The Press - The first political news website in Maldiveshttps://thepress.mven-usCopyright (C) 2026 thepress.mv https://thepress.mv/public/images/logo.png https://thepress.mv 512 220 ގަތަރުގެ އަމީރު، ތަމީމް ބިން ހަމަދު އާލް ޘާނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުއާ ބައްދަލުކުރައްވައިފިއެވެ. މިއަދު މެންދުރުފަހު ގަތަރުގެ ވެރިރަށް ދޯހާގައި ހުންނަ ލޫސައިލް ގަނޑުވަރުގައި ކުރިއަށްގެންދިޔަ މި ބައްދަލުކުރެއްވުމުގައި ރައީސުލްޖުމްހޫރިއްޔާ ވަނީ، ގަތަރުގެ ކުރީގެ އަމީރު، ހަމަދު ބިން ހަލީފާ އާލް ޘާނީ އަވަހާރަވުމާ ގުޅިގެން، ދިވެހި ރައްޔިތުންގެ ނަމުގައްޔާއި އެމަނިކުފާނުގެ އަމިއްލަފުޅު ނަންފުޅުގައި ގަތަރުގެ އަމީރަށާއި އެ ގައުމުގެ ރައްޔިތުންނަށް އިހްލާސްތެރި ތައުޒިޔާ ވިދާޅުވެފައެވެ. މި ބައްދަލުވުމުގައި ދެ ބޭފުޅުން ވަނީ ދިވެހިރާއްޖެއާއި ގަތަރާ ދެމެދު އޮންނަ ޒަމާންވީ ގުޅުމާ ބެހޭގޮތުން ފުޅާ ދާއިރާއެއްގައި މަޝްވަރާކުރައްވާފައެވެ. އަދި ދެ ގައުމުގެ ދެމެދުގައި އޮތް ބަދަހި ގުޅުން ކުރިމަގުގައި އިތުރަށް ހަރުދަނާކޮށް، ތަރައްގީގެ އެކި ދާއިރާތަކުން އެއްބާރުލުން ދިނުމާ ގުޅޭ ގޮތުން ދެ ބޭފުޅުން ވެސް ވާހަކަފުޅު ދައްކަވާފައި ވެއެވެ. ރައީސް މުއިއްޒު ގަތަރަށް ކުރައްވާ މި ދަތުރުފުޅަކީ، ގަތަރުގެ ކުރީގެ އަމީރު ރާއްޖެއަށް ދެއްވާފައިވާ ފާހަގަކޮށްލެވޭފަދަ އެހީތެރިކަމާއި ބަހައްޓަވާފައިވާ ގާތްކަން... https://thepress.mv/167217 https://thepress.mv/167217 Mon, 13 Jul 2026 23:42:30 +0500 މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އިން ކަނޑުއޮތްގިރި ފިޝް ވިލެޖުގައި ހިކިމަސް ކާރުހާނާއަކާއި އައިސް ޕްލާންޓެއް ހުޅުވައިފިއެވެ. މިއަދު ހަވީރު ކަނޑުއޮތްގިރީގައި ބޭއްވި ރަސްމިއްޔާތެއްގައި ހިކިމަސް ކާރުހާނާއާއި އައިސް ޕްލާންޓް ރަސްމީކޮށް ހުޅުވައިދެއްވީ މިނިސްޓްރީ އޮފް ފިޝަރީޒް، އެގްރިކަލްޗާ އެންޑް އޯޝަން ރިސޯސަސްގެ ސްޓޭޓް މިނިސްޓަރު މުހައްމަދު މުއްތަލިބެވެ. މި ރަސްމިއްޔާތުގައި މިފްކޯގެ ޗީފް އެގްޒެކެޓިވް އޮފިސާ އަދި މެނޭޖިންގް ޑިރެކްޓަރު މުހައްމަދު އަނަސް އާއި، ފިޝަރީޒް މިނިސްޓްރީއާއި މިފްކޯގެ އިސްވެރިން ވަނީ ބައިވެރިވެވަޑައިގެންފައެވެ. އެ ރަސްމިއްޔާތަށް ފަހު މީޑިއާއަށް މައުލޫމާތު ދެއްވަމުން މިފްކޯގެ ސީއީއޯ މުހައްމަދު އަނަސް ވިދާޅުވީ މިއީ މިފްކޯގެ ލޯކަލް ޕްރޮޑަކްޝަން ނުވަތަ ގައުމީ ބާޒާރަށް ހާއްސަކޮށް އުފައްދާ އުފެއްދުންތައް ފުޅާކުރުމަށް އެޅުނު މުހިންމު ފިޔަވަޅެއް ކަމަށެވެ. އަދި މާލެއާ ކައިރިން މިފަދަ ހިދުމަތެއް ފެށުމުން މާލެ ސަރަހައްދުގެ ފިހާރަތަކަށް މިފްކޯގެ އުފެއްދުންތައް ނެރުމުގައި ދިމާވާ ދަތިތަކަށް ވަރަށް ބޮޑު ލުޔެއް ލިބިގެންދާނެ ކަމަށް ވެސް އަނަސް... https://thepress.mv/167216 https://thepress.mv/167216 Mon, 13 Jul 2026 20:52:26 +0500 ހިމަބިއްސަށް ޕޮޒިޓިވްވި ދިވެހި ޒުވާނަކު ނިޔާވެއްޖެއެވެ. "ދަ ޕްރެސް" އަށް މައުލޫމާތު ލިބިފައިވާ ނިޔާވެފައިވަނީ އިބްރާހީމް ދިޔާޝް ރަޝީދު، ޑްރީމީލައިޓް، ގދ. ފިޔޯރީ (24އ)އެވެ. މިކަމާ ގުޅިގެން ފިޔޯރީއިން ވާހަކަ ދެއްކި ބޭފުޅަކު ވިދާޅުވީ އޭނާ ހިމަ ބިއްސަށް ޕޮޒިޓިވްވެފައި ވަނީ މިދިޔަ މަހު ކަމަށާއި، ނިޔާވީ ހުޅުމާލެ ހޮސްޕިޓަލުގައި ފަރުވާ ދެމުން ދަނިކޮށް ކަމަށެވެ. މި ބައްޔާ ގުޅޭ އެންމެ ފަހުގެ މައުލޫމާތު ހިއްސާކުރަމުން އެޗްޕީއޭއިން ބުނީ، ވޭތުވެދިޔަ ހަފްތާގައި ހިމަބިހީގެ 55 ކޭސް މާލޭ ސަރަހައްދުން ފެނި، މިއަހަރުގެ މިހާތަނަށް ހިމަބިހި ޖެހުނު މީހުންގެ އަދަދު 121 އަށް އަރާފައިވާ ކަމަށެވެ. އެޗްޕީއޭއިން އާންމުކުރި މައުލޫމާތުން އިނގޭ ގޮތުގައި މިހާތަނަށް 5،495 މީހުންނަށް ވަނީ ހިމަބިހީގެ ވެކްސިން ދީފައެވެ. ހިމަބިހީގެ ދެ ޑޯޒް ފުރިހަމަ ކޮށްފައިވާކަން ޔަގީން ނުވާ ފަރާތްތަކުން ކަނޑައެޅިފައިވާ ވެކްސިންދޭ މަރުކަޒުތަކަށް ގޮސް ވެކްސިން ފުރިހަމަ ކުރުމަށް އިލްތިމާސްކޮށްފައިވާއިރު ބަލިޖެހިފައިވާ މީހަކާއި ގާތުން އެއްތާވި ފަރާތްތަކަށް ހުޅުމާލޭ ހޮސްޕިޓަލް ނުވަތަ އާބަސް... https://thepress.mv/167215 https://thepress.mv/167215 Mon, 13 Jul 2026 19:05:27 +0500 އަދަދު ނޫހުން ދެއްކި ކޮންޓެންޓަކާ ގުޅިގެން ކްރިމިނަލް ކޯޓުން ނެރުނު ގެގް އޯޑަރު، މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) އަށް އިސްތިއުނާފު ނުކުރެވޭނެ ކަމަށް ބުނެ ހައިކޯޓުން ބޭރު ކޮށްލުމަށް ރަޖިސްޓްރާ ނިންމި ނިންމުން ގޯސްކަމަށް އެ ކޯޓުން ކަނޑައަޅައިފިއެވެ. އެ މައްސަލަ ހައި ކޯޓުގައި އެންމެ ފުރަތަމަ އިސްތިއުނާފްކުރަން ހުށަހެޅީ މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ)އިންނެވެ. ނަމަވެސް އެމްޖޭއޭއިން ހުށަހެޅި އެ މައްސަލަ އިސްތިއުނާފްކުރުމުގެ ހައިސިއްޔަތެއް ނެތް ކަމަށް ބުނެ ބޭރުކޮށްލުމާއެކު، އެ ނިންމުން މުރާޖައާ ކޮށްދިނުމަށް އެދި ނޫސްވެރިންގެ ޖަމިއްޔާއިން ވަނީ ހުށަހަޅާފައެވެ. ހައިކޯޓުގެ އިސްފަނޑިޔާރު އަބްދުﷲ ޖަމީލް މޫސާ އަދި ދީބާނާޒް ފަހުމީ އަދި އިބްރާހީމް މާހިރު ހިމެނޭ ބެންޗަކުން އެ ނިންމުން ރިވިއު ކުރެެއްވުމަށް ފަހު، އެ މައްސަލަ ހައިކޯޓަށް ބަލައިގަންނަން ފެންނަ ކަމަށް، ފަނޑިޔާރުންގެ އަޣުލަބިއްޔަތުން މިއަދު ވަނީ ނިންމަވާފައެވެ. މައްސަލަ ބަލައިގަންނަން ނުފެންނަ ކަމަށް ނިންމެވީ، ފަނޑިޔާރު ދީބާނާޒްއެވެ. އަނެއް ދެ ފަނޑިޔާރުން ނިންމެވީ މައްސަލަ... https://thepress.mv/167214 https://thepress.mv/167214 Mon, 13 Jul 2026 20:56:03 +0500 ރައީސުލްޖުމްހޫރިއްޔާ ޑރ. މުހައްމަދު މުއިއްޒުއާ ބައްދަލުކުރަން ބޭނުންވާ ފަރާތްތަކަށް، ވީހާވެސް ފުޅާ ދާއިރާއެއްގައި އެ ފުރުސަތު ދިނުމަށް ފަށްޓަވާ "ރައްޔިތުންގެ އަޑު" ސިލްސިލާ ބައްދަލުވުންތަކުގައި ބައިވެރިވުމަށް ނަން ނޯޓުކުރުމުގެ ފުރުސަތު ރައީސް އޮފީހުން ހުޅުވާލައިފިއެވެ. ރައްޔިތުންނާ ވަކިވަކިން ބައްދަލުކުރައްވައި، އެފަރާތްތަކުގެ ކަންބޮޑުވުންތައް ސީދާ ގާތުން އަޑުއެއްސެވުމަށްޓަކައި ހާއްސަ ޕްރޮގްރާމެއް ފަށްޓަވަން ނިންމަވާފައިވާކަން ރައީސް ހާމަކުރެއްވީ ޕޮޑްކާސްޓެއްގައި ވާހަކަ ދައްކަވަމުން މިދިޔަ ޖޫން މަހުގެ ފަހުކޮޅުއެވެ. ރައްޔިތުންގެ ޝަކުވާތަކަށް ސަރުކާރުން އިޖާބަ ނުދޭ ކަމަށް ބުނެ އިދިކޮޅު ފަރާތްތަކުން ފަތުރާ ވާހަކަތައް ދޮގުކުރައްވަމުން ރައީސް އޭރު ވިދާޅުވީ، ރައްޔިތުން އެކި ގޮތްގޮތުން ހުށަހަޅާ މައްސަލަތައް ބަލައި، އެކަންކަމަށް ހައްލު ހޯދައިދިނުމަށް ކޮންމެ ހަފުތާއަކުވެސް އެއް ދުވަސް ނުވަތަ ދެ ދުވަސް ރައްޔިތުންނާ ބައްދަލުކުރެއްވުމުގެ މަސައްކަތް ކުރިއަށްދާ ކަމަށެވެ. އެކަމާ ގުޅޭ އެންމެ ފަހުގެ މައުލޫމާތު ހިއްސާ ކުރަމުން މިއަދު ރައީސް އޮފީހުން ބުނީ، މުޅި ރާއްޖެއަށް