ރައީސް ނަޝީދު ކާރުކޮޅު ކައިރީ އެއްޗެއް ގޮއްވާލުމުން ނަޝީދަށް އަނިޔާ ވެއްޖެ

މިރޭ ރައީސް އިންރާހިމް މުހައްމަދު ސޯލިހް ގައުމާ މުހާތަބު ކުރައްވާ ދެއްކެވި ވާހަކަ ފުޅުގައި ވިދާލުވީ، މި ހަމަލާއަކީ ރާއޛޭގެ ޑޮމޮކްރަސީއަށާއި އިގްތިސޯދަށް ދިން ހަމަލާއެއް ކަމަށް.

ރައީސް އިބްރާޙިމް މުހައްމަދު ސޯލިހް މިރޭ ޓީވީތައް މެދުވެރިކުރައްވާ ގައުމާ މުހާތަބު ކުރައްވާ ގޮތަށް ހަމަޖެހިއްޖެ.

ރައިސް އޮފީހުގެ ތަރުޖަމާނު މަބްރޫކު އަޒީޒު ދެންމެ ކުރެއްވި ޓްވީޓެއްގައި ވިދާޅުވީ، ޓީވީތައް މެދުވެރި ކުރައްވާ އެމަނިކުފާނު މިރޭ ގައުމާ މުހާތަބު ކުރައްވާނެ ކަމަށް. އަދި އެކަމާ ގުޅޭ މައުލޫމާތު ކުޑަ އިރުކޮޅެއްްތެރޭ ހާމަ ކުރައްވާނެ ކަމަށް އޭނާ ވިދާޅުވި.

ރައީސް ގައުމާ މުހާތަބު ކުރައްވާ އިރު، މިރޭ ވަޒީރުންގެ ކުއްލި މަޖިލީހުގެ ބައްދަލުވުމެއްވެސް ވަނީ ބާއްވާފައި

ރައްޔިތުން މަޖިލީހުގެ ރައީސް މުހައްމަދު ނަޝީދުގެ ގެކޮޅާ ކައިރީގައި އެއްޗެއް ގޮއްވާލުމާ ގުޅިގެން އެމަނިކުފާނުގެ ހަށިކޮޅަށް ގިނަ ޒަހަމަތަކެއް ލިބިފައިވާތީ އިތުރު ސާޖަރީތަކެއް ކުރަން ޖެހޭ ކަަމަށް އޭޑީކޭ ހޮސްޕިޓަލުން ބުނޭ. އެޑީކޭއިން ބުނީ އެމަނިކުފާނު ޒަހަމްތަކާއެކު އެ ހޮސްޕިޓަލަށް ގެންގޮސްފައި ވަނީ މިރޭ 8:30 ގައި ކަމަށް. އަދި އެމަނިކުފާނަށް މިހާރު ޑޮކްޓަރުންގެ ޓީމެއް ދަނީ ފަރުވާ ދެމުން ކަމަށާއި މިވަގުތު ހާލު ސީރިއަސް ނޫން ކަމަށް އޭޑީކޭއިން ބުނޭ.

ލިބިފައިވާ ޒަހަމްތައް ބަލަމުން ދިޔަ އިރު އެމަނިކުފާނު އިތުރު ސާޖަރީތަކެއް ކުރަންޖެހޭ ކަމަށާއި އަދި އެ ސާޖަރީތައް ކުރުމަށް މިހާރު ތައްޔާރުވަމުންދާ ކަަމަށް އޭޑީކޭއިން ބުނޭ. 

