އަމީނީ މަގުގެ ދެކުނުގައިވާ މަގުތަކާއި ގޯޅިތަކުގައިވާ ޕާކިން ޒޯނުތައް ކުއްޔަށް ދޫކުރަން މާލެ ސިޓީ ކައުންސިލުން ނިންމައިފިއެވެ.
ސިޓީ ކައުންސިލުން ބުނީ ކުއްޔަށް ދޭން ނިންމާފައި ވަނީ އަމީނީ މަގުގެ ދެކުނުން އިއްޒުއްދީން މަގާއި، ދޮން އަދަރާދަ ހިނގުމާއި ދެމެދުގައިވާ މަގުތަކާއި ގޯޅިތަކުގައިވާ ހުސް ޖާގަތަކުން ކަމަށެވެ.
އެގޮތުން އަމީނީމަގުގެ ދެކުނުން ގުޅިފައި ހުރި ގޯޅިތަކުން، ހަތަރު ފުރޮޅުލީ އުޅަނދުތަކަށް ދޫކުރާނީ 292 ޖާގަ ކަމަށާއި އެ ޒޯނުން ޖާގަ ދޫކުރަނީ، ކާރަށާއި 350 ކިލޯއިން ދަށުގެ ޕިކަޕަށް ކަމަށް ސިޓީ ކައުނސިލުން މައުލޫމާތު ދެއެވެ. އަމީނީ މަގާ ގުޅިފައި އޮތް 13 މަގާއި ގޯޅިން ޖާގަ ވަނީ ކަނޑައަޅައިފައެވެ.
އެއިން ކޮންމެ ޕާކިން ސްލޮޓަކަށް މަހަކު 1500 ރުފިޔާ ކައުންސިލަށް ނަގާނެއެވެ.
ފާކިންއަށް ދޫކުރަން މިހާރު ހަމަޖެހިފައިވާ ސަރަހައްދުތަކުން ސްލޮޓްތަކަށް އެދި ހުށަހެޅުމުގެ ފުރުސަތު ހުޅުވައިލަނީ މާދަމާ އިން ފެށިގެން ކަމަށްވެސް ސިޓީ ކައުންސިލުން މައުލޫމާތު ދެއެވެ. ކައުނސިލުން ބުނީ އެ ޖަގަތަކާއި، ހުސްވަމުންދާ ޖާގަތަކުގެ އަޕްޑޭޓް ސިޓީ ކައުންސިލްގެ ޕޯޓަލުން ފެންނަނާނެ ކަމަށެވެ.