ހުޅުވާލައިގެން ކުރިއަށްގެންދިއުމަށް ހަމަޖެހިފައިވާ މި ބައްދަލުވުންތަކުގެ... https://thepress.mv/167213 https://thepress.mv/167213 Mon, 13 Jul 2026 19:10:20 +0500 ބޮޑުމިނުގައި 1.2 ކިލޯގްރާމާއި 1.5 ކިލޯގްރާމާ ދެމެދު ހުންނަ އިންސާނާގެ ސިކުނޑިއަކީ އިންތިހާއަށް އޮޅުންބޮޅުން ބޮޑު ގުނަވަނެކެވެ. ވޭތުވެދިޔަ ގަރުނެއްހާ ދުވަހުގެ ތެރޭގައި، ސައިންސްވެރިން މި ގުނަވަން ދިރާސާކުރަމުން އައީ ކުރީ ޒަމާނުގެ މީހުން ނޭނގޭ ބިންތަކުގެ ޗާޓު ކުރަހަމުން އައި އުސޫލުންނެވެ. އެކި ދިމަދިމާލުން ފެންނަ ކުދިކުދި މަންޒަރުތައް ގުޅުވައިގެންނެވެ. ހާވާޑް މެޑިކަލް ސްކޫލް އަދި ނިއުޔޯކް ޔުނިވާސިޓީއާ ގުޅިގެން މަސައްކަތްކުރައްވާ ނިއުރޯޕެތޮލޮޖިސްޓް ރެބެކާ ފޯލްކާރތް ވިދާޅުވި ގޮތުގައި، އޭނާގެ މަސައްކަތް ފައްޓަވަނީ މުޅި ސިކުނޑި ހަމަލޮލަށް ބަލައިގެންނެވެ. އޭގެ ފަހުން މައިކްރޯސްކޯޕްގެ ދަށުން ކުދިކުދި އެތިކޮޅުތައް ބައްލަވައެވެ. އަލްޒައިމާސް ފަދަ ބަލިތައް ދެނެގަތުމަށްޓަކައި 86 ބިލިއަން ނިއުރޯން އެކުލެވޭ މި ބޮޑު ގުނަވަނުން ބަލައިލެވެނީ އެންމެ 15 ނުވަތަ 20 ވަރަކަށް ސެކްޝަނެވެ. މިއީ މުޅި ގުނަވަނުގެ އެންމެ އިންސައްތައަކަށް ވުރެ ވެސް ކުޑަ މިންވަރެކެވެ. މިކަމުގެ ސަބަބުން ސިކުނޑީގެ ބޮޑު ބައެއް އޮންނަނީ ނުފެނިއެވެ. ނަމަވެސް އިންޑިއަން އިންސްޓިޓިއުޓް... https://thepress.mv/167210 https://thepress.mv/167210 Mon, 13 Jul 2026 16:52:15 +0500 ދުނިޔޭގެ ތެލުގެ ވިޔަފާރީގެ އެންމެ މުހިންމު އެއް މަގު ކަމަށްވާ ހޮރުމުޒް ކަނޑުއޮޅި ހަނގުރާމައިގެ މައިދާނަކަށް ބަދަލުވުމުން ދެން ވާނީ ކިހިނެއް ހެއްޔެވެ؟ މިއީ މިއަދު މެދުއިރުމަތީގެ މަސްރަހުން ފެންނަމުންދާ މަންޒަރާ މެދު އުފެދޭ އެންމެ ބޮޑު ސުވާލެވެ. އެމެރިކާއާއި އީރާނާ ދެމެދު އުފެދިފައިވާ ނުތަނަވަސްކަން އިތުރުވެ، ދެ ގައުމުން ބަދަލުކުރަމުންދާ ހަމަލާތަކުގެ ސަބަބުން މުޅި ސަރަހައްދުގެ ސަލާމަތަށް ވަނީ ބޮޑެތި ގޮންޖެހުންތަކަކާ ކުރިމަތިވެފައެވެ. އަލްޖަޒީރާއިން ރިޕޯޓުކޮށްފައިވާ ގޮތުގައި، އީރާނުގެ އިސްލާމިކް ރިވޮލިއުޝަނަރީ ގާޑް ކޯޕްސް (އައިއާރްޖީސީ) އިން ވަނީ ބަހްރޭން، ކުވައިތު، އުރުދުން އަދި އޮމާނުގައި ހުރި އެމެރިކާގެ އަސްކަރީ އަމާޒުތަކަށް ވަރުގަދަ ހަމަލާތަކެއް ދީފައެވެ. އީރާނުން ދިން ކުއްލި ހަމަލާތަކަކީ އެމެރިކާއިން އެ ގައުމަށް ދިން ހަމަލާތަކުގެ ރައްދުގައި ދިން ހަމަލާތަކެއް ކަމަށް އައިއާރްޖީސީން ބުނެފައިވެއެވެ. އޮމާނުގައި ހުރި ދުރު ރާސްތާގެ ރޭޑަރުތަކާއި އުޅަނދުފަހަރު ދެނެގަންނަ ރޭޑަރުތައް ހަލާކުކޮށްލާފައިވާ ކަމަށް އީރާނުން ބުނެއެވެ. މީގެ އިތުރުން، ބަހްރޭންގެ ޖުފެއިރުގައި ހުރި... https://thepress.mv/167209 https://thepress.mv/167209 Mon, 13 Jul 2026 16:43:17 +0500 އައްޑޫ ސިޓީގައި މަސްތުވާތަކެތި ބޭނުންކުރުމުގެ ހިދުމަތް ދެމުންދާކަމުގެ ތުހުމަތުގައި، ސ. މަރަދޫ، ބޯޅަދަނޑުގެ ބަންދުކުރަން މަރަދޫ މެޖިސްޓްރޭޓް ކޯޓުން އަމުރު ނެރެފިއެވެ. މި އަމުރު ނެރެފައިވަނީ ޖުލައި 12 ވަނަ ދުވަހުން ފެށިގެން 90 ދުވަހަށެވެ. މަސްތުވާތަކެއްޗާ ބެހޭ ގާނޫނުގެ ދަށުން ނެރުނު މި އަމުރަކީ، މަސްތުވާތަކެތި ބޭނުންކުރުމުގެ ހިދުމަތްދޭ ތަނެއް ބަންދުކުރުމަށް މަރަދޫ މެޖިސްޓްރޭޓް ކޯޓުން ނެރުނު ފުރަތަމަ އަމުރެވެ. އަދި މިއީ އައްޑޫ ސިޓީގައި މިފަދަ ތަނެއް