ރައްޔިތުން މަޖިލީހުގެ ރައީސް މުހައްމަދު ނަޝީދުގެ ގެކޮޅާ ކައިރީގައި އެއްޗެއް ގޮއްވާލުމާ ގުޅިގެން އެމަނިކުފާނުގެ ހަށިކޮޅަށް ގިނަ ޒަހަމަތަކެއް ލިބިފައިވާތީ އިތުރު ސާޖަރީތަކެއް ކުރަން ޖެހޭ ކަަމަށް އޭޑީކޭ ހޮސްޕިޓަލުން ބުނޭ. އެޑީކޭއިން ބުނީ އެމަނިކުފާނު ޒަހަމްތަކާއެކު އެ ހޮސްޕިޓަލަށް ގެންގޮސްފައި ވަނީ މިރޭ 8:30 ގައި ކަމަށް. އަދި އެމަނިކުފާނަށް މިހާރު ޑޮކްޓަރުންގެ ޓީމެއް ދަނީ ފަރުވާ ދެމުން ކަމަށާއި މިވަގުތު ހާލު ސީރިއަސް ނޫން ކަމަށް އޭޑީކޭއިން ބުނޭ.

ލިބިފައިވާ ޒަހަމްތައް ބަލަމުން ދިޔަ އިރު އެމަނިކުފާނު އިތުރު ސާޖަރީތަކެއް ކުރަންޖެހޭ ކަމަށާއި އަދި އެ ސާޖަރީތައް ކުރުމަށް މިހާރު ތައްޔާރުވަމުންދާ ކަަމަށް އޭޑީކޭއިން ބުނޭ. 

މި ހާދިސާގައި 5 މީހަކަށް ވަނީ އަނިޔާވެފައި ކަމަށް އެމްއެންޑީއެފުން ބުނޭ. އެގޮތުން ތިން ސިފައިންގެ މީހަކަށް އަނިޔާވި ކަމަށާއި އޭގެތެރެއިން އެކަކު ގެންދެވުނީ އައިޖީއެމްއެޗްއަށް ކަމަށާއި އަނެއް ދެމީހުން ގެންދިޔައީ އޭޑީކޭ ހޮސްޕިޓަލަށް.

އައިޖީއެމްއެޗަށް ގެންދިޔަ ސިފައިންގެ މީހާ މިހާރު ވަނީ ފަރުވާ ދިނުމަށް ފަހު ދޫކޮށްލާފައި. އޭނާ ގެންދިޔައީ ކަންފަތަށް ތަދުވާތީ.

އޭޑީކޭއަށް ގެންދިޔަ ދެމީހުން ވެސް މިހާރު ވަނީ ފަރުވާ ދިނުމަށް ފަހު ދޫކޮށްލާފައި. އެ ދެމީހުންނަށް ލިބިފައިވަނީ ކުދި އަނިޔާތަކެއް ކަމަށާއި އެ ދެ ސިފައިންގެ ހާލު ރަނގަޅު ކަަމަށް އެމްއެންޑީއެފުން ބުނޭ

މާލޭގައި މިރޭ އެއްޗެއް ގޮއްވާލައި، ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދާއި އިތުރު ފަރާތްތަކަކަށް އަނިޔާވެފައިވާ ހާދިސާ ނެޝަނަލް އިންޓަގްރިޓީ ކޮމިޝަނުން ހަރުކަށި އިބާރާތުން ކުށްވެރި ކޮށްފި. މި ހާދިސާއާ މެދު ކަންބޮޑުވުން ފާޅުކުރާ ހާލު، ރައީސް ނަޝީދާއި އަނިޔާ ލިބުނު ފަރާތްތަކަށް އަވަސް ޝިފާއަކަށް އެ ކޮމިޝަނުން ވަނީ އެދިފައި.

މިހާދިސާ ހިނގާދިޔަގޮތް ތަހްގީގުކޮށް، މިކަމުގައި ޝާމިލްވާ މީހުން ހޯދައި، އިންސާފުގެ ކުރިމައްޗަށް ގެންދިއުމަށް ދިވެހި ފުލުހުންގެ ހިދުމަތަށާއި، ކަމާބެހޭ ފަރާތްތަކަށް ވެސް ވަނީ ގޮވާލާފައި. ދިވެހި ފުލުހުންގެ ޚިދުމަތުން މި ހާދިސާގެ ތަޙްޤީޤު ކުރިއަށް ދާކަން ކަށަވަރު ކުރުމާއެކު، ފުލުހުން ކުރާ ތަހުީގު މޮނިޓާ ކުރަމުން ގެންދާނެ ކަމަށް އެ ކޮމިޝަނުން ބުނޭ.

