ޑރ. މުއިއްޒު ކެމްޕެއިނަށް އއ. އަދި އދ. އަށް

ރިޔާސީ އިންތިހާބުގެ ދެވަނަ ބުރަށް ފެއްޓެވި ކެމްޕެއިން ދަތުރުގެ ތެރެއިން ޕީއެންސީގެ ރިޔާސީ ކެންޑިޑޭޓް މާލެ ސިޓީގެ މޭޔަރު ޑރ. މުހައްމަދު މުއިއްޒު މިއަދު ވަނީ އއ. އަތޮޅާއި އދ. އަތޮޅުގެ ބައެއް ރަށްތަކަށް ވަޑައިގެންފައެވެ. އެގޮތުން އެ އަތޮޅުން އެންމެ ފުރަތަމަ މުއިއްޒު ވަޑައިގަތީ އއ.ބޮޑުފުޅަދޫ އަށެެވެ. އެއަށް ފަހު އެ އަތޮޅުގެ ފެރިދޫ އަށް ވަޑައިގަންފައިވާ އިރު، މިއަދު މެންދުރުފަހު މުއިއްޒުގެ ދަތުރުގައި އދ. ހަންޏާމީދޫ، އދ. އޮމަދޫ، އދ. ކުނބުރުދޫ، އދ. ދަނގެއްޗަށް ވަނީ ވަޑައިގެންފައެވެ. މީގެ އިތުރުން އދ. ދިގުރަށް، އދ. މަންދޫ، އަދި އދ. ފެންފުއްޓައް ވަޑައިގަތުމަށް ވެސް ވަނީ ހަމަޖެހިފައެވެ.