ބަންދުކުރުމަށް ނެރުމަށް ނެރުނު 3 ވަނަ އަމުރެވެ މި ކޯޓު އަމުރުގެ ދަށުން މިގޮތަށް ބަންދުކުރާ ތަންތަނަށް، އެ އަމުރުގެ މުއްދަތުގައި ހުއްދަނެތި ވަދެނުކުމެ ހެދުމަކީ ގާނޫނީ ކުށެކެވެ. މިފަދަ ތަންތަނަށް ހުއްދަނެތި ވަންނަ ފަރާތްތަކާއި، އެ ތަންތަނަށް އެކި ގޮތްގޮތުން ގެއްލުންދޭ ފަރާތްތަކާމެދު ގާނޫނީ ފިޔަވަޅު އަޅާނެކަމަށް ފުލުހުން ވަނީ ބުނެފައެވެ. މީގެ އިތުރުން ފުލުހުން ބުނީ މަސްތުވާތަކެއްޗާ ބެހޭ ގާނޫނުން ފުލުހުންނަށް ލިބިދީފައިވާ ބާރުތަކުގެ ދަށުން، ފުލުހުން ކުރަމުންދާ މަސައްކަތް... https://thepress.mv/167208 https://thepress.mv/167208 Mon, 13 Jul 2026 16:14:35 +0500 މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން އަދާކުރަންޖެހޭ މަސްއޫލިއްޔަތުތަކަށް ހުރަސްއަޅާފައިވާ ކަމަށް ކަނޑައަޅައި، ރައީސުލްޖުމްހޫރިއްޔާގެ އޮފީސް 2,000 ރުފިޔާއިން ޖޫރިމަނާކުރުމަށް އިންފޮމޭޝަން ކޮމިޝަނަރުގެ އޮފީހުން މިއަދު ނިންމައިފިއެވެ. މި ނިންމުން ނިންމެވީ އިންފޮމޭޝަން ކޮމިޝަނަރު އަހުމަދު އާހިދު ރަޝީދު މިއަދު ބޭއްވެވި އާންމު އަޑުއެހުމެއްގައެވެ. ކޮމިޝަނުން މި ފިޔަވަޅު އެޅީ، ރައީސް އޮފީހުން މައުލޫމާތު ހޯދުމަށް އެދި އާންމުން ހުށަހެޅި ފަސް މައްސަލައެއްގައި، ގާނޫނުގައި ބަޔާންކުރާ މުއްދަތު ހަމަވިއިރުވެސް އެއްވެސް ޖަވާބެއް ދީފައި ނުވާތީއެވެ. ކޮމިޝަނަރު އާހިދު ފާހަގަކުރެއްވި ގޮތުގައި، ކަނޑައެޅިފައިވާ މުއްދަތުގައި މައުލޫމާތު ފޯރުކޮށްނުދިނުމުގެ އިތުރުން، ކޮމިޝަނުން އެންގި އެންގުންތަކަށް ވެސް އެ އޮފީހުން އިޖާބަދީފައެއް ނުވެއެވެ. މިއީ ކޮމިޝަނަރުގެ ގާނޫނީ ވާޖިބުތައް އަދާކުރުމަށް ކުރިމަތިކުރި ހުރަހެއްގެ ގޮތުގައި އޭނާ ސިފަކުރެއްވިއެވެ. މީގެ އިތުރުން، މި މައުލޫމާތުތައް ދިނުމަށް 45 ދުވަހަށް ވުރެ އިތުރަށް ލަސްވެއްޖެނަމަ، އެ އޮފީހުގެ އިންފޮމޭޝަން އޮފިސަރުގެ މައްޗަށް ދައުވާކުރުމަށް ފޮނުވާނެ ކަމުގެ އިންޒާރުވެސް މިއަދު ވަނީ... https://thepress.mv/167207 https://thepress.mv/167207 Mon, 13 Jul 2026 16:13:00 +0500 ހދ. މަކުނުދޫ އެއާޕޯޓް އެޅުމަށް ބޭނުންވާ ބިން ހިއްކުމުގެ މަސައްކަތް ނިމި، ހިއްކި ސަރަހައްދު ހިމާޔަތްކުރުމަށް ކުރިއަށްގެންދިޔަ ޝޯ ޕްރޮޓެކްޝަން (ތޮށިލުން) ގެ މަސައްކަތް ވަގުތީގޮތުން މަޑުޖައްސާލައިފިއެވެ. މި މަސައްކަތް މަޑުޖައްސާލަން ޖެހުނީ، ތޮށިލުމުގެ މަސައްކަތް ކުރިއަށްދާ ވަގުތު ރަށުތެރެއަށް އަރާ ގުޑުމުގެ ސަބަބުން ރަށުގެ ބައެއް ގެތަކަށް ގެއްލުން ލިބެމުންދާ ކަމުގެ ޝަކުވާ ރައްޔިތުންގެ ފަރާތުން ލިބުމާ ގުޅިގެން ކަމަށް ހައުސިން މިނިސްޓަރު ޑރ. އަބްދުއްލާ މުއްތޮލިބު މިއަދު ވިދާޅުވި އެވެ. ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަދައްކަވަމުން މިނިސްޓަރު ވިދާޅުވީ، މަސައްކަތް މަޑުޖައްސާލުމަށްފަހު މިހާރު އެކަމާ ގުޅޭ އެސެސްމެންޓެއް ހެދުމުގެ ކަންކަން ކުރިއަށްދާ ކަމަށެވެ. އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއުގެ ދަށުން ބިން ހިއްކުމުގެ މަސައްކަތް އެކުންފުނިން މިހާރު ވަނީ އެއްކޮށް ނިންމާފަ އެވެ. މީގެ އިތުރުން އެއާޕޯޓުގެ އިންފްރާސްޓްރަކްޗާ ބިނާކުރުމުގެ މަސައްކަތް ވެސް އެމްޓީސީސީން މިހާރު ފަށާފައިވާކަން ފާހަގަކުރައްވަމުން މިނިސްޓަރު ވިދާޅުވީ އެ މަސައްކަތް ވީހާވެސް އަވަހަކަށް ނިންމުމަށް