ހދ. ކުޅުދުއްފުށި މޮނިޓަރިން ހާލަތުން ނަގައިފިއެވެ.
ކުޅުދުއްފުށި މޮނިޓަރިން ހާލަތުން ނަގާފައި ވަނީ މިއަދި ހަވީރު 17:52 ގައި ކަމަށް އެޗްޕީއެއިން ބުނެއެވެ.
އެޗްޕީއޭއިން ބުނީ ކުޅުދުއްފުށި މޮނިޓަރިންގެ ހާލަތުން ނަގާފައި ވަނީ ބަލަން ކަނޑައެޅި ކަންކަން ބަލައި ނިމުމުން ދެން އިތުރަށް މޮނިޓަރިންގައި ބާއްވަން ޖެހޭ ސަބަބެއް ނެތުމުން ކަމަށެވެ.
ކުޅުދުއްފުށި މޮނިޓަރިން ހާލަތަށް ލީ މިމަހު 24 ގައެވެ.
އެރަށް މޮނިޓަރިންއަށް ލީ ކުޅުދުއްފުށީ ހޮސްޕިޓަލުގައި އެޑްމިޓްކޮށްފައި އޮތް ބަލި ދެ މީހަކު ކޮވިޑަށް ޕޮޒިޓިވްވުމާ ގުޅިގެންނެވެ. ފޮޒިޓިވް ވެފައި ވަނީ ޅ. ނައިފަރު ހޮސްޕިޓަލުން އެ ހޮސްޕިޓަލަށް ގެންދިޔަ 2 މީހެކެވެ.
ކޮވިޑް ބަލިމަޑުކަން ފެތުރެމުން ދާތީ މި ވަގުތު އަތޮޅު ތެރެއިން ގިނަ ރަށްތަކެއް ވަނީ މޮނިޓަރިންގެ ހާލަަތަށް ލާފައެވެ.
