ވެއްޓިފައި އޮއްވާ ރޭ ހޮސްޕިޓަލަށް ގެންދިޔައީ މަސްތުވެފާ އޮތް މީހެއް ކަމަށް މައުލޫމާތު ލިބިފައިވާ ކަމަށް ފުލުހުން ބުނެއްޖެއެވެ.

ފުލުހުން ބުނީ އެ މީހާ ވެއްޓިފައި އޮތީ ރާޅުގަނޑު ސަރަހައްދުގައި ކަމަށެވެ. އަދި އެ މީހާ އައިޖީއެމްއެޗަށް ގެންގޮސްފައިވާ ކަމުގެ މައުލޫމާތު ގާތްގަނޑަށް 12:13 ހާއިރު ފުލުހުންނަށް ލިބިފައިވާ ކަމަށް ފުލުހުން ވަނީ ބުނެފައެވެ.

ފުލުހުން އިތުރަށް ބުނީ އެ މީހާ އޮތީ މަސްތުގެ ހާލުގައި ކަމަށް މައުލޫމާތު ލިބިފައިވާ ކަމަށާއި އަދި އެ މީހާ ވަނީ ފަރުވާ ދިނުމަށް ފަހު ރޭގެ ވަގުތެއްގައި ހޮސްޕިޓަލުން ދޫކޮށްލާފާ ކަމަށެވެ.

މި މީހާއާއި މެދު އެއްވެސް ފިޔަވަޅެއް އަޅާފައިވާ ކަމެއް އަދި މިކަމުގެ އިތުރު ތަފްސީލެއް ފުލުހުން އަދި ހާމައެއް ނުކުރެއެވެ.

ހަބަރު ޕޮލިސް