މަސައްކަތް... https://thepress.mv/167205 https://thepress.mv/167205 Mon, 13 Jul 2026 15:40:04 +0500 މާލޭ ވިޔަފާރި ބަނދަރަށް ދިމާވެފައިވާ ތޮއްޖެހުމުގެ މައްސަލައަށް ހައްލެއް ހޯދުމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ކުރަމުންދާ މަސައްކަތުގެ ދަށުން، ތިލަފުށީގައި އަލަށް ތަރައްގީކުރި ބަނދަރުގައި މުދާ ބޭލުމާއި ބަރުކުރުމުގެ މަސައްކަތް ކުރިއަށް ދާކަމަށް ބުނެފިއެވެ. މި މަސައްކަތުގެ ދަށުން، އިއްޔެ ވަނީ "އެމްވީ ސެލެސްޓިއާ" ނަމަކަށް ކިޔާ މުދާ އުފުލާ ބޯޓަކުން ކޮންޓއިނާ ބަރުކުރުމުގެ މަސައްކަތް ތިލަފުށީ ބަނދަރުގައި ކޮށްފައެވެ. މި ބޯޓަށް ޖުމްލަ 372 ޓީއީޔޫގެ ކޮންޓެއިނާ ބަރުކޮށްފައި ވަނީ 24 ގަޑިއިރު ތެރޭ ކަމަށް އެމްޕީއެލް އިން ބުނެއެވެ. އެމްޕީއެލް އިން މައުލޫމާތު ދޭ ގޮތުގައި، މިއަހަރުގެ މޭ މަހު ތިލަފުށީ ބަނދަރުގައި ފެށި ޓްރަޔަލް އޮޕަރޭޝަންތަކަށް ފަހު، "އެމްވީ ސެލެސްޓިއާ" އަކީ އެ ބަނދަރަށް ކައިރި ކުރި ހަތަރުވަނަ ބޯޓެވެ. ތިލަފުށީގައި މި ހިދުމަތް ދޭން ފެށުމުގެ މައިގަނޑު މަގްސަދަކީ މާލޭ ވިޔަފާރި ބަނދަރުގެ ތޮއްޖެހުން ކުޑަކޮށް، މުދާ ކްލިއާ ކުރުމުގެ މަރުހަލާ މިހާރަށްވުރެ އަވަސް... https://thepress.mv/167206 https://thepress.mv/167206 Mon, 13 Jul 2026 15:44:26 +0500 ދިވެހި ފުލުހުންގެ ހިދުމަތުގެ ހޯމިސައިޑް އެންޑް ޑެތު އިންވެސްޓިގޭޝަން ޔުނިޓުގެ އިސްވެރިޔާގެ މަގާމަށް، ޗީފް އިންސްޕެކްޓާ އޮފް ޕޮލިސް މުހައްމަދު ސާމިހު އަލުން ހަމަޖައްސައިފިއެވެ. ފުލުހުންގެ ތަރުޖަމާނު ސުޕްރިޓެންޑެންޓް އޮފް ޕޮލިސް އާރިފް ބާގިރު އާ ހަވާލާދީ ރިޕޯޓުތައް ބުނާގޮތުން ސާމިހު ކުރިންވެސް ފުރުއްވި މި މަގާމަށް އޭނާ އަލުން އައްޔަންކުރީ ފުލުހުންގެ އިދާރީ އޮނިގަނޑަށް މި ފަހުން ގެނައި ބަދަލުތަކުގެ ތެރޭގައެވެ. ސާމިހަކީ ރާއްޖޭގައި ހިނގާފައިވާ ބޮޑެތި މަރުގެ ހާދިސާތަކާއި ނުރައްކާތެރި ޖިނާއީ މައްސަލަތަކުގެ ތަހުގީގުތަކުގައި ގިނަ ދުވަސްތަކެއް ވަންދެން އިސްކޮށް މަސައްކަތް ކުރައްވާފައިވާ ތަޖުރިބާކާރު އޮފިސަރެކެވެ. އޭނާ ކުރިން އެ މަގާމުން ބަދަލުކުރެވުނީ، މިދިޔަ އަހަރުގެ އޭޕްރީލް މަހު މާލޭގެ ގެއެއްގެ މަތިން ހައްވާ ޔުމްނު ރަޝީދު ވެއްޓުނު ހާދިސާ އާ ގުޅިގެން އާންމުންގެ މެދުގައި ނުތަނަވަސްކަން އުފެދިފައި އޮތް ދަނޑިވަޅެއްގައެވެ. އޭގެ ފަހުން މިދިޔަ އަހަރުގެ މޭ މަހުން ފެށިގެން ސާމިހު ހުންނެވީ ސެންޓްރަލް އިންވެސްޓިގޭޝަން ކޮމާންޑުގެ ދަށުން ހިންގާ އިންވެސްޓިގޭޝަން... https://thepress.mv/167204 https://thepress.mv/167204 Mon, 13 Jul 2026 15:21:38 +0500 ބިންވެރިޔާ' ސްކީމްގެ ދަށުން ގުޅިފަޅުން ގޯތި ލިބުނު ފަރާތްތަކާއެކު އެއްބަސްވުމުގައި ސޮއިކޮށް، ރަޖިސްޓްރީ ހަވާލުކުރުމުގެ މަސައްކަތް ޑިޖިޓަލް ނިޒާމެއްގެ ތެރެއިން މި ހަފްތާގެ ތެރޭގައި ނިންމާލެވޭނެ ކަމަށް ހައުސިން މިނިސްޓަރު ޑރ. އަބްދުﷲ މުއްތަލިބް ވިދާޅުވެއްޖެއެވެ. މިނިސްޓަރު މުއްތަލިބް މިކަން ހާމަކުރެއްވީ މިއަދު ރައްޔިތުންގެ މަޖިލީހުގެ ޖަލްސާގައި ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް (ކުޑޫ) ކުރެއްވި ސުވާލަކަށް ޖަވާބު ދެއްވަމުންނެވެ. މެންބަރު ކުޑޫ ވަނީ ގުޅިފަޅަށް "ބަހެއް" ގެންގޮސްގެން ގޯތި ހަވާލުކުރުމުގެ މަސައްކަތް ކުރަމުންދާއިރު، އެ މަސައްކަތް ލަސްވެ، އަދިވެސް ފުރިހަމަ ނުވާތީ އެކަމުގެ ކަންބޮޑުވުން ފާޅުކުރައްވައި ސުވާލު ކުރައްވާފައެވެ. މެންބަރުގެ ސުވާލަށް ޖަވާބު ދެއްވަމުން މިނިސްޓަރު ވިދާޅުވީ، ގުޅިފަޅުން ގޯތި ދޫކޮށްފައިވާ 3,500 މީހުންގެ ތެރެއިން ކޮންމެ ދުވަހަކު އެޕޮއިންޓްމަންޓް ހަމަޖައްސައިގެން 4 ނުވަތަ 5 މީހުންނަށް ބިން ހަވާލުކުރުމަކީ އަވަހަށް ނިމޭނެ ކަމެއް ނޫން ކަމަށެވެ. އެހެންކަމުން، މި މަސައްކަތް އަވަސްކުރުމުގެ ގޮތުން ޑިޖިޓަލްކޮށް ލޭންޑް ޔޫސް ޕްލޭން... https://thepress.mv/167203 https://thepress.mv/167203 Mon, 13 Jul 2026 15:02:18 +0500 ސަރުކާރުން ހިންގާ ބޯހިޔާވަހިކަމުގެ މަޝްރޫއުތަކުގެ ދަށުން ދޫކުރާ ފްލެޓާއި ގޯއްޗަކީ ފައިސާ ދީގެން ހޯދޭނެ އެއްޗެއް ނޫން ކަމަށާއި، އެފަދަ ސްކޭމްތަކުގައި ޖެހިގެން އެއްވެސް ރައްޔިތަކަށް ފައިދާއެއް ނުވާނެ ކަމަށް ހައުސިން މިނިސްޓަރު ޑރ. އަބްދުﷲ މުއްތަލިބް ވިދާޅުވެއްޖެއެވެ. މިނިސްޓަރު މިހެން ވިދާޅުވީ މިއަދު ރައްޔިތުންގެ މަޖިލީހުގައި ހެންވޭރު ދެކުނު ދާއިރާގެ މެންބަރު ހުސައިން އިމްރާން ލަތީފް ކުރެއްވި ސުވާލަކަށް ޖަވާބު ދެއްވަމުންނެވެ. މެންބަރު އިމްރާން ވަނީ 2023 ވަނަ އަހަރު ހުޅުވާލި މަޝްރޫއުގައި ފޭކް ލިޔެކިޔުންތައް އުފައްދައިގެން ފްލެޓަށް ކުރިމަތިލާފައިވާ މައްސަލަތަކެއް ފާހަގަކުރައްވައި، މި ސަރުކާރުގެ މަޝްރޫއުތަކުގައި އެފަދަ ކަންކަމަށް ފުރުސަތު ނޯންނާނެ ކަމުގެ ޔަގީންކަމަކަށް އެދިވަޑައިގެންފައެވެ. މިކަމާ ގުޅިގެން މިނިސްޓަރު މުއްތަލިބް ވިދާޅުވީ، ވަކި މީހަކަށް ގުޅައިގެން ނުވަތަ ފައިސާ ދީގެން ފްލެޓް ހޯދުމުގެ އެއްވެސް ފުރުސަތެއް މިހާރު ނޯންނާނެ ކަމަށެވެ. އަދި މިހާރުވެސް މިފަދަ ސްކޭމްތައް ހިންގަމުންދާކަމުގެ މައުލޫމާތު ލިބިވަޑައިގަންނަވާ ކަމަށާއި، އެތައް ބަޔަކު ފައިސާ ހަރަދުކޮށްގެން ބޮޑެތި ލަނޑުތައް... https://thepress.mv/167201 https://thepress.mv/167201 Mon, 13 Jul 2026 15:00:28 +0500 ގަތަރުގެ ތަރައްގީގެ ބާނީ އަދި އެ ގައުމުގެ ކުރީގެ އަމީރު ޝައިޚް ހަމަދު ބިން ހަލީފާ އަލްޘާނީ އަވަހާރަވުމުގެ ހިތާމައިގައި، ދިވެހި ގައުމީ ދިދަ ބައިދަނޑިއަށް ތިރިކުރެއްވުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ނިންމަވައިފިއެވެ. ރައީސުލްޖުމްހޫރިއްޔާގެ އޮފީހުން މިއަދު ނެރުއްވި 2026/14 ނަންބަރު ދެންނެވުމުގައިވާ ގޮތުން، ދިވެހި ގައުމީ ދިދަ ބައިދަނޑިއަށް ތިރިކުރެއްވުމަށް ހަމަޖެހިފައިވަނީ 2026 ޖުލައި 13 ވާ ހޯމަ ދުވަހުގެ މެންދުރު 12:00 އިން ފެށިގެން 2026 ޖުލައި 14 ވާ އަންގާރަ ދުވަހުގެ މެންދުރު 12:00 ގެ ނިޔަލަށެވެ. ރައީސުލްޖުމްހޫރިއްޔާ މިގޮތަށް ހަމަޖެއްސެވީ، ދިވެހިރާއްޖެއާއި ގަތަރާދެމެދު ޒަމާނުއްސުރެ އުފެދިފައިވާ ގާތް ރަޙުމަތްތެރިކަމުގެ ގުޅުމާއި، ޝައިޚް ހަމަދު ބިން ހަލީފާ އަލްޘާނީ ގަތަރުގެ އަމީރުކަމުގެ މަގާމުގައި ހުންނެވިއިރު، ރާއްޖެއާމެދު ބެހެއްޓެވި ގާތްކަމުގެ އަގުވަޒަންކުރެއްވުމުގެ ގޮތުންނެވެ. ވަކިން ހާއްސަކޮށް ރާއްޖޭގެ ތަރައްގީއަށާއި ކުރިއެރުމަށް އެމަނިކުފާނު ވެދެއްވި ދީލަތި އެހީތެރިކަމާއި އެއްބާރުލެއްވުން ރައީސުލްޖުމްހޫރިއްޔާ ވަނީ ފާހަގަކުރައްވާފައެވެ. ޝައިޚް ހަމަދު ބިން ހަލީފާ އަލްޘާނީ އަވަހާރަވީ އާދީއްތަ... https://thepress.mv/167200 https://thepress.mv/167200 Mon, 13 Jul 2026 13:36:23 +0500 އުރީދޫ މޯލްޑިވްސް އިން ވަށްމާފުށި އަދި ޒިޕްލައިން