ޝަރަފުވެރިކަމާއެކު ސިފައިންގެ ހިދުމަތުން ރިޓަޔާކުރައްވާފައިވާ ސީނިއާ އޮފިސަރުންނާ އެމްއެންޑީއެފް ލީޑާޝިޕުން ބައްދަލު ކުރައްވައިފިއެވެ.
އެމްއެންޑީއެފުން ބުނީ އެ ބައްދަލުވުން ބާއްވާފައި ވަނީ ބަންޑާރަކޮށީގައި އެކަމަށްޓަކައި ބޭއްވި ހާއްސަ ބައްދަލުވުމެއްގައި ކަމަށެވެ.
އެ ބައްދަލުވުމުގައި އެމްއެންޑީއެފްގެ ކުރިއެރުމާއި ތަރަށްގީއަށް މިހާރު ކުރިއަށް ގެންދާ ޕްރޮޖެކްޓް އަދި ޕްލޭންތަކާ ބެހޭގޮތުން ޕްރެޒެންޓޭޝަނެއް ވަނީ ދީފައެވެ.
އެ ބައްދަލުކުރެއްވުމުގައި ޗީފް އޮފް ޑިފެންސް ފޯސް މޭޖާ ޖެނެރަލް ޢަބްދުﷲ ޝަމާލާއި ވައިސް ޗީފް އޮފް ޑިފެންސް ފޯސް ބްރިގޭޑިއާ ޖެނެރަލް އަބްދުއްރަޙީމް އަބްދުއްލަތީފާއި ޖެނެރަލް އޮފިސަރުންނާއި އެމްއެންޑީއެފްގެ ސީނިއާ އޮފިސަރުން ބައިވެރިވެލެއްވިއެވެ.
މީގެ ކުރިންވެސް މިފަދަ ބައްދަލްވުންތައް ރިޓަޔާޑް ސިފައިންނާއެކު ކުރިއަށް ގެންގޮސްފައި ވާއިރު، މިފަހަރުގެ ބައްދަލްވުން ބާއްވާފައި ވަނީ އުތުރުތިލަފަޅުގެ މަޝްރޫއާ ގުޅޭގޮތުން ސިފައިންގެ އިސްވެރިންނަށް ފާޑުކިޔުން އަމާޒުވެފައިވާ ދަނޑިވަޅެއްގައެވެ.
މިމީހުން ކުރާ ކަންތަކާ އެމީހުންގެ ޚިޔާލް ތަފާތުވެ ދާނެތީ އަވަހަށް މަޅިއެއް ޖަހާލީދޯ. ދެމަފިރިން ރޭކުރާއިރު އެދޭތެޜޭގަވެސް އިންޑިއާމީހެއް. ހޭބަލި ވެދާނެ