ރައްޔިތުން މަޖިލީހުގެ ގައްދޫ ދާއިރާގެ ކުރީގެ މެންބަރު އަދި ވިޔަފާރިވެރިޔާ ޒާހިރު އާދަމް (ގައްދޫ ޒާހިރު) އަވަހާރަ ވެއްޖެއެވެ.
ޒާހިރު އަވަހާރަވެފައި ވަނީ މިރޭގެ ވަގުތެއްގައި އޭނާ ދިރިއުޅުއްވާ ގޭގައެވެ.
އުމުރުން 70 އިން މައްޗަށް ގޮސްފައިވާ ޒާހިރު ވަނީ މީގެ ދުވަސްކޮޅެއް ކުރިން ކޮވިޑްބަލީގައި އުޅުއްވާ ރަނގަޅު ވެފައެވެ.
ޒާހިރަކީ ރިސޯޓް ވިޔަފާރީގެ އިތުރުން ސަފާރީގެ ވިޔަފާރިވެސް ކުރައްވާ އަދި މިހާރުވެސް އެ މަސައްކަތުގައި އުޅުއްވާ ބޭފުޅެކެވެ. އަދި ރައްޔިތުން މަޖިލީހުގައިވެސް ވަރަށް ހީވާގިކަމާއެކު މަސައްކަތް ކުރެއްވި މެންބަރެއްވެސް މެއެވެ.