މި ހާދިސާގައި 5 މީހަކަށް ވަނީ އަނިޔާވެފައި ކަމަށް އެމްއެންޑީއެފުން ބުނޭ. އެގޮތުން ތިން ސިފައިންގެ މީހަކަށް އަނިޔާވި ކަމަށާއި އޭގެތެރެއިން އެކަކު ގެންދެވުނީ އައިޖީއެމްއެޗްއަށް ކަމަށާއި އަނެއް ދެމީހުން ގެންދިޔައީ އޭޑީކޭ ހޮސްޕިޓަލަށް.

އައިޖީއެމްއެޗަށް ގެންދިޔަ ސިފައިންގެ މީހާ މިހާރު ވަނީ ފަރުވާ ދިނުމަށް ފަހު ދޫކޮށްލާފައި. އޭނާ ގެންދިޔައީ ކަންފަތަށް ތަދުވާތީ.

އޭޑީކޭއަށް ގެންދިޔަ ދެމީހުނަށް އަދިވެސް ދަނީ އޭޑީކޭގައި ފަރުވާ ދެމުން. އެ ދެމީހުންނަށް ލިބިފައިވަނީ ކުދި އަނިޔާތަކެއް ކަމަށާއި އެ ދެ ސިފައިންގެ ހާލު ރަނގަޅު ކަަމަށް އެމްއެންޑީއެފުން ބުނޭ

މިރޭ ހިނގި ހާދިސާއާ ގުޅިގެން ފުލުހުންގެ ހިދުމަތުގެ އެލާޓް ލެވެލް، ލެވެލް 3 އަށް މަތިކޮަށް ބޮޑު އިސްކަމެއްދީގެން ތަހުގީގުގެ މަސައްކަތް ވަނީ ފަށައިފައި: ފުލުހުން

ރައްޔިތުން މަޖިލީހުގެ ޖަލްސާއާ ދިމާކޮށް މަޖިލީހުގެ ސެކިއުރިޓީވެސް ވަނީ ވަރުގަދަކޮށްފައި. މަޖިލީހުގެ ފްލޯތައް ޗެކްކޮށް އަދި މެންބަރުން ވެސް ވެއްދީ ވަރަށް ބޮޑަށް ސްކޭންކޮށްފައި.

ރައްޔިތުންގެ މަޖިލީހުގެ ޚާއްސަ ޖަލްސާއެއް މިރޭ 22:45 ގައި އޮންނާނެ ވާހަކަ ދަންނަވަން: މަޖިލިސް އިދާރާ

ރައީސް އޮފީހުގެ ތަރުޖަމާނު މުހައްމަދު މަބްރޫކް އަޒީޒް: ރައީސް މުޙައްމަދު ނަޝީދަށް މިރޭ ދީފައިވާ ނުރައްކާތެރި ހަމަލާ ދިވެހި ސަރުކާރުން ކުށްވެރިކުރޭ. މި މައްސަލަ މިހާރު ދަނީ ދިވެހި ފުލުހުންނާއި، ސިފައިން ތަހުގީގު ކުރަމުން. އަދި، މިކަމާ ގުޅިގެން ރައީސުލްޖުމްހޫރިއްޔާ އާއި ނޭޝަނަލް ސެކިއުރިޓީ ކައުންސިލްގެ މެންބަރުން މިރޭ ބައްދަލުކުރާނެ.

ރައީސް އިބްރާހިމް މުހައްމަދު ސޯލިހް ވަނީ މިރޭ މާލޭ ނީލޯފަރުމަގުގައި ބާރުގަދަ އެއްޗެއް ގޮވައި ރައީސް މުޙައްމަދު ނަޝީދަށް ލިބުނު އަނިޔާއާ ގުޅިގެން ޓްވިޓް ކުރައްވާފައި. މި އަމަލު އެންމެ ހަރުކަށި އިބާރާތުން ކުށްވެރިކުރާ ކަމަށާއި އަދި މި މައްސަލަ ފުލުހުން ދަނީ މިހާރު ތަހުގީގު ކުރަމުން ކަމށް ރައީސް ސޯލިހު ވިދާޅުވި

.

