ކުރީގެ އެސިސްޓެންޓް ކޮމިޝަނާ އޮފް ޕޮލިސް (އޭސީޕީ)ގެ މަގާމު އަދާކުރެއްވި އަލީ ރަޝީދު ޑެޕިއުޓީ ކޮމިޝަނާ އޮފް ޕޮލިސް (ޑީސީޕީ)ގެ މަގާމަށް އައްޔަން ކޮށްފިއެވެ.
އަލީ ރަޝީދަށް މަގާމުގެ ލިޔުން ހަވާލުކުރީ މިދިޔަ ހުކުރު ދުވަހު އިސްކަންދަރު ކޮށީގައި ބޭއްވި ރަސްމިއްޔާތެއްގައެވެ.
ފުލުހުންގެ މުއައްސަސާއަށް 25 އަހަރު ހިދުމަތް ކުރައްވާފައި ވާ އަލީ ރަޝީދަކީ އަތޮޅުތަކުގެ ޕޮލިސް ސްޓޭޝަންތައް ބެލެހެއްޓުމުގެ އެންމެ އިސްކޮށް ހުންނެވި ފަރާތެވެ.
އަލީ ރަޝީދު ވަނީ އޭސީޕީގެ މަގާމުގައި 11 އަހަރަށް ވުރެ ގިނަ ދުވަހު ހިދުމަތް ކުރައްވާފައެވެ.
އަލީ ރަޝީދު މަތީ ތައުލީމު ހާސިލް ކުރެއްވީ މެލޭޝިއާ އިންނެވެ. އެގޮތުން އަލީ ރަޝީދު ވަނީ މެލޭޝިޔާ އިން ޝަރީއާ އެންޑް ލޯ އިން މާސްޓާސް ޑިގްރީ ހާސިލް ކުރައްވައިފަ ވެއެވެ.
ޑީސީޕީގެ މަގާމަށް އަލީ ރަޝީދު އައްޔަން ކުރުމުން މިހާރު އެ މަގާމުގައި ތިއްބަވާނީ އަލީ ރަޝީދުގެ އިތުރުން އަބްދުލް މަންނާން ޔޫސުފެވެ.
