މާލޭ މަގުމަތީގައި ބަރަހަނާ ހާލުގައި އޮތް މީހެއް ފުލުހުންގެ ބެލުމުގެ ދަށަށް ގެންގޮސްފިއެވެ.
މައުލޫމާތު ލިބޭގޮތުގައި ލޮނުޒިޔާރަތް މަގުގައި ހުންނަ މާވިއްކާ ފިހާރަ "ލޯލާ" ކައިރީ ޕޭމަންޓް މަތީގައި ބަރަހަނާ ހާލުގައި އޮތީ ޒުވާން ފިރިހެނެކެވެ.
މިކަމާ ގުޅިގެން ފުލުހުންގެ މީޑިއާ އޮފިޝަލް "ދަ ޕްރެސް" އަށް މައުލޫމާތު ދެމުން ބުނީ ނިވާކަންކުޑަ ހެދުން އަޅައިގެން މާލޭ މަގުމަތީގައި އުޅުނު ދިވެހި ފިރިހެނަކު މިއަދު 16:13 ހާއިރު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ.
މިކަމާ ގުޅިގެން ބަލަން ޖެހޭ ކަންކަން މިހާރު ބަލަމުން ދާކަމަށްވެސް ފުލުހުން ބުނެއެވެ.