މިހާދިސާ ހިންގި އިރު ބޮޑީ ގާޑުން ކޮބައިތޯ؟ ބޮޑީގާޑުން ކީއްވެތޯ ރައީސް ނަޝީދުގެ ކާރު ޗެކް ނުކުރީ؟ އަޅުގަނޑަށް 90 ޕަސެންޓް ޔަގީން ކަން އެބަ އޮތް މިއީ އެތެރެއިން ހިންގާފައިވާ އަމަލެއް: ނަޝީދުގެ ދަރިކަލުން މީރާ

ދިވެހިރާއްޖޭގެ ކުރީގެ ރައީސުލްޖުމްހޫރިއްޔާ އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު، ކެނެރީމަގުގެ ކޮޅުން މަޖީދީމަގާ ވީ ކޮޅުން އެ މަނިކުފާނު ކާރަށް އަރާވަޑައިގަންނަވަނިކޮށް އެއްޗެއް ގޮއްވާލައި، އެމަނިކުފާނުގެ ހަށިކޮޅަށް ގެއްލުން ލިބިވަޑައިގަތުމާ ގުޅިގެން އެމްއެންޑީއެފް އަންނަނީ ހަރަކާތްތެރިވަމުން. އަދި މިކަމާ ގުޅިގެން އެމްއެންޑީއެފްގެ ސެކިޔުރިޓީ ވަރުގަދަކޮށް، އެލާޓް ސްޓޭޓަސް ވަނީ މަތިކޮށްފި

ހެރިޓޭޖް މިނިސްޓަރު ޔުމްނާ މައުމޫން: ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދަށް އަމާޒުކޮށް މިރޭ ދީފައިވާ ނިރުބަވެރި ހަމަލާ ހަރުކަށި އިބާރާތުން ކުށްވެރިކުރަން. އަދި ރައީސް ނަޝީދަށާއި މި ހަމަލާގައި ޒަޚަމްވި އެހެން މީހުންނަށް އަވަސް ޝިފާއަކަށް އެދި ދުޢާ ކުރަން.

ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް އޭޑީކޭ ހޮސްޕިޓަލަށް ވަޑައިގެންފި. އަދި އެ ސަރަހައްދަށް ގިނަ އާންމުން ވަނީ އެއްވެފައި. އަދި އެ ސަރަހައްދުގައި އެއްވެ ތިބި އެތައް ބަޔަކު ދަނީ ނުރުހުން ފާޅު ކުރަމުން.

ޖެންޑާ މިނިސްޓަރު އައިޝަތު މުހައްމަދު ދީދީ: ދާދި ދެންމެއަކު، ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދުގެ ކާރުކޮޅު ކައިރީގައި އެއްޗެއް ގޮއްވާލައި، ހިންގާފައިވާ ނުރައްކާތެރި ފިނޑި އަމަލު ހަރުކަށި އިބާރާތުން ކުށްވެރި ކުރަން އަދި ރައީސް ނަޝީދަށް ހެޔޮ ސިއްހަތެއް މިންވަރުކޮށްދެއްވުން އެދި ދުޢާކުރަން

ފުލުހުން: ކެނެރީގެ ސަރަހއްދުގައި އެއްޗެއް ގޮއްވާލުމާއެކު ރައީސް ނަޝިދާށް އަނިޔާވެ ވަނީ އޭޑީކޭއަށް ގެންގޮސްފައި، މި ދަނޑިވަޅުގައި އެ ސަރަހައްދަށް އާންމުން އެއްވެ ނޫޅުމަށް އެދެން. ފުލުހުން މިހާރު މި ދަނީ އެ ސަރަހައްދުގައި ހަރަކާތްތެރިވަމުން އަދި ޕަބްލިކް އަށް އިތުރު މައުލުމާތު ހިއްސާކުރަމުން ދާނަން.

