އެމްއެމްއޭ ސަރަހައްދުން ބޮޑުތަކުރުފާނު މަގުގައި ތާރު އެޅުމަށް ތައްޔާރުވެފައި

އެމްއެމްއޭ ސަރަހައްދުން ރަސްމީ ފާލަމުގެ ހުޅަނގުން ދަތުރުވެރިންގެ މާރުކޭޓާ ދެމެދަށް އޮންނަ ސަރަހައްދު އަލުން ހެދުމުގެ މަސައްކަތުގެ ތެރެއިން ބޮޑުތަކުރުފާނު މަގުގައި ތާރުއެޅުމަށް ވަނީ ތައްޔާރު ކުރެވިފައެވެ. އެމްޓީސީސީއާ ހަވާލު ކޮށްގެން ސަރުކާރުން ކުރިއަށް ގެންދާ މި މަސައްކަތުގެ ދަށުން އެ ސަރަހައްދު ހަދާ ނިމޭ އިރު، ބޮޑުތަކުރުފާނު މަގުގެ އެބައިގެ ޖާގަ ފުޅާވެގެން ދާނެއެވެ. އެބައި ހަދަނީ ރަސްމީ ފާލަމާއި ދަތުރުވެރިންގެ މާރުކޭޓާ ދެމެދަށް އޮންނަ ސަރަހައްދުގެ މޫދު ހިއްކައިގެން އެ ސަރަހައްދުވެސް ބޭނުން ކުރެވޭ ގޮތަށެވެ.