އެމްޑަބްލިއުއެސްސީ ޝޯރޫމުން ދުނިޔޭގެ މަޝްހޫރު ބްރޭންޑްތަކުގެ ޕްރޮޑަކްޓްސްތައް ލިބޭ

އެމްޑަބްލިއުއެސްސީގެ ޝޯރޫމުން ދަނީ ފެނާއި ނަރުދާމާގެ ދާއިރާއާ ގުޅުންހުރި، ދުނިޔޭގެ މަޝްހޫރު ބްރޭންޑްތަކުގެ ޕްރޮޑަކްޓްސްތައް އެއްފުރާޅެއްގެ ދަށުން ފަސޭހަކަމާއެކު ކަސްޓަމަރުންނަށް ފޯރުކޮށްދެމުންނެވެ.
މިތަނުން ފެނާއި ނަރުދަމާ ނިޒާމް ގާއިމްކުރުމަށް ބޭނުންވާ ސާމާނާއި، އާރުއޯ ސްޕެއާޒް، ޕީވީސީ އަދި ޕީއީ ޕައިޕް އާއި ފިޓިންގްސް އަދި ފެނާއި ނަރުދަމާއާ ގުޅުން ހުރި ގިނަ ބާވަތްތަކެއްގެ މުދާ ލިބެން ހުރެއެވެ. މީގެ އިތުރުން ޝޯރޫމް މެދުވެރިކޮށް، އެމްޑަބްލިޔުއެސްސީގެ އައިއެސްއޯ 2005:17025 ސްޓޭންޑަޑްގެ ލެބޯރެޓަރީ އިން، ރިޒޯޓުތަކާއި، ފަންނީ ކޮންސަލްޓަންޓުން ފަދަ ފަރާތްތަކަށް، ވިޔަފާރީގެ އުސޫލުން ފެން ތަހުލީލު ކުރުމުގެ ހިދުމަތްވެސް ދަނީ ފޯރުކޮށްދެމުންނެވެ.