ބ. ފެހެންދޫ ކައުންސިލްގެ ނައިބު ރައީސް ކުޑަކުއްޖަކަށް ޖިންސީ ގޯނާ ކުރި މައްސަލައެއްގައި ހައްޔަރުކޮށްފިއެވެ.
އޭނާ ހައްޔަރުކޮށްފައި ވަނީ އިއްޔެއެވެ. އޭނާ ހައްޔަރުކޮށްފައިވާ ކަން ފުލުހުން ވަނީ "ދަ ޕްރެސް" އަށް ވަނީ ކަށަވަރުކޮށްދީފައެވެ.
އެ މައްސަލައާ ގުޅިގެން ފުލުހުން ބުނީ ފެހެންދޫގައި 10 އަހަރުގެ ކުޑ ފިރިހެން ކުއްޖަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއްގައި 34 އަހަރުގެ ދިވެހި ފިރިހެނަކު ހައްޔަރުކޮށްފައިވާ ކަމަށެވެ.
އޭނާ ހައްޔަރު ކޮށްފައި ވަނީ އިއްޔެ މެންދުރު 2:30 ހާއިރު ކޯޓު އަމުރެއްގެ ދަށުން ކަމަށްވެސް ފުލުހުން މައުލޫމާތު ދެއެވެ. އެ މައްސަލާގައި ހައްޔަރުކުރި މީހާގެ ބަންދަށް 15 ދުވަސް ކޯޓުން ދީފައިވާ ކަމަށްވެސް ފުލުހުން މައުލޫމާތު ދެއެވެ.
އެ މައްސަލަ ތަހުގީގުކުރަމުންދާއިރު، އެ ރަށު ކައުންސިލުން ވަނީ ކައުންސިލްގެ ނައިބު ރައީސް އިބްރާހިމް ފަޒީލް ހައްޔަރުކުރިކަން ކަށަވަރުކޮށްދީފައެވެ.
އިސްލާމީ ޝަރީޢަތުން މީހެއްގެ މައްޗަށް ކުށެއް ސާބިތު ނުވާހާ ހިނދު އެމީހަކީ މައުޞޫމް މީހެއް. މިކަން މިހެން އޮތްއިރުވެސް، ތަޙްޤީޤަކަށް މީހަކު ޙައްޔަރު ކުރާއިރަށް އެއީކާކުކަން އެނގޭގޮތަށް ތިގޮތަށް ފަލަސުރުޚީއަށް އަރުވާލީމަ ވަރަށް ގިނަ ބަޔަކު ގަބޫލުކުރާނެ އެއީދެން ހަމަ ޙަޤީޤަތް ކަމަށް. ނަމަވެސް ތުހުމަތަށް ޙައްޔަރުކުރާ މީހާގެ ތަޙްޤީޤް ނިމޭއިރު އެމީހާ ވެދާނެ ހަމަ ޙަޤީޤަތުގަވެސް ކުށުން ބަރީއަ ވެފައިވާ ކަމަށްވެސް. އެކަމަކު އޭރު އެމީހާ އެއީ ކުށްކުރިމީހާކަމަށް ވަރަށް ގިނަބަޔަކު ވަނީ ގަބޫލުކޮށްނިމިފަ. އެމީހެއްގެ އަބުރު ކަތިލެވިފަ. އެހެންކަމުން ޝަރީޢަތުން ކުށް ސާބިތުނުވާ މިފަދަ ޚަބަރުތައް ނުލިއުމަށް ގޮވާލަން.
މީ ޕޕ މީހެއްތަ