މާލޭގެ ސަބުދެލި މަގުގައި ހުންނަ އުސް އިމާރާތަކުން މީހަކު ވެއްޓިއްޖެއެވެ.
ފުލުހުން ބުނީ ސަބުދަލި މަގުގައި ހުރި ގެއެއްގެ މަތިން މީހަކު ވެއްޓިގެން އުޅޭ ކަމަށް މިރޭ 19:45 ހާއިރު ފުލުހުންނަށް މައުލޫމާތު ލިބިފައިވާ ކަމަށެވެ.
އަދި އެ މައުލޫމާތު ލިބުމާއި ގުޅިގެން މިހާރު ފުލުހުން ހަރަކާތްތެރިވަމުންދާ ކަމަށްވެސް ފުލުހުން ބުނެއެވެ.
ވެއްޓިފައި ވަނީ ދިވެހި ފިރިހެނެއް ކަމަށާއި އެމީހާ މިހާރު އައިޖީއެމްއެޗަށް ގެންގޮސްފައިވާ ކަމަށްވެސް ފުލުހުން ބުނެއެވެ.
ފުލުހުން ބުނީ އެ މީހާ ވެއްޓިފައި ވަނީ 3 ވަނަ ފަންގިފިލާއިން ކަމަށެވެ. އަދި ވެއްޓިފައި ވަނީ 34 އަހަރުގެ ފިރިހެނެއްް ކަމަށް ފުލުހުން މައުލޫމާތު ދެއެވެ.
އެ ހާދިސާއާ ގުޅިގެން "ދަ ޕްރެސް" އަށް މައުލޫމާތު ދެމުން އައިޖީއެމްއެޗުން ބުނީ އެމީހާ ހޮސްޕިޓަލަށް ގެނެސް ފަރުވާދީ ޓެސްޓްތައް ހަދަމުންދާ ކަމަށެވެ.
