ޓަގެއްގައި ކަފު ޖަހައިގެން ގެންދަނިކޮށް ރޭ ގެއްލުނު ބާޖު ފެނިއްޖެއެވެ.
އެމްއެންޑީއެފުން ބުނީ އެ ބާޖު ފެނުނީ އޮޔާ ދަނިކޮށް، ބާޖުގެ ވެރިފަރާތަށް ކަމަށެވެ. އެ ބާޖު ފެނިފައި ވަނީ މިއަދު ހެނދުނު ކަމަށްވެސް އެމްއެންޑީއެފުން މައުލޫމާތު ދެއެވެ.
އެ ބާޖަކީ ކ. ތިލަފުށިން ފުރައިގެން ވ. ކުނާވައްޓަށް ކަފު ޖަހައިގެން ދަތުރު ކުރަމުން ދިޔަ 120 ފޫޓުގެ ބާޖެކެވެ. އެ ބާޖު ގެއްލިފައިވާ ކަމަށް ރިޕޯޓު ކޮށްފައި ވަނީ ރޭ 10:33 ހާއިރެވެ.
ބާޖު ގެއްލުނީ ވ. ކުނާވަށީގެ ފަސް ނޯޓިކަލް ބޭރުންނެވެ.
