މާލޭގެ ގެއެއްގެ ތެރޭގައި ހިންގި މާރާމާރީއެއްގައި މީހަކަށް އަނިޔާވެއްޖެއެވެ.
ފުލުހުން ބުނީ މާލެ ހެންވޭރު ގެއެއްގެ ތެރޭގައި ހިންގި މާރާމާރީއެއްގައި މީހަކަށް އަނިޔާވެފައިވާ ކަމުގެ މައުލޫމާތު މިއަދު 05:30 ހާއިރު ފުލުހުންނަށް ލިބިފައިވާ ކަމަށެވެ.
މި މާރާމާރީގައި އަނިޔާވި މީހާއަށް އޭޑީކޭ ހޮސްޕިޓަލުގައި ފަރުވާ ދެމުންދާ ކަމަށް ފުލުހުން ވަނީ ބުނެފައެވެ.
މި މާރާމާރީ އާ ގުޅިގެން މިހާކު ހައްޔަރު ކޮށްފައެއް ނުވެއެވެ. ފުލުހުން ބުނީ މި މައްސަލަ ތަހުގީގު ކުރަމުންދާ ކަމަށެވެ.
މާލޭގައި މިހާރަކަށް އައިސް އަންނަނީ ގިނަ މާރާމާރީތައް ހިންގަމުންނެވެ.
އެގޮތުން މިދިޔަ އާދިއްތަ ދުވަހުގެ ރޭ މާލޭގައި ވަނީ ހަތަރު މާރާމާރީއެއް ހިނގާފައެވެ. އެ މާރާމާރީތަކުގައި 4 މީހަކަށް އަނިޔާ ލިބިފައި ވާއިރު އޭގެ ތެރެއިން ތިން މީހަކަށް އައިޖިއެމްއެޗުގައި ދަނީ ފަރުވާ ދެމުންނެވެ. އޭގެ ތެރެއިން އެކަކަށް ފަރުވާ ދެމުން ދަނީ އައިސީޔޫގައެވެ.
