ރާއްޖޭގައި ކުޅިވަރު ފެސިލިޓީތަކެއް ހަދަން އިންޑިއާގެ އެކްސްޕޯޓް އިމްޕޯޓް ބޭންކް އޮފް އިންޑިއާ (އެގްޒިމް) ބޭންކުން 40 މިލިއަން އެމެރިކާ ޑޮލަރުގެ ލޯނެއް ސަރުކާރުން ނަގައިފިއެވެ.
މިއަދު އެއްބަސްވުމުގައި ސޮއިކޮށް އިންޑިއާ ހައިކޮމިޝަނުން އާންމު ކުރި ބަޔާނެއްގައި ބުނީ، މި ލޯނުން ބޭނުން ކުރާނީ ހަމައެކަނި ދިވެހިން ބޭނުންވާ ފުޓްބޯޅަ، އެތްލެޓިކްސް، ވޮލީބޯޅަ، ބާސްކެޓްބޯޅަ، ޓޭބަލްޓެނިސް، އަދި އެހެނިހެން އިންޑޯގޭމްސް ކުޅެވޭ ސްޓޭޑިއަމް އާއި ދަނޑުތައް އަދި އެކުވެނި ބިނާކުރުމަށް ކަމަށެވެ. އަދި މި ފެސިލިޓީތައް ތަރައްގީ ކުރުމުން އިންޑިއަން އޯޝަންސް ގޭމްސް ރާއްޖޭގައި ބޭއްވުމަށް މަގުފަހި ވާނެކަމަށްވެސް ބުނެއެވެ.
ފިނޭންސް މިނިސްޓްރީން ބުނީ މި އެއްބަސްވުމުގެ ދަށުން ރާއްޖޭގެ އެކިއެކި ކަންކޮޅުތަކުގައި ގާއިމް ކުރެވިގެން ދާ ކުޅިވަރު އިންފްރާސްޓްރަކްޗާ އަކީ ރާއްޖޭގައި ޕްރޮފެޝަނަލް ކުޅުންތެރިން ބިނާ ކުރުމަށާއި އަދި މިހާރު ތިބި ޕްރޮފެޝަނަލް ކުޅުންތެރިންގެ ގާބިލިއްޔަތު އިތުރު ކުރުމަށް ކޮންމެހެން ބޭނުން ވެފައިވާ ހިދުމަތްތައް ލިބިގެންދާނެ ފެސިލިޓީތަކެއް ކަމަށެވެ. އަދި މިކަމުގެ ސަބަބުން ޒުވާނުންނަށް ކުޅިވަރުގެ ދާއިރާއިން އިތުރު ފުރުސަތުތަކެއް ލިބިގެންދާނެ ކަމަށް ވެސް މިނިސްޓްރީން ބުނެއެވެ.
މިއެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ މިނިސްޓަރ އޮފް ފިނޭންސް އިބްރާހިމް އަމީރުއެވެ. އިންޑިއާގެ އެގްޒިމް ބޭންކުގެ ފަރާތުން ސޮއި ކުރެއްވީ ޖެނެރަލް މެނޭޖަރު ނިރްމަތު ވެޑްއެވެ. މިރަސްމިއްޔާތުގައި އިންޑިއާއިން ދިވެހިރާއްޖެއަށް ކަނޑައަޅާފައި ހުންނަވާ ސަފީރު ސަންޖޭ ސުދީރުގެ އިތުރުން ފިނޭންސް މިނިސްޓްރީގެ އިސްވެރިން ބައިވެރިވެ ވަޑައިގަތެވެ.
ދިވެހިރާއްޖޭގެ ނަން ދެން ބަދަލުވާނި ދަރަނި ރާއްޖެއަށްކަންނޭނގެ ރާއްޖޭގެ ދަރަނި މޫދުލޮނުން އަގުހަމަކުރަން އުޅުނަސް ދަރަނި އަދާ ވާނެ ކަމެންނޭގެ ނުދަރާނެ ކޮންކަމަކަން އެވަރަށް ދަރާފައޮތް އިރު ކުޅިވަރުގެ ކަންތަކަށްވެސް ދަރަނި