ތިލަމާލެ ބްރިޖުގެ މަސައްކަތް ރައީސް މުއިއްޒު ބައްލަވާލެއްވުން

ކުރީ ސަރުކާރުން ހިންގަން ފެށި އެންމެ ބިޔަ އެއް މަޝްރޫއު ކަމަށްވާ ތިލަމާލެ ބްރިޖް މަޝްރޫއުގެ މަސައްކަތް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ބައްލަވާލައްވައިފިއެވެ. އެގޮތުން މާލޭގައި ބްރިޖްގެ މަސައްކަތް ކުރާ ސައިޓަށް ވަޑައިގެން މާލެއާއި ވިލިމާލެއާ ދެމެދުގައި ޖަހަމުންދާ ތަބުތަކުގެ ޕައިލިން މަސައްކަތް ވެސް އެމަނިކުފާނު ބައްލަވާލެއްވިއެވެ. މީގެ އިތުރުން ގުޅިފަޅުގައި ކުރިއަށް ގެންދާ ޕްރީ ކާސްޓިންގެ ގެ މަސައްކަތް ވެސް ބައްލަވާލެއްވިއެވެ. މި ދަތުރުގައި މުއިއްޒުގެ އަރިހުގައި ނައިބު ރައީސް ހުސައިން މުހައްމަދު ލަތީފާއި، ކެބިނެޓުގެ ވަޒީރުންނާއި ސަރުކާރުގެ ބައެއް އިސް ވެރިންވެސް ބައިވެރިވެވަޑައިގަތެވެ.