ހއ. ހޯރަފުށީގައި ތޫނު އެއްޗަކުން މީހަކަށް ހަމަލާދިން މައްސަލައިގައި ދިވެއްސަކު ހައްޔަރު ކޮށްފިއެވެ.
ފުލުހުން ބުނީ، އެ ރަށުގައި މި ހާދިސާ ހިންގާފައި ވަނީ އިއްޔެ މެންދުރު ފަހު 2:15 ހާއިރު ކަމަށެވެ. މި މައްސަލަގައި ތުހުމަތު ކުރެވޭ މީހަކު ހައްޔަރުކުރީ ރޭ 8:18 ހާއިރު ކޯޓު އަމުރެއްގެ ދަށުން ކަމަށް ފުލުހުން ބުނެއެވެ.
އެގޮތުން ހައްޔަރުކޮށްފައި ވަނީ އުމުރުން 43 އަހަރުގެ ދިވެހި ފިރިހެނެއް ކަމަށް ފުލުހުން ބުނެއެވެ. އަދި ހައްޔަރު ކުރި މީހާގެ ބަންދަށް މިއަދު ވަނީ 15 ދުވަހުގެ މުއްދަތެއް ޖަހާފައި ކަަމަށް ވެސް ފުލުހުން ބުނެއެވެ.
މި މައްސަލަ ފުލުހުން ތަހުގީގު ކުރަމުން ދާ ކަމަށް ބުނި އިރު، މިހާދިސާ ހިނގި ސަބަބެއް އަދި ސާފެއް ނުވެއެވެ.
