ރާއްޖެ ޓީވީގެ ޕްރޮގްރާމެއްގައި ސިފައިންގެ އުޅަނދުތައް ބޭނުން ކުރުމަކީ ސިފައިން ފޯރުކޮށްދޭ އިޖުތިމާއީ ހިދުމަތެއް ކަމަށް އެންއެންޑީއެފުން ބުނެފިއެވެ.
އެމްއެންޑީއެފުން ބުނީ ޒަމާނުންސުރެ ވެސް އެ ފޯހުން ދަނީ، އާންމު ރައްޔިތުންނާއި، ވަކިވަކި ފަރުދުންނާއި އަމިއްލަ ޖަމިއްޔާ ޖަމާއަތްތަކާއި މީޑިއާތަކާއި ކުންފުނިތަކާއި ކައުންސިލްތަކުން އަދި ސުކޫލް މަދަރުސާތަކުން އިންތިޒާމް ކުރާ ހަރަކާތްތަކުގައި ދިވެހި އަސްކަރިއްޔާގެ އެހީތެރިކަމަށް އެދުމުން އެއެހީތެރިކަން ފޯރުކޮށްދެމުންދާ ކަމަށެވެ.
އަދި އެކަންކަން ކޮށްދެނީ ސިފައިންގެ އޮޕަރޭޝަންތަކަށް ދަތިނުވާނެ ގޮތެއްގެ މަތިން ލިބެން ހުރި ވަސީލަތްތައް ފޯރުކޮށް ދިނުމުގައި ހުރި މިންވަރަކުން ކަމަށް އެމްއެންޑީއެފުން ބުނެއެވެ.
އެމްއެންޑީއެފުން ބުނީ، މިއީ ރައްޔިތުންނާއި ދިވެހި އަސްކަރިއްޔާއާ ދެމެދު އޮންނަ ބަދަހި ގުޅުމާއި އިތުބާރު، އިތުރަށް ބަދަހިކޮށް ދެމެހެއްޓުމުގެ މާތް މަގްސަދުގައި ޒަމާނުންސުރެ، ސިފައިން ފޯރުކޮށްދެމުންދާ އިޖްތިމާއީ ހިދުމަތެއް ކަމަށެވެ.
އެމްއެންޑީއެފުން މިހެން ބުނެފައި ވަނީ ކުރިއަށް އޮތް ރޯދަ މަހު ރާއްޖެޓީވީން ދައްކާ "ސެލެބްރިޓީ ރޭސް" ރިއަލިޓީ ޝޯއަށް އެމްއެންޑީއެފްގެ ގިނަ އުޅަނދުތަކެއް ބޭނުން ކުރުމާ ގުޅިގެން ގިނަ ބަޔަކު ކަންބޮޑުވުން ފާޅުކޮށްފައި ވާތީ، ނޫސްވެރިން ސުވާލު ކުރުމުންނެވެ.
މައުލޫމާތު ލިބިފައިވާ ގޮތުގައި އެ ޝޯގެ ޝޫޓިންއަށް އެމްއެންޑީއެފްގެ ހަ އުޅަނދެއް ހާއްސަ ކުރި އިރު އެމްއެންޑީއެފްގެ ގިނަ މުވައްޒަފުން ވެސް ވަނީ ޝޫޓިން ކުރިއަށް ގެންދިޔަ ރަށްތަކަށް ފޮނުވާފަވެއެވެ.
އެ ޝޯއަށް ބޭނުންކޮށްފައި ވާ ބައެއް އުޅަނދުތަކުގެ ތެރޭގައި އިންޑިއާއިން ރާއްޖެއަށް ހަދިޔާ ކުރި ހެލިކޮޕްޓަރަކާއި ކޯސްޓްގާޑްގެ "ނޫރައްދީން" އާއި ފަޔަރު ލޯންޗެއް ވެސް ބޭނުން ކޮށްފައި ވާ ކަމަށް މައުލޫމާތު ލިބެއެވެ.
ކޮންވާހަކައެއް ހަމަރާބޯ ޓީވީ ފިލްމު ކުޅެންދެނީ އޮޅުވިލަންނޫޅެ ވަރަށްސާފް އިނގޭތޯ