ރައްޔިތުންގެ ކަންބޮޑުވުންތަކާއި ހިޔާލުތައް އަޑުއެހުމަށް "ޖަޒީރާ ސައްލާ" ގެ ނަމުގައި ސަރުކާރުން ހާއްސަ ހަރަކާތެއް ބާއްވަން ނިންމައިފިއެވެ.
ރައީސް އޮފީހުން ބުނީ އެ ހަރަކާތަކީ ރައްޔިތުންގެ ހިޔާލާއި ކަންބޮޑުވުންތައް އަދި ޝުއޫރުތައް، ސަރުކާރުގެ ސިޔާސަތުތައް ތަންފީޒު ކުރާ ފަރާތްތަކާ ހިއްސާ ކުރުމަށް ފުރުސަތު ދިނުމުގެ ގޮތުން ބާއްވާ ހަރަކާތެއް ކަމަށެވެ.
އެ ހަރަކާތް ބާއްވާނެ ވަކި ތާރީހެއް ރައީސް އޮފީހުން އަދި ހާމަކޮށްފައި ނުވި ނަމަވެސް އެ ހަރަކާތާ ބެހޭ ތަފްސީލު ކުރިއަށް އޮތް ދުވަސްތަކުގައި ހާމަ ކުރާނެ ކަމަށް އެ އޮފީހުން ބުނެއެވެ.
މި ސަރުކާރުން ވެރިކަމަށް އައުމަށް ފަހު ރައްޔިތުންގެ ހިޔާލު ހޯދަން ތަފާތު އެކި ފަހަރު މަތިން ވަނީ ރައްޔިތުންނާ ބައްދަލު ކޮށްފައެވެ.
އެގޮތުން އޭރު ބޭއްވީ "ޖަޒީރާ ހޮޅުއަށި" ގެ ނަމުގައެވެ. އެ ފަދަ ބައެއް ބައްދަލުވުން ތަކުގައި ރައީސުލްޖުމްހޫރިއްޔަ އިބްރާހިމް މުހައްމަދު ސޯލިހުވެސް ބައިވެރިވެވަޑައިގެންފައި ވެއެވެ.
މީގެ އިތުރުން ދިވެހި މުޖުތަމައުގައި ޒުވާނުންނަށް ކުރިމަތިވެފައި ވާ ދަތިތަކާ ގުޅޭގޮތުން މަޝްވަރާ ކުރުމަށް "ޒުވާނުންގެ ހޮޅުއަށި" ގެ ނަމުގައިވެސް ވަނީ ހަރަކާތްތަކެއް ފަށާފައެވެ. ނަމަވެސް އެ ހަރަކާތް ވަނީ ކޮވިޑް-19ގެ ސަބަބުން މެދުކެނޑިފައެވެ.
އެ ބައްދަލުވުންތަކުގައި ރައީސާއި ސަރުކާރުގެ އިސްވެރިންގެ އިތުރުން އެކި މުއައްސަސާތަކުގެ އިސްވެރިން ވެސް ވަނީ ބައިވެރިވެ ވަޑައިގެންފައެވެ.
(ވުޖޫދުގަ ނެތް ކަމަށް ބުނެ،، ފަހުން ވުޖޫދުގަ ހުރި ކަމަށްވެ އަލިފާންފޮށްޓަށާއި ކުލަފޮށްޓަށް ގޮވި) ފްލެޓްތަކާ ބެހޭގޮތުން އާންމުންނާއި އާންމުންގެ އެކުވެރި ޖަމްއިއްޔާ އަދި (ބިންވެރިންގެ ވަކިތަކުގެ ދަށު ނުވާ) ނޫސްވެރިން،ގެ ސުވާލުތަކާ ކުރިމަތިލައި ޖަވާބު ދޭން ކެރޭނެ؟ ނުުކެރޭނެ. ހަމަ ނުކެރޭނެ. ޔަގީން ނުކެރޭނެކަން. އާންމުންގެ އެކުވެރި ޖަމްއިއްޔާ އިން ފްލެޓްތަކުގެ މައުލޫމާތު އެއްކޮށް، ހާމަކުރަމުން ދަނީ ތިޔަބައިމީހުން އަވަދިވިޔަސް އޮޅުވާނުލެވޭނެ ވަރަށް. ބިރުން އާންމުން ކުރިމައްޗަށް ނުކުމެ އަނގަ ހުޅުވަންވެސް މުސާރަ ކައިގެން ތިބި ފްލެޓް ކޮމިޓީއަކަށް ނުކެރުނު. ނޭވާހޮޅިން އެކަންޏެއް ނޫން ފްލެޓުންވެސް ވައްކަން ކޮށްގެން ތިތިބީ.
