ކޮވިޑް-19 ޖެހިގެން މަރުވި މީހުންގެ އަދަދު 69 އަށް އަރައފިއެވެ.
އެޗްޕީއޭއިން ބުނީ، މަރުވެފައި ވަނީ މިއަދު ހަވީރު 4:00ގައި އައިޖީއެމްއެޗް އިމަޖެންސީއަށް ގެންދިޔަ 86 އަހަރުގެ ދިވެހި ފިރިހެނަކު ކަމަށެވެ. އަދި އޭނާ ހޮސްޕިޓަލަށް ގެންދިޔަ އިރުވެސް ހަބަރު ހުސްވެފައި ވާ ކަމަށް އެޗްޕީއޭއިން ބުނެއެވެ.
މިއީ ކޮވިޑް ޖެހިގެން ރާއްޖެއިން މަރުވި 69 މީހާއެވެ. އަދި މިއަދު މި ބަލީގައި މަރުވި ދެވަނަ މީހާވެސް މެއެވެ.
ކޮވިޑް ޖެހިގެން ރާއްޖެއިން މިހާތަނަށް 68 މީހަކު ވަނީ މަރުވެފައެވެ. އެއީ 60 ދިވެހިންނާއި 8 ބިދޭސީންނެވެ. މަރުވި ބިދޭސީންގެ ތެރޭގައި ހިމެނެނީ ބަންގްލަދޭޝްގެ 6 މީހަކާއި ފިލިޕީންސް މީހެކެވެ.
ކޮވިޑް ބަލީގައި މަރުވަމުންދާ މީހުންގެ އަދަދު އިތުރުވަމުންދާއިރު ކޮވިޑުން ރައްކާތެރިވުމަށް ރާއްޖޭގައި ދޭން ފަށާފައިވާ ކޮވިޑް ވެކްސިން ދިން ފަހުން ވެސް ވަނީ 2 މީހަކު މަރުވެފައެވެ. އެއީ އުމުރުން 93 އަހަރުގެ މީހަކާއި އޭނާގެ އަންހެނުންނެވެ. އޭނާގެ އަންހެނުންނަ ނަކީ އުމުރުން 81 އަހަރުގެ އަންހެނެކެވެ.
