އދ. ދަނގެތީގައި ތަރާވީސް ނަމާދު ކުރިއަށް ދަނިކޮށް، އެ ރަށު މިސްކިތުގައި ބަހައްޓާފައި ހުރި ފަންޑު ފޮށްޓެއް ވަގަށް ނަގައިފިއެވެ.
ފުލުހުން ބުނީ އެ މައްސަލަ ރިޕޯޓުކޮށްފައި ވަނީ ރޭ 9:15 ހާއިރު ކަމަށާއި، މައްސަލަ ބަލަމުންދާ ކަމަށެވެ. ފުލުހުން ބުނީ ވަގަށް ނަގާފައިވާ ފަންޑް ފޮށި ފަޅާލުމަށް ފަހު އެރަށުގެ ގޯއްޗެއްގެ ތެރޭގައި އެއްލާލައިފައި އޮއްވާ ފެނިފައިވާ ކަމަށެވެ.
މިހާތަނަށް މިމައްސަލައިގައި އެއްވެސް މީހަކު ހައްޔަރުކޮށްފައި ނުވާ ކަމަށް ވެސް ފުލުހުން ބުނެއެވެ.
ވަގަށް ނަގާފައި ވަނީ އެރަށު ޖަމިއްޔާތަކާއި އިންޓަނޭޝަނަލް އެއިޑް ކެމްޕެއިން ގުޅިގެން ފަގީރުންނަށް ސަދަގާތް ކުރުމަށް ބަހައްޓާފައި ހުރި ފަންޑު ފޮށްޓެކެވެ.
މައުލޫމާތު ލިބިފައިވާ ގޮތުގައި ފަންޑު ފޮށި ނެތްކަން އެނގުނީ، ތަރާވީހް ނަމާދުން މީހުން ފޭބި ފަހުންނެވެ.
