްޖަކަށް އެ ކުއްޖާގެ ކާފައާއި މުނި ކާފަ ޖިންސީ ގޯނަ ކުރުމުގެ ސަބަބުން / ފޮޓޯ: ދަ ޕްރެސް
13. ކޮވިޑާ ގުޅިގެން މާލެ ސަރަހައްދުގެ ސްކޫލުތަކާއި ކޮލެޖް ޔުނިވާސިތީތައް ބަންދު ކުރި. ނިއުނޯމަލްއަށް ފެށިގެން އައިއިރު ސްކޫލުތަކުގައި ގައިދުރުކަމާއެކު ކިޔައިވައިދޭން ގިނަ ތައްޔާރީތަކެއް ވި. އެ ތައްޔާރީތައް ކުރިއަށް ދިޔަ ގޮތް އެޑިއުކޭޝަން މިނިސްޓަރު ވަނީ ބައްލަވާލައްވައިފައި / ފޮޓޯ: އެޑިއުކޭޝަން
14. ޔުނައިޓެޑް ސްޓޭޓްސް އޮފް އެމެރިކާގެ ސްޓޭޓް ސެކްރެޓަރީ މައިކް ޕޮމްޕޭއޯ ރާއްޖެއަށް ކުރެއްވި ޒިޔާރާތުގެ ތެރެއިން ރައީސް އިބްރާހިމް މުހައްމަދު ސޯލިހާއެކު. މިއީ ފަހުގެ ތާރީހެއްގައި އެމެރިކާ ސަރުކާރުގެ އިސް އޮފިޝަލަކު ރާއްޖެއަށް ކުރެއްވި ފުރަތަމަ ދަތުރުފުޅު . ފޮޓޯ: ރައީސް އޮފީސް
15. އިދިކޮޅު ޕީޕީއެމް/ޕީއެންސީން، ކުރީގެ ރައީސް އަބްދުﷲ ޔަމީން މިނިވަން ކުރުމަށް ގޮވާލާ ކަނޑުމަތީގައި ބޭއްވި އިހުތިޖާޖު. ރާއްޖޭގައި ފުރަތަމަ ފަހަރަށް ކަނޑުމަތީގައި ސިޔާސީ ހަރަކާތެއް އިންތިޒާމް ކުރި ޕާޓީ އަކީ ޕީޕީއެމް / ފޮޓޯ: ޕީޕީއެމް
16. ހއ. ހޯރަފުށީ އެއާޕޯޓް ހުޅުވުން. މިއީ ރައީސް ސޯލިހްގެ ސަރުކާރުން އަމިއްލައަށް ފަށައިގެން ނިންމި ފުރަތަމަ އެއާޕޯޓް. މި އެއާޕޯޓް ހުޅުވުމުގެ ރަސްމިއްޔާތަށް އެޗްޕީއޭގެ ހާއްސަ ހުއްދައިގެ ދަށުން ރައީސް އިބްރާހިމް މުހައްމަދު ސޯލިހާއި، ހޯރަފުށީ ދާއިރާގެ މެންބަރު އަހްމަދު ސަލީމްގެ އިތުރުން ސަރުކާރުގެ އެހެނިހެން އިސްވެރިން ވަނީ ވަޑައިގެންފައި / ފޮޓޯ: ރައީސް އޮފީސް
17. އިންޑިއާގެ ކޮޗިނާއި ހދ. ކުޅުދުއްފުއްޓާ ދެމެދު އޮޕަރޭޓް ކުރަން ފެށި ކާގޯ ފެރީ. މިއީ ރާއްޖޭގެ ރަށަކުން ބޭރު ގައުމަކާ ދެމެދު ފެރީއެއް އޮޕަރޭޓް ކުރަން ފެށި ފުރަތަމަ ފަހަރު / ފޮޓޯ: ފޮރިން މިނިސްޓްރީ
18. ބޮޑުކަންނެލީގެ މަސްވެރިކަމާއި ދޮށީގެ މަސްވެރިކަމުގައި ހަރަކާތްތެރިވާ ފަރާތްތަކުން، މިފްކޯއަށް މަސް ނުކިރުވޭތީ އިހުތިޖާޖުކޮށް އަޑު އުފުލި. އަދި މަހަށް ހަމަ އަގު ނުލިބޭތީއާއި މަސްވެރިންނާ މެދު ސަރުކާރުން އަޅާލުން ކުޑަވެގެން ހިތްހަމަ ނުޖެހުން ފާޅުކުރަމުން ދިޔަ. ހަމަ އެހެންމެ ޑިސެމްބަރު 10 ވަނަ ދުވަހު ބޮޑުކަންނެލި މަސްވެރިންގެ ޔޫނިއަނުން ވަނީ 100 ދޯންޏާއެކު ކަނޑުމައްޗަށް ނުކުމެ އިހުތިޖާޖެއް ކޮށްފައި / ފޮޓޯ: ބޮޑުކަންނެލިިި މަސްވެރިންގެ ޔޫނިއަން
19. ރައީސް އިބްރާހިމް މުހައްމަދު ސޯލިހު ސިފައިންނާއި ފުލުހުންނާ ބައްދަލު ކުރެއްވީ ޖުލައި ގައި. އެ ބައްދަލުކުރެއްވުން ތަކުގައި ސަލާމަތީ ބާރުތަކަކުން ސަމާލުކަން ދޭންވީ ކަންކަމުގެ މައްޗަށް އަލިއަޅުއްވާލައްވާ ވާހަކަ ދެއްކެވި. ރައީސް ސަލާމަތީ ބާރުތަކާ ބައްދަލު ކުރެއްވި އިރު، ރައްޔިތުންގެ މަޖިލީހުން ސަލާމަތީ ބާރުތަކުގެ ވެރިން އެކި ފަހަރުމަތިން ހާޒިރުކުރި. އަދި އޭގެ ތެރެއިން ބައެއް ބައްދަލުވުންތަކުގައި، ރާއްޖޭގައި އުޅޭ ބިދޭސީންގެ އަދަދުގެ ގިނަކަމާއި އެއީ ގައުމީ ސަލާމަތަށް އޮތް ނުރައްކަލެއް ކަމަށް ސަލާމަތީ ބާރުތަކުން މަޖިލީހުގައި ބުނި / ފޮޓޯ: ރައީސް އޮފީސް
