ލަކްޝަދީބުގައި ގެނބެމުން ދިޔަ އާއިލާއެއް ދިވެހި 2 ފުލުހަކު ވެގެން ސަލާމަތްކޮށްފިއެވެ.
ފުލުހުން ކުރި ޓްވީޓެއްގައި ބުނީ އިންޑިއާގެ ދަ ސަރުދާރު ވައްލާބާއީ ޕަޓޭލް ނޭޝަނަލް ޕޮލިސް އެކެޑަމީ ގައި އައިޕީއެސް ޓްރެއިނިން ފުރިހަމަ ކުރަމުންދާ ދެ ފުލުހަކު ލަކްޝަދީބުގައި ގެނބެމުން ދިޔަ އާއިލާއެއް ސަލާމަތް ކޮށްފައިވާ ކަމަށެވެ.
އެ އާއިލާ ސަލާމަތް ކުރުމުގައި ހަރަކާތްތެރިވެފައިވަނީ ޗީފް އިންސްޕެކްޓާ އޮފް ޕޮލިސް އަހުމަދު އަބްދުލް އަޒީޒާއި ޗީފް އިންސްޕެކްޓާ އޮފް ޕޮލިސް މުހައްމަދު ނާޒިމް ކަމަށް ފުލުހުން ވަނީ ބުނެފައެވެ.
ފުލުހުން ވަނީ އެ ދެފުލުހުންގެ ހިތްވަރު ފާހަގަކޮށްފައެވެ.
ހަތަރު މީހުންގެ އެ އާއިލާގައި ދެ ކުޑަކުދިންވެސް ހިމެނޭ ކަމަށް ފުލުހުން ވަނީ ބުނެފައެވެ.
ފުލުހުންގެ އިތުރުން ރާއްޖޭގައި ހުންނަ އިންޑިއާގެ ހައި ކޮމިޝަނުން ވެސް ވަނީ އެ ދެ ފުލުހުން ދެއްކި ހިތްވަރަށް ތައުރީފްކޮށް އަގު ވަޒަންކޮށްފައެވެ. .
ފަޚުރުވެރިވަން ދިވެހި ޕޮލިސް