ރޭ ޕީޕީއެމް އޮފީސް ތެރެއަށް ފުލުހުން ވަދެ އަނިޔާ ކުރި ބަޔަކު ހޮސްޕިޓަލަށް ގެންގޮސް ފަރުވާ ދީފައިވާ ކަމަށް ޕީޕީއެމުން ބުނެފިއެވެ.
ޕީޕީއެމުން ބުނީ، ރޭ ޕީޕީއެމް އޮފީސްތެރޭގައި ޕްރެސް ކޮންފަރެންސެއް ނިންމާލި ވަގުތު ފުލުހުން އައިސް އެ އޮފީސްތެރެއަށް ވަދެ ޕެޕާ ސްޕްރޭ ޖަހައި ޕީޕީއެމްގެ ސަޕޯޓަރުންނަށް އަނިޔާ ކޮށްފައިވާ ކަމަށެވެ. އެ ގޮތުން ބޫޓުން ތަޅައި ބައެއް މީހުންނަށް ބޮޑެތި އަނިޔާ ލިބިފައިވާ ކަމަށް ޕީޕީއެމުން ބުނެއެވެ.
އެގޮތުން 10 މީހަކު ހޮސްޕިޓަލަށް ގެންގޮސްގެން ފަރުވާ ދީފައިވާ ކަމަށް ޕީޕީއެމުން ބުނެއެވެ. އޭގެތެރެއިން 5 މިހަކު ވަނީ އައިޖީއެމްއެޗަށް ގެންގޮސްފައި ކަމަށާއި އަނެއް 5 މީހުންނަށް ވަނީ އޭޑީކޭން ފަރުވާ ދީފައި ކަމަށް ޕީޕީއެމުން ބުނެއެވެ.
ރޭ ޕީޕީއެމް އޮފީސް ކުރިމަތީގައި ވަނީ އެ ޕާޓޫގެ ފަރާތުން ޕްރެސް ކޮންފަރެންސެއް ކުރިއަށް ގެންގޮސްފައެވެ. އެ ޕްރެސްއަށް ދިޔަ ޕީޕީއެމްގެ ސަޕޯޓަރުން އެސަރަހައްދަށް އެއްވެފައިވާ އިރު އެ ޕާޓީން ވަނީ ޖަލުގައި ހުކުމް ތަންފީޒު ކުރަމުންދާ ރައީސް އަބްދުﷲ ޔާމީން ގެއަށް ދޫކޮށްލުމަށް ގޮވާލާފައެވެ.