އެމްވީ އާ ގުޅިގެން ސޯޝަލް މީޑިއާގައި ހާއްސަ ޕްރޮމޯޝަނެއް މިއަދު ފަށައިފިއެވެ. މި ޕްރޮމޯޝަނަކީ އުރީދޫގެ ކަސްޓަމަރުންނާއި ސޯޝަލް މީޑިއާ ފޮލޯވަރުންނަށް، ރާއްޖޭގައި ތަޖުރިބާކޮށްލެވޭނެ އެންމެ ތަފާތު އެއް ހަރަކާތް ކަމަށްވާ ޒިޕްލައިންގެ ތަޖުރިބާ ހޯދުމަށާއި، އާއިލާ ނުވަތަ ރައްޓެހިންނާއެކު އުފާވެރި ހަނދާންތަކެއް އާކުރުމުގެ ފުރުސަތު ފަހިކޮށްދިނުމުގެ މަގުސަދުގައި ކުރިއަށްގެންދާ ހަރަކާތެކެވެ. މި ޕްރޮމޯޝަންގެ ދަށުން ހޮވޭ ނަސީބުވެރި ފަރާތަށް ލިބޭ އިނާމުތަކުގެ ތެރޭގައި ހިމެނެނީ: ވަށްމާފުށީގައި ހަތަރު މީހަކަށް ހުރިހާ ހަރަދެއް ހިމެނޭ ގޮތަށް މުޅި ދުވަހުގެ ބީޗް ޕިކްނިކެއް. ޒިޕްލައިން އެމްވީއާއެކު ފޯރިގަދަ ޒިޕްލައިން ހަރަކާތެއް ތަޖުރިބާކޮށްލުން. މާފުށިން ދިއުމާއި އެނބުރި އައުމުގެ ދަތުރުފަތުރުގެ އިންތިޒާމު. މި ހަރަކާތުގައި ބައިވެރިވުމަށް އެދޭ ފަރާތްތަކުން އުރީދޫ މޯލްޑިވްސް، ވަށްމާފުށި އަދި ޒިޕްލައިން އެމްވީގެ ސޯޝަލް މީޑިއާ ޕޭޖުތައް ފޮލޯކުރަން ޖެހޭނެއެވެ. އަދި އުރީދޫއިން ކޮށްފައިވާ ޕްރޮމޯޝަން ޕޯސްޓް ޝެއާކޮށް، އެ ދަތުރުގައި ގެންދަން ބޭނުންވާ ތިން ރައްޓެހިން ޓެގް ކުރަން... https://thepress.mv/167199 https://thepress.mv/167199 Mon, 13 Jul 2026 13:08:32 +0500 ބޭންކް އޮފް މޯލްޑިވްސް (ބީއެމްއެލް) އާއި މާސްޓާކާޑު ގުޅިގެން، ކަސްޓަމަރުންނަށް ޖުމްލަ 100,000 ރުފިޔާގެ ނަގުދު ފައިސާގެ އިނާމު ލިބޭ ހާއްސަ ޕްރޮމޯޝަނެއް ފަށައިފިއެވެ. މި ޕްރޮމޯޝަން ކުރިއަށް ދާނީ 6 ޖުލައި އިން ފެށިގެން 31 އޮގަސްޓްގެ ނިޔަލަށެވެ. ބޭންކުން މައުލޫމާތު ދޭ ގޮތުގައި، މި މުއްދަތުގެ ތެރޭގައި އަލަށް ބީއެމްއެލް މާސްޓާކާޑު ޑެބިޓް ކާޑަށް އެދި ހުށަހަޅާ ކަސްޓަމަރުންނަށް މި ޕްރޮމޯޝަނުގައި ބައިވެރިވުމުގެ ފުރުސަތު ލިބޭނެއެވެ. ޕްރޮމޯޝަނުގެ ގުރުއަތުގައި ބައިވެރިވުމަށްޓަކައި، ބީއެމްއެލްގެ ޕީއޯއެސް ޓާމިނަލްތައް ނުވަތަ ބީއެމްއެލް ޕޭމަންޓް ގޭޓްވޭ މެދުވެރިކޮށް، މާސްޓާކާޑު ބޭނުންކޮށްގެން މަދުވެގެން 200 ރުފިޔާގެ މުއާމަލާތެއް ފުރިހަމަ ކުރަންޖެހެއެވެ. ކަސްޓަމަރުން ކުރާ ވިޔަފާރީގެ ހޭދަ އިތުރުކޮށްގެން ގުރުއަތުގައި ބައިވެރިވުމަށް ލިބޭ ފުރުސަތުތައް އިތުރުކުރެވޭނެ އިންތިޒާމު ވެސް ވަނީ ހަމަޖައްސާފައެވެ. އެގޮތުން ހަފުތާއަކު 1,000 ރުފިޔާ ހަރަދުކުރުމުން އިތުރު އެއް ފުރުސަތު ލިބޭއިރު، މަހެއްގެ ތެރޭގައި 5,000 ރުފިޔާ ހަރަދުކުރުމުން ވެސް އިތުރު ފުރުސަތެއް ލިބޭނެއެވެ. ޕްރޮމޯޝަން ނިމުމުން ގުރުއަތުން... https://thepress.mv/167198 https://thepress.mv/167198 Mon, 13 Jul 2026 14:28:18 +0500 އައްޑޫ ސިޓީގެ މައި ހައިވޭ، ލިންކް ރޯޑް ޒަމާނީ ފެންވަރަށް ތަރައްގީކުރުމުގެ ބިޔަ މަޝްރޫއުގެ މަސައްކަތްތައް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ބާރަށް ކުރިއަށްގެންދާ ކަމަށް މިނިސްޓަރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗާ ޑރ. އަބްދުﷲ މުއްތަލިބު ވިދާޅުވެއްޖެއެވެ. މިނިސްޓަރު މިހެން ވިދާޅުވީ ރައްޔިތުންގެ މަޖިލީހުގެ މިއަދުގެ ޖަލްސާގައި ހިތަދޫ މެދު ދާއިރާގެ މެންބަރު އަހްމަދު އަޒާން ކުރެއްވި ސުވާލަކަށް ޖަވާބުދެއްވަމުންނެވެ. ރައްޔިތުންނަށް ދަތިނުވާނެހެން މަސައްކަތް ތަރުތީބުކުރުމަށް އިސްކަންދެއްކަވާކަން ފާހަގަކުރައްވަމުން މިނިސްޓަރު ވިދާޅުވީ، ލިންކް ރޯޑަކީ އައްޑޫ ސިޓީގެ ދަތުރުފަތުރުގެ މައި މަގަށްވާއިރު، އެ ސަރަހައްދުން ދަތުރުކުރާނެ އިތުރު ޑައިވާޝަން މަގެއް ނެތުމުން، މަޝްރޫއު ކުރިއަށް ގެންދަންޖެހެނީ ރައްޔިތުންނަށް އުނދަގޫ ނުވާނެހެން ވަރަށް ބޮޑަށް ވިސްނައިގެންނެވެ. "އަޅުގަނޑުމެން އެ މަގު ހަދާއިރުގައި ވިސްނާލަންޖެހޭނީ އެއް ފަރާތް ހަދާފައި، ހުޅުވާފައި، އަނެއް ފަރާތް ހެދުމުގެ ކަންތައްވެސް. ރައްޔިތުންނަށް އެ މަގު ބޭނުން ނުކުރެވޭ ގޮތަށް އެއްކޮށް ބަންދުކޮށްގެން ނުކުރެވޭނެކަން،" މިނިސްޓަރު ވިދާޅުވިއެވެ. މި މަޝްރޫއު ކުރިއަށް ގެންދިއުމަށް... https://thepress.mv/167197 https://thepress.mv/167197 Mon, 13 Jul 2026 12:27:34 +0500 ވެރިކަން ކުރާ ޕީއެންސީން މިދިޔަ ހޮނިހިރު ދުވަހު ބޭއްވި އެތެރޭގެ އިންތިހާބާ ގުޅުވައި ހުޅުމާލޭގައި ހިންގި މާރާމާރީގެ މައްސަލައިގައި ތުހުމަތުކުރެވޭ އިތުރު ޒުވާނަކު ފުލުހުން ހައްޔަރުކޮށްފިއެވެ. މިދިޔަ ހޮނިހިރު ދުވަހުގެ ރޭ ހުޅުމާލެ ދެވަނަ ފިޔަވަހީގައި ހުންނަ ކާމިލް ދީދީ ސްކޫލުގައި ވޯޓު ގުނަމުން ދަނިކޮށް ބަޔަކު ވަދެ މާރާމާރީ ހިންގައި، ސްކޫލުގެ ތަކެއްޗަށް ބޮޑެތި ގެއްލުންތަކެއް ދީފައިވެއެވެ. https://thepress.mv/167190 ފުލުހުން މީޑިއާތަކާ ހިއްސާކުރި މެސެޖެއްގައި ބުނީ މި މައްސަލައާއި ގުޅިގެން ރޭ އިތުރު މީހަކު ވެސް ހައްޔަރުކޮށްފައިވާ ކަމަށާއި އެއީ 24 އަހަރުގެ ދިވެހި ފިރިހެނެއް ކަމަށެވެ. އެއާއެކު މި މައްސަލައިގައި މިހާތަނަށް ޖުމްލަ ތިން މީހަކު ވަނީ ހައްޔަރުކޮށްފައެވެ. މީގެ ކުރިން ރޭގެ ވަގުތެއްގައި ހައްޔަރުކޮށްފައިވަނީ 23 އަހަރުގެ ދިވެހި ފިރިހެނަކާއި 24 އަހަރުގެ ދިވެހި ފިރިހެނެކެވެ، ސޯޝަލް މީޑިއާގައި ދައުރުވަމުންދާ ވީޑިއޯތަކުން ފެންނަ ގޮތުގައި، ދެ ގްރޫޕެއްގެ ދެމެދުގައި ހިނގި މި ހަމަނުޖެހުމުގައި އެކަކު އަނެކަކަށް ގޮނޑިން ހަމަލާދީ ބޮޑެތި މާރާމާރީތަކެއް ހިންގާފައިވެއެވެ.... https://thepress.mv/167196 https://thepress.mv/167196 Mon, 13 Jul 2026 11:10:53 +0500 ގަތަރުގެ ތަރައްގީގެ ބާނީ އަދި އެ ގައުމުގެ ކުރީގެ އަމީރު ޝައިޚް ހަމަދު ބިން ހަލީފާ އަލްޘާނީ އަވަހާރަވުމާ ގުޅިގެން، އަމީރުގެ އާއިލާއަށް ތައުޒިޔާ ދެންނެވުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ހެނދުނު ގަތަރަށް ފުރާވަޑައިގެންފިއެވެ. މިއީ ގަތަރުގެ ކުރީގެ އަމީރު އަވަހާރަވުމުގެ ހިތާމައިގައި ބައިވެރިވެވަޑައިގެން، މިހާރުގެ އަމީރު އަލްޝައިޚް ތަމީމް ބިން ހަމަދު އަލްޘާނީ އަށާއި ގަތަރުގެ ޝާހީ އާއިލާއަށް އިހުތިރާމް އަދާކުރެއްވުމަށް ރައީސުލްޖުމްހޫރިއްޔާ ކުރައްވާ ރަސްމީ ދަތުރުފުޅެއްކަމަށް ރައީސް އޮފީހުން ހާމަކޮށްފައިވެއެވެ. ރައީސް މުއިއްޒުގެ އިތުރުން ދުނިޔޭގެ އެކި ގައުމުތަކުގެ އިސް ވެރިންނާއި އިއްޒަތްތެރިން ވެސް މި ހިތާމައިގައި ބައިވެރިވެވަޑައިގަތުމަށް ގަތަރަށް ވަޑައިގަންނަވާނެ ކަމަށް ރިޕޯޓުތައް ބުނެއެވެ. ގަތަރުގެ "ފާދަރ އެމީރު" ގެ ނަމުން މަޝްހޫރުވެވަޑައިގެންފައިވާ ޝައިޚް ހަމަދު ބިން ހަލީފާ އަލްޘާނީ އަވަހާރަވީ އުމުރުފުޅުން 74 އަހަރުގައެވެ. ގަތަރުގެ އަމީރީ ދީވާނުން ނެރުނު ބަޔާނެއްގައި ބުނެފައިވަނީ އެމަނިކުފާނު އަވަހާރަވީ އިއްޔެ ހެނދުނުގެ ވަގުތެއްގައި ކަމަށެވެ. ނަމަވެސް އަވަހާރަވި ސަބަބެއް... https://thepress.mv/167195 https://thepress.mv/167195 Mon, 13 Jul 2026 11:13:39 +0500