ދ. ކުޑަހުވަދޫ އިން ރެންޑަމް ސާމްޕަލްތައް ވެސް ޕޮޒިޓިވް ވަމުން ދާ ކަމަށް އެޗްޕީއޭއިން ބުނެފިއެވެ.
އެޗްޕީއޭއިން މިއަދު ބުނީ ކުޑަހުވަދޫން ނެގި ސާމްޕަލްތަކުގެ ތެރެއިން އިތުރު 13 ސާމްޕަލް އެއް ޕޮޒިޓިވް ވެފައިވާ ކަމަށެވެ. އަދި އޭގެ ތެރޭގައި ހިމެނެނީ ޕޮޒިޓިވް މީހުންނާ ކޮންޓެކްޓް ވި 10 މީހެއްގެ ސާމްޕަލްގެ އިތުރުން ރެންޑަމް ކޮށް ނެގި ދެ ސާމްޕަލަކާއި އަލާމާތްތައް ފެނިގެން ޓެސްޓު ކުރި މީހެއްގެ ސާމްޕަލްއެއް ކަމަށް އެޗްޕީއޭއިން ބުނެއެވެ.
މިއާއެކު، އެރަށުން ޕޮޒިޓިވްވި މީހުންގެ ޖުމްލަ އަދަދު މިހާރު ވަނީ 19 އަށް އަރާފައެވެ.
ކޮވިޑް-19 އަށް ޝައްކު ކުރެވޭ އަލާމާތްތަކެއް ފެނިގެން ކުޑަހުވަދޫން ޓެސްޓު ކުރި 6 މީހަކު ވަނީ މިދިޔަ ބުދަ ދުވަހު ޕޮޒިޓިވް ވެފައެވެ. އެ 6 މީހުންނަކީ ވެސް ކުޑަހުވަދޫ އެއާޕޯޓުގައި މަސައްކަތް ކުރާ މީހުންނެވެ.
މިކަމާ ގުޅިގެން އެޗްޕީއޭއިން ވަނީ، މިދިޔަ މަހުގެ 26 ގެ ފަހުން ކުޑަހުވަދޫގައި އުޅެފައިވާ އަތޮޅުތެރޭގެ އެއްވެސް ރަށަކަށް ގޮސްފައިވާ ފަރާތެއް ވާނަމަ، ވީ އެންމެ އަވަހަކަށް އެރަށެއްގެ ހޮސްޕިޓަލް/ހެލްތް ސެންޓަރަށް އެންގުމަށް އެދިފައެވެ.
އަދި މިތާރީހުގެ ފަހުން ކުޑަހުވަދޫ އަށް ގޮސްފައިވާ ފަރާތެއް ވާނަމަ، ކުޑަހުވަދޫ އިން އަނބުރާ ރަށަށް އައި ދުވަހުން ފެށިގެން 14 ދުވަސް ވަންދެން ކަރަންޓީނުގައި ތިބުމަށް ވެސް އެޗްޕީއޭއިން ވަނީ އެދިފައެވެ. އެ ރަށެއްގެ ހެލްތު ސެންޓަރުން ނުވަތަ ހޮސްޕިޓަލުން އެފަރާތްތަކުގެ ސާމްޕަލް ނެގުމުގެ އިންތިޒާމު ހަމަޖައްސާނެ ކަމަށްވެސް އެޗްޕީއޭ އިން ބުނެފައި ވެއެވެ.
އަދި 26 ފެބްރުއަރީ ގެ ފަހުން ދ. ކުޑަހުވަދޫ އިން މާލެއަށް އައިސްފައިވާ ފަރާތްތަކުން މާލެހިޔާ ކައިރީގައި ހުންނަ ފްލޫ ކްލިނިކް، ހުޅުމާލޭ ފްލޫ ކްލިނިކް، އަދި ވިލިމާލޭ ފްލޫ ކްލިނިކަށް ގޮސް ސާމްޕަލް ނެގުމަށް އެޗްޕީއޭއިން ވަނީ އެދިފައެވެ. ނަތީޖާ ނެގެޓިވް ވި ކަމުގައި ވިޔަސް ކުޑަހުވަދޫ އިން އަނބުރާ ރަށަށް ދިޔަ ދުވަހުން ފެށިގެން 14 ދުވަސްވަން ދެން ކަރަންޓީނުގައި ތިބުމަށާއި، އެރަށަށް ކުރި ދަތުރުގެ މައުލޫމާތު 1676 އަށް ހިއްސާ ކުރުމަށް އެޗްޕީއޭއިން އެދިފައި ވެއެވެ.
އިންތިޚާބު ނިމެންދެން ކޮވިޑް އޮންނާނެ. އޭގެ ފަހުން ތިޔަކަން ދެނަހުރި އެކަކުވެސް ނުހުނަނާނެ. ކޮންއިރަކުންތޯ ރާއްޖެއިން ފައިސާ ދެއްކި ވެކްސިން ލިބެނީ؟ އާނ ފަހެ! މީހަކު ހައިރާނެއް ނުވާވާނެތަ. ދޮރެއްގެ ހުޅެއްވެސް ބަދަލު ކުރެވެނީ އިންޑިއާ އިން އެހީވެގެން ވިއްޔާ. ނާށިގަނޑު ހިފައިގެން ސަލާން ޖަހާތީ. މީހަކު އެޑްމިޓް ކޮށްގެން ފަރުވާދޭއިރުކު ނޭގޭ ކޮވިޑް ކަމެއް. ކެންސަރު ބަލިމީހުންވެސް މަރުވީމަ ވަނީ ކޮވިޑް ޖެހިގެން މަރުވި މީހަކަށް ވިއްޔާ! އިންތިޚާބު ނިމޭއިރަށް ކޮވިޑް ބެސް ނިމޭނެ. ކޮވިޑަކީ ސަރުކާރުގެ ސިޔާސީ ހަތިޔާރެއް މިހާރު.