ތިސައްލާގައި ސައްލާކުރާން ނިކުންނަމީހާ ގެންދާނީ ކަށި ބިޑި އަޅުވައިގެން ޖަލަށްކަމަށްވެސް ވެދާނެ. މިހާރުވެސް ރައްޔިތުންނަށް އެބޮތް ޓޫރިޒަމް ކޮވިޑް ވައިރަސް ތެރެއިން މަސައްކަތްކުރަން ހުޅުވާފައި ރައްޔިތުންނަށް ވަޒީފާދޭން. ކިހިނެއްބާވަނީ! އަހަރުމެން މިސައްލާކުރަނީ މެނޭގޖެރިއަލް އަދި ސްޕަރވައިޒަރީ ލެވެލްގައި ތިބީ ބޭރުމީހުން ޚާއްސަކޮށް އިންޑިއާމީހުން. މިކަންތަކަށް މަގުފަހިކުރަން އިކޮނޮމިކް މިނިސްޓަރ އެޑްވާސް ހިންޓެއް ޕަބްލިކަށް ފޮނުވީ ދިވެހީންގެ މިދާރާއަށް އެކަށީގެންވާ ތަޢުލީމުލިބިފައި ތިބި ޢިލްމީ ބަޔަކު ނެތޯ؟ މިސައްލާ ކުރަން މިތިބީ ރާއްޖޭގެ ވަޒީފާގެ ބާޒާރުގައި ފަތަނީ މިހާރު 70އިން ސައްތަ ބޭރުމީހުން. މިސައްލާނުކުރެވި މިތިބީ އެކަމަކު މިކަހަލަ ސައްލާ ކޮމަންޓް ފެންނާނެ ވަގުތާއި ދަޕްރެސް އަދި ދިޔަރެސްގެ މީޑިއާއިން. މިއީ ފާހަގަކުރެވޭ މިނިވަން 3 މީޑިއާއެއް. ރައްޔިތުންގެ ކެކުޅުން ދައްކުވައިދޭ މިހާރުވެސް. ތިޔަ ސައްލާގެ ފުރަގަހުގައިވާނީ ސަރުކާރުގެ ދޯހަޅި ކަމާއި ނުކުޅެދޭ ނޭއްގާނި ކަމުގެ ވާހަކަ ދައްކާ އުޅޭ މީހުން ދަނެގެން އެމީހުން ހިފާ ހައްޔަރުކޮށް އެމީހުންގެ ޢާއިލާތަކަށް ހިއުމިލިއޭޓް ކުރުންކަން ހަމަ ޔަޤީން.
ރައްޔިތުންގެ ވިންދު އެނގޭ ނޫސްތަކުގެ ލިސްޓަށް ވޮއިސް އިތުރު ކޮށްލަން ޖެހޭ. އާންމުންގެ ބޯހިޔާވަހިކަމަށް ފައިން އަރާއޮތް ކޮމިޓިއަކުން ހިންގާ ޖަރީމާތައް އެނޫހުން ގެންދަނީ އާންމުންނަށް ތިލަކޮށް ދެމުން. ރައްޔިތުންނަށް ކަންކަން ހާމަކޮށްދޭ ނޫސްވެރިންނަށް ޝުކުރު ހައްގު. އާންމުންނަށް އޮޅުވާލަން ފާޑުފާޑު ފަލަ ސުރުޚީ ލިޔާ ނޫސްވެރިން އެކުރަނީ ނޫސްވެރިކަމެއް ނޫން.