އައްޑޫ ސިޓީ ކައިރިން ދަތުރު ކުރި ކާގޯ ބޯޓެއްގައި މަސައްކަތް ކުރި ބިދޭސީ ފަޅުވެރިއަކު ބޯޓު ތެރެއަށް ވެއްޓި މަރުވެއްޖެއެވެ.
އެމްއެންޑީއެފުން ބުނީ އައްޑޫ ސިޓީ އިރު ދެކުނުން 165 ނޯޓިކަލް ބޭރުން ދަތުރު ކުރަމުން ދިޔަ "އެމްވީ ޑާބީ" ނަމަކަށް ކިޔާ ކާގޯ ބޯޓެއްގެ ތެރެއަށް އެ ބޯޓުގެ ބިދޭސީ ފަޅުވެރިޔަކު ވެއްޓި، އަވަސް ފަރުވާއަށް ބޭނުންވެގެން އެމްއެންޑީއެފަށް ރިޕޯޓު ކޮށްފައި ވަނީ އިއްޔެ މެންދުރު 12:26 ގައި ކަމަށެވެ.
އެ މީހާއަކީ ސްރީލަންކާއަށް ނިސްބަތްވާ މީހެއް ކަމަށާއި އޭނާ އައްޑޫ އިކުއަޓޯރިއަލް ހޮސްޕިޓަލަށް ގެންގޮސްފައިވަނީ ރޭ 11:40 ގައި ކަމަށް އެމްއެންޑީއެފުން މައުލޫމާތު ދެއެވެ.
އެ ހާދިސާއާ ގުޅިގެން ރަސްމީ އިދާރާއަކުން ބަހެއް ލިބިފައި ނުވާއިރު "ދަ ޕްރެސް" އަށް ކަށަވަރުވެފައިވާ ގޮތުގައި އެ މީހާ ވަނީ މަރުވެފައެވެ.
