އިނގިރޭސިވިލާތުގެ ރޯޔަލް މިލިޓަރީ އެކެޑަމީގައި ކުރިއަށް ގެންދިޔަ އޮފިސާ ކެޑޭޓް ކޯހުން އެންއެންޑީއެފްގެ ސާޖަންޓް ފިރުޝާނާ ތައުފީގު އެއްވަަ ހޯދައިފިއެވެ.
"ބެސްޓް އިންޓަނޭޝަނަލް ސްޓޫޑެންޓް އެވޯޑް" ފިރުޝާނާ ހޯދީ އެ ކޯހުގައި ބައިވެރިވި އެތައް ސިފައިންނެއް ފަހަތަށް ޖައްސާލުމަށް ފަހުއެވެ. މިއީ އެ އިނގިރޭސިވިލާތުގެ ރޯޔަލް މިލިޓަރީ އެކެޑަމީގެ ތަމްރީނެއްގައި ދިވެހި އަންހެނަކު ބައިވެރިވި ފުރަތަމަ ފަހަރުވެސް މެއެވެ.
ފިރުޝާނާ އެ އެވޯޑް ހާސިލް ކުރުމާ ގުޅިގެން އެމްއެންޑީއެފުން ވަނީ އޭނާއަށް ތަހުނިޔާ ކިޔާފައެވެ.
އޭގެ އިތުރުން ޑިފެންސް މިނިސްޓަރު މާރިޔާ އަހުމަދު ދީދީ ވެސް ވަނީ ފިރުޝާނާ ހޯދި ކާމިޔާބަށް ތަހުނިޔާ ދަންނަވާފައެވެ.
އެގޮތުން މާރިޔާ ކުރެއްވި ޓްވީޓެއްގައި ވިދާޅުވީ ސިފައިންގެ އެންމެ އިސްވެރިޔާ، ރައީސް އިބްރާހިމް މުހައްމަދު ސޯލިހާއި ދިވެހި ރައްޔިތުންގެ ނަމުގައި ފިރުޝާނާ އަށް ތަހުނިޔާ ދަންނަވާ ކަމަށެވެ.
މާރިޔާގެ އިތުރުން ޗީފް އޮފް ޑިފެންސް ފޯސް މޭޖާ ޖެނެރަލް އަބްދުﷲ ޝަމާލް ވެސް ވަނީ ފިރުޝާނާ އަށް ތަހުނިޔާ ދަންނަވާފައެވެ. އެގޮތުން ފިރުޝާނާގެ ކާމިޔާބީ އާ މެދު އެމްއެންޑީއެފް އާއި މުޅި ދިވެހި ގައުމު ފަހުރުވެރިވާ ކަމަށް ޝަމާލް ވަނީ ވިދާޅުވެފައެވެ.
ޔޫކޭގެ ރޯޔަލް މިލިޓަރީ އެކެޑަމީ ސޭންޑްހާސްޓް އަކީ އޮފިސަރުން ތަމްރީން ކުރުމުގައި އަދި ލީޑަރުން ތަރުބިއްޔަތު ކުރާ މުޅި ދުނިޔޭގައި ވެސް އެރޮނގުން އެންމެ މަތީ ދަރަޖައިގައި ގުނާލެވޭ އެއް އެކެޑަމީ އެވެ.
މަރުޚަބާ
މަރުހަބާ މަރުހަބާ