މޫދަށް އެރުނު މީހަކު ގެނބިގެން ހުޅުމާލެ ހޮސްޕިޓަލުގައި ފަރުވާ ދެމުންދާ ކަމަށް ފުލުހުން ބުނެފިއެވެ.
ފުލުހުން ބުނީ ހުޅުމާލެ ސްވިމިން ޓްރެކް ސަރަައްދުގައި މޫދަށް އެރި އުޅުނު ފިރިހެނަކު ގެނބިގެން ހޮސްޕިޓަލަށް ގެންގޮސްފައި ވާ ކަމުގެ މައުލޫމާތު މިއަދު 08:00 ހާއިރު ލިބިފައިވާ ކަމަށެވެ.
އެމީހާ އަށް ހުޅުމާލެ ހޮސްޕިޓަލުގައި ފަރުވާ ދެމުންދާ ކަމަށް ފުލުހުން ވަނީ ބުނެފައެވެ،
ފުލުހުން ބުނީ މި ހާދިސާ އާ ގުޅިގެން ބަލަން ޖެހޭ ކަންކަން ބަލަމުންދާ ކަމަށެވެ.
މޫދަށް އެރުނު މީހަކު ގެނބިގެން ހުޅުމާލެ ހޮސްޕިޓަލުގައި ފަރުވާދެމުން ދާއިރު އިއްޔެ ވަނީ ރ. ފައިނުގައި މޫދަށް އެރި އުޅުނު އުމުރުން 5 އަހަރުގެ ފިރިހެން ކުއްޖަކު މަރުވެފައެވެ.
'ދަ ޕްރެސް' އަށް މައުލޫމާތު ދެއްވަމުން ފައިނު ކައުންސިލުގެ ރައީސް އިބްރާހިމް ނާސިރު ވިދާޅުވީ އެ ކުއްޖާ މަރުވެފައި އޮއްވާ ފެނުނީ ގެއްލިގެން ހޯދާތާ ބައި ގަޑިއިރެއް ހާއިރު ފަހުން، މޫދު އަޑިންނެވެ. މޫދުގެ 2 ފޫޓު އަޑިން ކުއްޖާ ފެނުނު އިރު ކުއްޖާގެ މޫނުގައި އަޅާފައި ވާ މާސްކު ވެސް އޮތް ކަމަށް ނާސިރު ވިދާޅުވިއެވެ.