20. މާލޭގެ ލޮނުޒިޔާރަތްކޮޅުގައި ހަދާފައިވާ ލޮނުޒިޔާރަތް ޕާކް ހުޅުވީވެސް 2020 ގައި. އެތައްހާސް މާމެލާމެލިން ޒީނަތްތެރިކޮށްފައިވާ ޕާކް ހުޅުވުމުގެ ރަސްމިއްޔާތުގައި ރައީސުލްޖުމްހޫރިއްޔާގެ ދެކަނބަލުން ބައިވެރިވެވަޑައިގެން. މިހާރު މި ޕާކަށް 50،000 އަށް ވުރެ ގިނަ މީހުން ވަނީ ޒިޔާރަތް ކޮށްފައި / ފޮޓޯ: ރައީސް އޮފީސް
އެންމެ މަގުބޫލު
2020 ވަނަ އަހަރު "ދަޕްރެސް" ގައި 10،000 އާޓިކަލް ޕަބްލިޝް ކުރެވިފައި ވެއެވެ. އަހަރު ނިމެމުން ދާ އިރު 18 މިލިއަން ހިޓްސް ލިބިފައި ވެއެވެ. ކިޔުންތެރިންގެ މަގުބޫލުކަން ލިބިފައިވާ އެތައް އާޓިކަލެއް ހިމެނެއެވެ.
"ލިބެނީ ފަރުވާއެއް ނޫން، ނަފްސާނީ އަދި ޖިސްމާނީ އަނިޔާ!"
ފިތްކަނޑައިގެންދާ ވަރުގެ ވާހަަކަތަކެއް: ތިމަރަފުށީގައި ހަރުކަށި ފިކުރު މޫލައިފި!
ލަންކާ މުސްލިމުންގެ ނަމުގައި ދިވެހި ސަރުކާރަށް ވަރުގަދަ މެސެޖެއް
ކޮވިޑް މަރު 42: އެޗްޕީއޭއިން ވި އިހުމާލު ދަރިފުޅުގެ ދުލުން
ސުދޭސްގެ ރާގަށް ޤުރުއާން ކިޔަވާ ދިވެއްސަކަށް އާންމުންގެ ކަންފަތް!
ހިކިކަމުން ބުލީގެ ޝިކާރައަކަށް ވި ދިވެހި ޒުވާނެއްގެ އާދޭސް: ހިއްކަސް ބުލީ ނުކުރޭ
ދިރާސީ އަހަރު ބަދަލު ކުރަނީ އަންނަ އަހަރަށް އެކަނި: މިނިސްޓަރު
ކޮވިޑް-19 އެލާޓާއެކު 'ވަގު' ލޯބިވެރިންތަކެއްގެ ވާހަކަ ފެންމަތިވެއްޖެ!
ކޮވިޑް-19: އިންގިލާބީ ފަރުވާއެއް، 73 މީހުން މުޅިން ރަނގަޅުވެއްޖެ
އުންމީދާއެކު 2021
އެތައްބައެއްގެ ހިތްތަކަށް މޮޅިވެރިކަމާއި ގިލަންވެރިކަން ގެނައި 2020 މިއަދު ނިމޭ އިރު 2021 އަށް މަރުހަބާ ކިޔަނީ އުންމީދުތަކަކާއެކުއެވެ. އެތައް އަހަރެއްގެ ފަހަށް ސޮއްސާލި 2020 ހަނދާން ނައްތާލުމަށް ފަހު، ހިންދެމިލުމުގެ އުންމީދުތަކާއެކުއެވެ. އިގްތިސޯދީ، އިޖުތިމާއީ، ސިއްހީ، ތައުލީމީ އަދި އުމްރާނީ ވަސީލަތްތަކުގެ ދާއިރާއިން ކުރެވޭ ފޮނި އުންމީދުތަކާއެކުއެވެ. 2021 ގެ ބަޖެޓުން އެ އުންމީދުތައް ހާސިލު ވުމަށް އެދިގެން ތިވެއެވެ.
ސިއްހަތު
4,055
މިލިއަން ރުފިޔާ
އިގުތިސާދީ އަދި ސިނާއީ ކުރިއެރުވުމަށް
7,030
މިލިއަން ރުފިޔާ
ތައުލީމު
7,030
މިލިއަން ރުފިޔާ
ގެދޮރު އިމާރާތްކުރުމާއި ޖަމާއަތުގެ ފައިދާއަށްޓަކައި
2,408
މިލިއަން ރުފިޔާ
އިޖުތިމާއީ ރައްކާތެރިކަން
3,702
މިލިއަން ރުފިޔާ
ތިމާވެށި ރައްކާތެރިކުރުން
1,856
މިލިއަން ރުފިޔާ
ދިފާއީ ކަންތައްތައް ބެލެހެއްޓުން އަދި އަދުލު އިންސާފާއި އަމަންއަމާންކަން ޤާއިމުކުރުން
1,431
މިލިއަން ރުފިޔާ
ރައްޔިތުންނަށް ދެވޭ އާންމު ޚިދުމަތާއި، އިޖުތިމާއީ އަދި ދީނީ ޚިދުމަތް
6,485
މިލިއަން ރުފިޔާ
