ސްނޯކްލިންގއަށް ދިޔަ އަންހެން ފަތުރުވެރިއަކު ގެއްލިގެން ހޯދަން ފަށައިފިއެވެ.
އެމްއެންޑީއެފުން ބުނީ ގެއްލިގެން ހޯދަމުން ދަނީ އިންޓާކޮންޓިނެންޓަލް މޯލްޑިވްސް މާމުނަގައު ރިސޯޓުން ސްނޯކްލިން އަށް ދިޔަ އަންހެން ފަތުރުވެރިއެއް ކަމަށެވެ. އޭނާ ގެއްލިފައިވާ ކަމުގެ މައުލޫމާތު ލިބިފައި ވަނީ މިރޭ 8:58 ހާއިރު ކަމަށް އެމްއެންޑީއެފުން ބުނެއެވެ.
އެ ހާދިސާއާ ގުޅިގެން އެމްއެންޑީއެފުން ބުނީ އެ ފަތުރުވެރިޔާގެ ހަބަރެއް ނުވެގެން އެކަމުގެ ރިޕޯޓް ލިބުމާއިއެކު އެމްއެންޑީއެފްގެ ނޮދާން އޭރިއާގެ ކޯސްޓް ގާޑުން އޭނާ ހޯދުމުގެ މަސައްކަތް ފަށާފައިވާ ކަމަށެވެ. އޭނާ ލައިގެން ހުރީ ހުރީ ރަތް ކުލައިގެ ހެދުމެއް ކަމަށް މައުލޫމާތު ލިބެއެވެ.
ފަތުރުވެރިޔަކު ގެއްލިގެން ހޯދަމުން ދާއިރު، ޑައިވިން އަށް ދާ މީހުން ގެއްލުމާއި ފަތުރުވެރިން މީހުން މަރުވުމުގެ ހާދިސާތައް ހިނގަމުންދާ މިންވަރު ރާއްޖޭގައި މިހާރަކަށް އައިސް ގިނަކަން ވަނީ ފާހަގަ ކުރެވިފައެވެ.
