އިންޑިއާ ހައިކޮމިޝަންގެ ފާރުމަތިން އެތަނަށް ވަނުމަށް ފުލުހުން އެހީތެރިކަން ފޯރުކޮށްދިނީ ބޭރުގައި ތާށިވެފައިހުރި އެތަނުގެ މުވައްޒަފަކަށް ކަމަށް ފުލުހުން ބުނެފިއެވެ.
"ދަ ޕްރެސް" އަށް މައުލޫމާތު ދެމުން ފުލުހުން ބުނީ އިންޑިއާ އެމްބަސީގައި މަސައްކަތް ކުރާ މީހަކު، އިންޑިއާ ވިސާ ހޯދަން ކިއު ހަދައިގެން ތިބި މީހުންނާ ވާހަކަ ދެއްކުމަށް އެމްބަސީން ނުކުތް ވަގުތު އެތެރެއިން ތަޅުލެވުމުން، އޭނާގެ އެދުމުގެ މަތިން އެމްބަސީގެ ފާރު މަތިން އެތެރެއަށް ވަނުމަށް ފުލުހުން އެހީތެރި ވެފައިވާ ކަމަށެވެ.
ފުލުހުން މިފަދަ އިން ބުނެފައިވަނީ މި ފަދަ މަންޒަރެއް ފެންނަ ވީޑިއޯއެއް އާންމު ވެފައިވާ ދަނޑިވަޅެއްގައެވެ.އެ ވީޑިއޯ އިން ފެންނަ ގޮތުގައި 2 ފުލުހަކުވެގެން އެމީހާ ފާރުމައްޗަށް އަރަން އެހީވެއެވެ. އަދި އެތަނުގައި 3 ވަނަ ފުލުހަކުވެސް ހުރިތަން ފެނެއެވެ.
މިފަދަ ހާދިސާއެއް ހިގާފައިވާއިރު، ބޭސްފަރުވާ އަށް އިންޑިއާ އަށް ދާން ބޭނުންވާ ގިނަ އަދަދެއްގެ ދިވެހިން ވިސާ ހޯދަން ހައިކޮމިޝަން ދޮށުގައި ކިއު ހަދާ 7-8 ގަޑިއިރު ހޭދަކުރަން ޖެހޭ މައްސަލަ މި ފަހުން އޮތީ ބޮޑުވެފައެވެ.