އިދިކޮޅުން ވަނީ މި ހަމާލާގައި ރައީސް ނަޝީދަށް އަމާޒު ކޯށް ދީފައިވާ ހަމަލާ ހަރުކަށި އިބާރާތުން ކުށްވެރިކޮށްފަ. އަދި މި ހަމަލާ ދިން މީހުން ހޯދައި ގާނޫނުގެ ކުރިމައްޗަށް ގެނެސް އެމީހުންނަށް އެންމެ ހަރުކަށި އަދަބު ދިނުމަށް އިދިކޮޅުން ވަނީ ގޮވާލާފައި. އަދި ރައީސް ނަޝީދަށް އަވަސް ޝިފާއެއް މިންވަރުކޮށް ދިނުމަށް އެދި ދުއާ ކުރާ ކަމަށް އިދިކޮޅުން ބުނޭ.

އެމްއާރްއެމް: ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދަށް އަމާޒުކޮށް މިރޭ ދީފައިވާ ނިރުބަވެރި ހަމަލާ ހަރުކަށި އިބާރާތުން ކުށްވެރިކުރަން. އަދި ރައީސް ނަޝީދާއި މި ހަމަލާގައި ޒަހަމްވި އެހެން މީހުންނަށް އަވަސް ޝިފާއަކަށް އެދެން. އަދި މި ހަމަލާ ރަނގަޅަށް ތަޙުޤީޤުކޮށް، މިކަން ރާވައި ހިންގި ފަރާތްތަކަށް ހަރުކަށި އަދަބު ދިނުމަށް ކަމާއިބެހޭ ފަރާތްތަކަށް މި ޕާޓީން ގޮވާލަން. މިފަދަ އަމަލުތަކަށް މި ދިވެހި ފަސްގަނޑުގައި އެއްވެސް ވަރަކަށް ޖާގަ ދެވިގެން ނުވާނެ! 

ރައީސް ނަޝީދަށް ދެވުނު ހަމަލާ ޖުމްހޫރީ ޕާޓީގެ ލީޑަރު ގާސިމް އިބްރާހިމް ވަނީ ހަރުކަށި އިބާރާތުން ކުށްވެރިކޮށްފައި. 

މި ހާދިސާގެ ސަބަބުން ރައީސް ނަޝީދުގެ ބޮލަށް ވަނީ އަނިޔާވެފައި. ރައީސް ނަޝީދު ސާޖަރީއަކަށް ދަނީ.

ޑރ. މުހައްމަދު މުއިއްޒު: ރައީސް ނަޝީދުގެ ހަށިކޮޅަށް އަމާޒުކޮށްދިން ޙަމަލާ ކުށްވެރިކުރަން. އެއްވެސް މީހެއްގެ ފުރާނައަށް ނުރައްކާވާ އެއްވެސް ޢަމަލެއް ހިންގުމަކީ ބަލައިގަނެވޭނޭ ކަމެއް ނޫން. މާލޭގެ މުޖްތަމައަކީ އެންމެނަށްވެސް ރައްކާތެރި މުޖްމައަކަށް ހެދުމަށް އެންމެން ގުޅިގެން މަސައްކަތް ކުރުމަށް ގޮވާލަން.

އޭޑީޚޭ ސަރަހައްދުގައި އާންމުން ވަނީ އެއްވެފައި. އަދި އެ ސަރަހައްދުގައި އާންމުން ދަނީ ނުރުހުން ފާޅުކުރަމުން. އެގޮތުން ރައީސް ނަޝީދުގެ ސަލަމަތާއި ރައްކާތެރިކަން ބަލަހައްތައި ދެވިފައި ނުވާ ކަަމަށް ބުނެ އާންމުން ދަނީ ހިތްހަމަ ނުޖެހުން ފާޅު ކުރަމުން