މޯލްޑިވް ގޭސްގެ މެނޭޖިން ޑިރެކްޓަރު ޝަޒައިލް ޝިޔާމްގެ މައްޗަށް ތުހުމަތު ކުރެވޭ މަނީ ލޯންޑަރިންގް މައްސަލާގައި އޭނާއާއި ދެކޮޅަށް ހެއްކެއް ހޯދިފައިނުވާތީ، ފުލުހުން އެ މައްސަލަ ފައިލްކޮށްފިއެވެ.
ޝަޒައިލްގެ މައްޗަށް ތުހުމަތު ކުރެވޭ ރިޝަވަތުގެ މައްސަލައަކާއި މުވައްޒަފުން ނެގުމުގައި ކޮރަޕްޝަނަށް މަގުފަހިވާ ގޮތަށް އަމަލުކުރި މައްސަލައެއް އޭސީން ބަލާ ތަހުގީގު ކުރި އިރު އެފަދަ މައްސަލައެއް ސާބިތު ނުކުރެވޭ ކަމަށް އޭސީސީން ވަނީ ބުނެފައެވެ. ނަމަވެސް އެ ތަހުގީގު ފެނުނު ހެއްކިތަކުން އޭނާގެ މައްޗަށް މަނީ ލޯންޑަރިން ކުރި ކަމަށް ބެލެވޭތީ އެކަން ތަހުގީގު ކޮށްދިނުމަށް އޭސީސީން ވަނީ ފުލުހުނަށް އެދިފައެވެ.
ފުލުހުން ބުނީ ޝަޒައިލަށް ކުރާ މަނީ ލޯންޑަރިންގެ މައްސަލައިގައި އޭނާއާއި އެއްވެސް ހެއްކެއް ހޯދިފައިނުވާތީ އެ މައްސަލަ މިހާރު ފައިލްކޮށްފައިވާ ކަމަށެވެ.
މައުލޫމާތު ލިބިފައިވާ ގޮތުގައި އެ މައްސަލަ ފައިލް ކުރި ކަމަށް ނިންމާފައިވަނީ މިިދިޔަ މަހު 10 ގައެވެ.
ކުރީން ޝަޒައިލްގެ މައްޗަށް ރިޝްވަތާއި ކޮރަޕްޝަންގެ ތުހުމަތަކެއް އޮތުމުން އެކަމާ ގުޅިގެން އޭނާ ސަސްޕެންޝަންގައި ހުންނަތާ އަހަރަކަށް ވުރެ ގިނަ ދުވަސް ވެއްޖެއެވެ. އޭނާ ސަސްޕެންޑް ކުރީ ސަރުކާރުގެ "ޒީރޯ ޓޮލަރެންސް ޓު ދަ ކޮރަޕްޝަން" ސިޔާސަތުގެ ދަށުންނެވެ.
މޯލްޑިވް ގޭސްގެ މެނޭޖިން ޑިރެކްޓަރުގެ މަގާމަށް ޝަޒައިލް ޝިޔާމް އައްޔަން ކުރައްވާފައި ވަނީ 2019 ވަނަ އަހަރުގެ ކުރީ ކޮޅެވެ.
